7 ນິໄສງ່າຍໆທີ່ຈະເລີ່ມປ່ຽນຊີວິດທ່ານໃຫ້ດີຂຶ້ນ

- advert banner 728 90 728x90 - 7 ນິໄສງ່າຍໆທີ່ຈະເລີ່ມປ່ຽນຊີວິດທ່ານໃຫ້ດີຂຶ້ນ

     1. ຕື່ນເຊົ້າກ່ວາເກົ່າ : ໃຜກໍຢາກນອນຫລາຍໆ ແລະ ເຮັດໃຫ້ເຮົາມັກເລືອກຈະນອນໃຫ້ຕື່ນສວາຍທີ່ສຸດເທົ່າທີ່ຈະເຮັດໄດ້ ຫລືບໍ່ກໍແມ່ນຄົນທີ່ເຂົ້າວຽກ 9 ໂມງເຊົ້າກໍຢາກໄປໃຫ້ທັນເວລາເຂົ້າວຽກ, ແຕ່ສິ່ງທີ່ຕາມມາກໍຄື ທຸກເຊົ້າເຮົາຕ້ອງກັງວົນວ່າຈະໄປເຮັດວຽກທັນເວລາບໍ່ ເພາະຈະຕ້ອງພົບກັບບັນຫາການຈະລາຈອນຕິດຂັດ, ຫງຸດຫງິດຕັ້ງແຕ່ເລີ່ມຕົ້ນ ແຕ່ຖ້າເຮົາຝຶກຕື່ນເຊົ້າຕື່ມອີກຈັກ ເຄິ່ງຊົ່ວໂມງ ຫລາຍໆຢ່າງໃນຕອນເຊົ້າຈະບໍ່ຄືເກົ່າ ເຊັ່ນ : ເຮົາມີເວລາກິນເຂົ້າຫລາຍຂຶ້ນ ແລະ ໄດ້ປະໂຫຍດກ່ວາການກິນອາຫານສຳເລັດຮູບ. ສ່ວນໃຜທີ່ຄິດວ່າຈະນອນບໍ່ພໍນັ້ນ ຄວາມຈິງແລ້ວບັນຫາອາດຈະບໍ່ແມ່ນເລື່ອງທີ່ທ່ານນອນຕື່ນເຊົ້າເກີນໄປ ແຕ່ມັນຢູ່ບ່ອນວ່າທ່ານນອນເດິກຊໍ່າໃດ.

- lattana 1 - 7 ນິໄສງ່າຍໆທີ່ຈະເລີ່ມປ່ຽນຊີວິດທ່ານໃຫ້ດີຂຶ້ນ

     2. ເລືອກກິນອາຫານໜ້ອຍລົງ: ສິ່ງທີ່ຜູ້ຊ່ຽວຊານມັກເຫັນຫລາຍໆຄົນໃຊ້ເວລາຫລາຍໃນແຕ່ລະມື້ ໂດຍສະເພາະຊ່ວງພັກທ່ຽງ ແມ່ນການເລືອກວ່າຈະໄປກິນເຂົ້າຢູ່ໃສດີ ທັງນີ້ເພື່ອຫລຸດບັນຫາການເສຍເວລາໂດຍບໍ່ເກີດປະໂຫຍດໃນຊ່ວງພັກທ່ຽງ ທ່ານຄວນນັ່ງຄິດເບິ່ງວ່າທ່ານຈະກິນຫຍັງກ່ອນທີ່ຈະຮອດເວລາພັກທ່ຽງແທ້ໆຈະດີກ່ວາ.

     3. ມີປື້ມບັນທຶກຕິດໂຕສະເໝີ : ເວລາຄິດຫຍັງອອກກໍຈັບຂຶ້ນມາຈົດຂຽນເລີຍ ແທນການຈື່ ຫລື ປ່ອຍໃຫ້ຄວາມຄິດໄດ້ແລ່ນໃນຫົວພຽງຢ່າງດຽວ ທັງນີ້ຍ້ອນໄອເດຍຫລາຍຢ່າງນັ້ນເກີດຂຶ້ນໃນພາກສ່ວນຂອງຄວາມຊົງຈຳຊົ່ວຄາວທີ່ພ້ອມຈະສູນຫາຍໄປທັນທີເມື່ອມີຫຍັງບາງຢ່າງເຂົ້າມາດຶງຄວາມສົນໃຈແທນ. ຖ້າມີປື້ມບັນທຶກຕິດໂຕກໍບໍ່ແມ່ນເລື່ອງໜັກໜາ ຫລື ສ້າງພາລະພໍປານໃດ, ແຕ່ໃນຫລາຍໆເທື່ອມັນຈະເຮັດໃຫ້ທ່ານສະສົມໄອເດຍດີໆໄດ້ຫລາຍເອົາກັບມາໃຊ້ໃນມື້ໜ້າກໍຍັງໄດ້.

   4. ຝຶກໃຊ້ມືຖືໃຫ້ສົມກັບເປັນສະມາດໂຟນ : ທຸກມື້ນີ້ມືຖືຂອງເຮົາມັກຖືກໃຊ້ຫລັກໆແມ່ນໂລກອອນລາຍ ເປັນຕົ້ນແມ່ນ Facebook ຫລື ໃຊ້ໄວ້ຖ່າຍຮູບ. ແຕ່ຄວາມຈິງແລ້ວມືຖືຂອງທ່ານເຮັດຫຍັງໄດ້ຫລາຍກ່ວານັ້ນ ເພາະສິ່ງທີ່ເອີ້ນວ່າ ແອັບ ພຽງ ແຕ່ທ່ານຈະພະຍາຍາມຝຶກ ແລະ ເຮັດໃຫ້ມັນເປັນເຄື່ອງມືຊ່ວຍເຫລືອທ່ານຊໍ່າໃດ ລອງຫາແອັບດີໆທີ່ເຮັດໃຫ້ຊີວິດຂອງທ່ານງ່າຍຂຶ້ນ ເຊັ່ນ : ແອັບຈົດບັນທຶກ, ແອັບຊ່ວຍເຮັດລາຍການສິ່ງທີ່ຕ້ອງເຮັດ ແລະອື່ນໆ ແລະ ຝຶກໃຫ້ມັນຊ່ວຍເຮັດໃຫ້ຊີວິດທ່ານມີປະສິດທິພາບຫລາຍຂຶ້ນເບິ່ງ.

     5. ຕັ້ງໂມງໃຫ້ໄວກ່ວາປົກກະຕິ 5 – 10 ນາທີ : ການຕັ້ງເວລາໃຫ້ ໄວກ່ວາປົກກະຕິ 5 – 10 ນາທີ ຈະເຮັດໃຫ້ຊີວິດຂອງທ່ານມີການເຜື່ອ ແລະ ຈັດການເວລາດີຂຶ້ນຢ່າງບໍ່ຮູ້ໂຕ ເນື່ອງຈາກຫລາຍໆເທື່ອມັນຈະຢູ່ລະຫ່ວາງກາງສ້າງຄວາມພໍດີໃຫ້ກັບໂຕທ່ານໃຫ້ເຮັດຫຍັງໄດ້ໄວຂຶ້ນ ແລະ ບໍ່ຟ້າວຟັ່ງຈົນເກີນໄປ ແລະ ມັນເຮັດໃຫ້ໂຕທ່ານໄປຮອດບ່ອນນັດໝາຍກ່ອນເວລາ, ເຮັດວຽກ ແລ້ວຕາມກຳນົດແລະອື່ນໆ.

- 1 1 - 7 ນິໄສງ່າຍໆທີ່ຈະເລີ່ມປ່ຽນຊີວິດທ່ານໃຫ້ດີຂຶ້ນ
- Tiger Head 728x90 - 7 ນິໄສງ່າຍໆທີ່ຈະເລີ່ມປ່ຽນຊີວິດທ່ານໃຫ້ດີຂຶ້ນ

     6. ສ້າງຮູບແບບຊີວິດທີ່ເປັນແບບແຜນງ່າຍໆແດ່ກໍດີ : ການນຸ່ງເຄື່ອງແບບຂອງບໍລິສັດທຸກມື້ຈົນລຶ້ງ ກໍຊ່ວຍໃຫ້ທ່ານກາຍເປັນຄົນງ່າຍໆໃນການເລືອກເຄື່ອງນຸ່ງໄດ້ ເພາະບໍ່ຕ້ອງມາກັງວົນນຳການເລືອກແບບເຄື່ອງນຸ່ງ ເຊິ່ງຈະຊ່ວຍໃຫ້ທ່ານບໍ່ເສຍເວລາ ໂດຍຂະບວນການສ້າງຮູບແບບຊຳ້ໆນີ້ບໍ່ແມ່ນສະເພາະແຕ່ເລື່ອງເຄື່ອງນຸ່ງເທົ່ານັ້ນ ສາມາດເອົາມາປັບໃຊ້ກັບເລື່ອງວຸ້ນວາຍ ຫລື ສິ່ງ ທີ່ຕ້ອງກັງວົນນຳໄດ້ ເພາະຕອນເຊົ້າເປັນຊ່ວງເວລາທີ່ຈຳກັດ ຫາກເຮົາເມົາແຕ່ກັງວົນນຳເລື່ອງທີ່ບໍ່ສຳຄັນຈົນເກີນໄປ ຈະເຮັດໃຫ້ເຮົາເສຍສະມາທິໄປໂດຍບໍ່ຈຳເປັນໄດ້.

     7. ບໍ່ຟັງເພງລະຫ່ວາງເຮັດວຽກ ແມ່ນຢູ່ວ່າຫລາຍໆຄົນຈະມັກການຟັງເພງ ເຊິ່ງສ້າງຄວາມຄຶກຄື້ນໃນການເຮັດວຽກ, ແຕ່ຜູ້ຊ່ຽວຊານໄດ້ແນະນຳວ່າ ການຟັງເພງອາດຈະກາຍເປັນການດຶງສະມາທິຂອງທ່ານໄປໂດຍບໍ່ຮູ້ໂຕ ເພາະສະໝອງຂອງທ່ານຈະຕ້ອງປະມວນຜົນເພງ ຄິດເຖິງເນື້ອຮ້ອງຂອງເພງ ຫລື ອາດຈະເຮັດໃຫ້ທ່ານຮ້ອງເພງໄປນຳໂດຍທີ່ຄວາມຈິງແລ້ວສະມາທິ ຄວນຈົດຈໍ່ຢູ່ກັບວຽກຕໍ່ໜ້າຫລາຍກ່ວາ. ສະນັ້ນ ທ່ານຄວນເລືອກຟັງເພງໃຫ້ຖືກນຳ ບໍ່ແມ່ນວ່າຈະເອົາເພງທີ່ມາຟັງແລ້ວດຶງສະມາທິ (ຖ້າຈຳເປັນຕ້ອງຟັງແທ້ໆ) ຖ້າຢາກຮູ້ວ່າແທ້ບໍ່ ລອງສັງເກດພຶດຕິກຳແລະ ຄວາມຄິດຂອງທ່ານລະຫ່ວາງການເຮັດວຽກ ແລະ ຟັງເພງໄປນຳ ເບິ່ງວ່າມັນຄ່ອງແຄ້ວ ຫລື ເຮັດໃຫ້ທ່ານຊັກຊ້າເວລາປ່ຽນເພງຫລືບໍ່.

error: Content is protected !!