ແກ່ນດອກຕາເວັນດີຕໍ່ກະດູກ, ຫລຸດໄຂມັນ ແລະ ຊ່ວຍໃຫ້ອາລົມດີ

- advert banner 728 90 728x90 - ແກ່ນດອກຕາເວັນດີຕໍ່ກະດູກ, ຫລຸດໄຂມັນ ແລະ ຊ່ວຍໃຫ້ອາລົມດີ

1. ຫລຸດຄໍເລສເຕີໂຣນ : ແກ່ນດອກຕາເວັນເປັນແຫ່ລງຂອງໄຂມັນບໍ່ອີ່ມໂຕ ຊ່ວຍຫລຸດລະດັບຄໍເລສເຕີໂຣນທີ່ບໍ່ດີ ເຊິ່ງເປັນປັດໄຈສ່ຽງຕໍ່ການເກີດພະຍາດຫົວໃຈ ແລະ ຫລອດເລືອດ. ແກ່ນດອກຕາເວັນຍັງອຸດົມໄປດ້ວຍເສັ້ນໄຍ ເຊິ່ງຊ່ວຍໃນການຂັບຖ່າຍ ແລະ ຊ່ວຍຫລຸດຄໍເລສເຕີໂຣນໂດຍລວມໄດ້.

- lattana 1 - ແກ່ນດອກຕາເວັນດີຕໍ່ກະດູກ, ຫລຸດໄຂມັນ ແລະ ຊ່ວຍໃຫ້ອາລົມດີ
- 011306 2019 1024x682 - ແກ່ນດອກຕາເວັນດີຕໍ່ກະດູກ, ຫລຸດໄຂມັນ ແລະ ຊ່ວຍໃຫ້ອາລົມດີ

     2. ດີຕໍ່ສຸຂະພາບກະດູກ : ກະດູກເປັນເນື້ອເຍື່ອທີ່ມີຊີວິດ ເຊິ່ງຕ້ອງການສານອາຫານຄືກັບພາກສ່ວນອື່ນໆຂອງຮ່າງກາຍ ໂດຍສະເພາະແມັກນີຊຽມ, ແຮ່ທາດຟົສຟໍ ແລະ ທອງແດງ ເຊິ່ງເຮັດໃຫ້ກະດູກມີຄວາມໜາແໜ້ນ ເພື່ອຮອງຮັບໃນການຮັບນຳ້ໜັກ ເຊິ່ງແກ່ນດອກຕາເວັນມີສານອາຫານເຫລົ່ານີ້ຢູ່.

   3. ຊ່ວຍຄວບຄຸມລະດັບນຳ້ຕານໃນເລືອດ : ແກ່ນດອກຕາເວັນຈະ ເຕັມໄປດ້ວຍເສັ້ນໄຍ ເຊິ່ງຈະຊ່ວຍຫລຸດການດູດຊຶມນຳ້ຕານໃນເລືອດ ໃນຂະນະທີ່ແມັກນີຊຽມຊ່ວຍປັບປຸງຄວາມໄວຂອງອິນຊູລິນ ການໂຮມກັນນີ້ສົ່ງຜົນໃຫ້ການຄວບຄຸມລະດັບນຳ້ຕານໃນເລືອດດີຂຶ້ນສຳລັບຄົນສ່ວນຫລາຍທີ່ບໍລິໂພກແກ່ນດອກຕາເວັນຢ່າງຕໍ່ເນື່ອງ.

     4. ສ້າງເສີມການລ້າງສານພິດເພື່ອສຸຂະພາບ : ຊີລີນຽມ ເປັນແຮ່ທາດທີ່ສຳຄັນໃນການກຳຈັດສິ່ງເສດເຫລືອອອກຈາກຮ່າງກາຍ ມັນມີບົດບາດໃນຂະບວນການທາງຊີວະພາບຫລວງຫລາຍ. ແກ່ນດອກຕາເວັນຊ່ວຍຮັກສາສານຕ້ານອະນຸມູນອິດສະລະທີ່ແຂງແກ່ນທີ່ສຸດຂອງຮ່າງກາຍ ເຊິ່ງຊ່ວຍໃຫ້ຕັບໃຊ້ໃນການປ້ອງກັນໂຕເອງຈາກຜົນກະທົບຂອງການເຜົາຜານສິ່ງເສດ ເຫລືອນັ້ນເອງ.

     5. ດີຕໍ່ສຸຂະພາບຜິວ : ແກ່ນດອກຕາເວັນເປັນແຫ່ລງວິຕາມິນເອີທີ່ດີ ເຊິ່ງມີບົດບາດສຳຄັນຕໍ່ສຸຂະພາບຜິວ ແລະ ການບຳລຸງຮັກສາ. ວິຕາມິນອີຊ່ວຍຫລຸດຄວາມເສຍຫາຍຕໍ່ແຊນຜິວທີ່ເກີດຈາກລັງສີຢູວີ ຊ່ວຍໃຫ້ຜິວຂອງທ່ານອ່ອນກ່ວາອາຍຸ. ວິຕາມິນເອີມີການໃຊ້ຢ່າງຫລາຍ ຈຶ່ງນິຍົມໃຊ້ໃນອຸດສາຫະກຳເຄື່ອງສຳອາງ.

     6. ຊ່ວຍໃຫ້ອາລົມດີ : ແກ່ນດອກຕາເວັນມີຜົນຕໍ່ອາລົມ ຄື ຊ່ວຍໃນການປັບປຸງລະດັບຂອງເຊໂຣໂທນິນທີ່ເປັນສານສື່ປະສາດ ເປັນປັດໄຈສຳຄັນຂອງອາລົມ. ນອກຈາກນີ້ຍັງຊ່ວຍໃນການຫລຸດລະດັບຂອງຮໍໂມນຄວາມເຄັ່ງຄຽດ ທັງຍັງອຸດົມໄປດ້ວຍກົດອະມິໂນທຣິບໂຕຟານທີ່ເປັນສານຕັ້ງຕົ້ນຂອງໂດປາມີນ ທີ່ຊ່ວຍໃຫ້ຫລັບແຈບດີນຳ.

     7. ເປັນແຫ່ລງໂປຣຕິນ : ຫາກທ່ານເປັນຄົນທີ່ບໍ່ກິນຊີ້ນສັດ ການກິນແກ່ນດອກຕາເວັນເປັນອາຫານເສີມ ຈະໄດ້ໂປຣຕິນຫລາຍເຖິງ 40% ຂອງປະລິມານທີ່ແນະນຳຕໍ່ມື້ ໃນປະລິມານ 100 ກຣາມ.

- Tiger Head 728x90 - ແກ່ນດອກຕາເວັນດີຕໍ່ກະດູກ, ຫລຸດໄຂມັນ ແລະ ຊ່ວຍໃຫ້ອາລົມດີ
- 1 1 - ແກ່ນດອກຕາເວັນດີຕໍ່ກະດູກ, ຫລຸດໄຂມັນ ແລະ ຊ່ວຍໃຫ້ອາລົມດີ

     8. ຊ່ວຍສົ່ງເສີມການຫລຸດນຳ້ໜັກ : ແກ່ນດອກຕາເວັນມີສານອາຫານທີ່ຊ່ວຍຫລຸດນຳ້ໜັກ ເຊັ່ນ : ໄຟເບີ ແລະ ວິຕາມິນເບ ຫາກໄຟເບີເພີ່ມຈຳນວນຫລາຍໃນກະເພາະອາຫານຈະຫລຸດຜ່ອນການດູດຊຶມນຳ້ຕານກລູໂກສ ແລະ ເຮັດໃຫ້ທ່ານອີ່ມຫລາຍຂຶ້ນ. ໃນຂະນະທີ່ວິຕາມິນເບ ຊ່ວຍໃຫ້ອາຫານຍ່ອຍໄດ້ມີປະສິດທິພາບຫລາຍຂຶ້ນ.

     9. ສາມາດຊ່ວຍໃນການປ້ອງກັນພະຍາດມະເຮັງ : ມີແຮ່ທາດຫາຍາກຈຳນວນຫລາຍ ເຊັ່ນ : ຊີລີນຽມ ເປັນປັດໄຈຮ່ວມໃນການປະຕິກິລິຍາຂອງເອັນໄຊຫລາຍຊະນິດ ແລະ ຊ່ວຍໃນການລ້າງພິດ ເຮັດໃຫ້ແຊນມະເຮັງທີ່ຈະເກີດນັ້ນເສື່ອມ.

     10. ຫລຸດຄວາມດັນເລືອດສູງ: ແກ່ນດອກຕາເວັນມີແຮ່ທາດຊ່ວຍຄວບຄຸມຄວາມດັນເລືອດ ໄດ້ແກ່ : ທາດການຊຽມ, ໂປຕັສຊຽມ ແລະ ແມັກນີຊຽມ ເຊິ່ງແຕ່ລະຊະນິດມີປະໂຫຍດໃນການຮັກສາຄວາມດັນເລືອດໃຫ້ປົກກະຕິ ໂປຕັສຊຽມຊ່ວຍປັບຄວາມດຸ່ນດ່ຽງໂຊດຽມ, ແມັກນີຊຽມ ສາມາດຊ່ວຍຄວບຄຸມຄວາມຫົດຢືດຂອງຫລອດເລືອດໄດ້.

error: Content is protected !!