ເຂົ້າພັນສາຕັ້ງໃຈທຳບຸນໄຖ່ບາບ

ເຂົ້າພັນສາຕັ້ງໃຈທຳບຸນໄຖ່ບາບ - advert banner 728 90 728x90 - ເຂົ້າພັນສາຕັ້ງໃຈທຳບຸນໄຖ່ບາບ

ໂດຍ: ທິດ​ກ່ຳ

ເຂົ້າພັນສາຕັ້ງໃຈທຳບຸນໄຖ່ບາບ - new3 - ເຂົ້າພັນສາຕັ້ງໃຈທຳບຸນໄຖ່ບາບ
ເຂົ້າພັນສາຕັ້ງໃຈທຳບຸນໄຖ່ບາບ - 96 - ເຂົ້າພັນສາຕັ້ງໃຈທຳບຸນໄຖ່ບາບ

ຊ່ວງເຂົ້າພັນສາມີກຳນົດ 3 ເດືອນຄືນັບແຕ່ມື້ 15 ຄ່ຳເດືອນ  8 ໄປຫາ 15 ຄ່ຳເດືອນ 11 ພສ 2562  ລາວ ເຊິ່ງກົງ ກັບວັນທີ 16 ກໍລະກົດ ຫາ ວັນທີ 13 ເດືອນຕຸລາ 2019. ອີງຕາມກົດຂອງພະພຸດທະ ສາດສະໜາຊ່ວງເຂົ້າພັນສາ ຫ້າມພະສົງສາມະເນນໄປ ທຸລະທຳບຸນ ຫລື ໄປເຮັດກິດ ຈະກຳແຮມຄືນ ຫລື ຖ້າໄປ ໄດ້ ກໍຕໍ່ເມື່ອມີການອັນຈຳເປັນ.

ນອກຈາກນັ້ນ, ພະພຸດ ທະເຈົ້າຍັງຊົງເຫັນວ່າການໄປທຸລະຕ່າງໆ ໃນກິດຈະການ ຂອງ ສົງຊ່ວງນີ້ນັ້ນມັນມີ ຄວາມຫຍຸ້ງຍາກ, ທັງແມ່ນ ຍາມຟ້າ, ຍາມຝົນເປັນລະດູການຜະລິດເຮັດໄຮ່ເຮັດນາ, ປູກພືດຜັກ ແລະ ທັນຍາຫານ ຂອງປະຊາຊົນ.

ການເດີນທ່ຽວໄປທຳ ບຸນ ຫລື ເດີນທາງໄປອົບຮົມສັ່ງສອນອອກຕົນຍາດໂຍມໃນແຕ່ລະບ້ານ, ແຕ່ລະທ້ອງຖິ່ນໃນຊ່ວງນີ້ປະຊາຊົນບໍ່ມີ ຄວາມສະດວກ. ສ່ວນຫລາຍພາກັນນອນຢູ່ໄຮ່, ຢູ່ນາຜູ້ຢູ່ໃກ້, ຢູ່ໄກມີຄວາມຫຍຸ້ງໃນການຈະໄປມາ ຟັງເທດຟັງທຳ ຕອນກາງຄືນຍາມຟ້າຍາມຝົນມີຄວາມຫຍຸ້ງຍາກທຸລະ ກັນດານ.

ນອກຈາກນັ້ນ, ໃນການ ໄປສະໄໝກ່ອນສ່ວນຫລາຍ ກໍມີແຕ່ຍ່າງກັບຍ່າງ. ຈຳນວນພະສົງທີ່ເດີນທາງໄປກໍເປັນ ສິບເປັນຮ້ອຍ, ບາງຄັ້ງ, ບາງ ບ່ອນໃນເວລາເດີນທາງນອກຈາກປະສົບບັນຫາຟ້າລົມຝົນຕົກແລ້ວ, ພະສົງສາມະເນນ ທັງຫລາຍຍັງຈະໄປຢຽບຄັນ ນາຂອງປະຊາຊົນຈົນເປຈົນ ເປດກໍເປັນໄດ້ ເຊິ່ງພະພຸດທະເຈົ້າຂົງຫລິງເຫັນຜົນກະທົບ ແລະ ອຸປະສັກຕາມມາ ຫລາຍຢ່າງຈຶ່ງຊົງຕັດວ່າ ໃນຊ່ວງໄລຍະ 3 ເດືອນທີ່ ກ່າວມານີ້ ຫ້າມພະສົງສາມະເນນອອກທ່ຽວສະແຫວງບຸນຍ້ອນມັນມີຄວາມຫຍຸ້ງຍາກ ແລະ ມີຜົນກະທົບ ຫລາຍດ້ານ.

ໃນຊ່ວງເຂົ້າພັນສາສາມ ເດືອນໃຫ້ພະສົງສາມະເນນ ບຳເພັນບຸນກຸສົນຢູ່ວັດເຮັດໜ້າທີ່ສຶກສາຄົ້ນຄວ້າທຳມະວິໄນ, ບູລະນະ, ປັດກວາດວັດວາອາຮາມໃຫ້ ເຫລື້ອມໃສ, ຕັ້ງຢູ່ໃນສິນກິນ ໃນທຳ, ສູດປະຕິໂມກ, ຄົ້ນຄວ້າພະໄຕປີດົກໃຫ້ເກັ່ງໆ ເພື່ອຈະໄປນຳພາ, ສຶກສາອົບ ຮົມອອກຕົນຍາດໂຍມເຮັດ ບຸນສິນກິນທານ, ສ້າງສາທາ ລະອຸປະໂພກຂຸດນ້ຳບໍ່ກໍສາລາ ໃນໂອກາດຍາມອອກພັນສາ. ນີ້ຄືນະໂຍບາຍຂອງພະພຸດ ທະເຈົ້າກາຍເປັນພຸດທະບັນ ຍັດປະຕິບັດກັນມາຕັ້ງແຕ່ສະໄໝພຸດທະການເອີ້ນວ່າບຸນ ເຂົ້າພັນສາແຕ່ມື້ນັ້ນຈົນຜອງ ເທົ່າທຸກວັນນີ້.

ສຳລັບຊາວພຸດທະບໍລິ ສັດທັງຫລາຍທີ່ມີສັດທາເຊື່ອຟັງນັບຖືນອກຈາກປະຕິບັດ ຕົນເປັນຊາວພຸດເຊັ່ນ: ເຂົ້າວັດ ຟັງທຳ, ຕັ້ງຈິດອະທິຖານ ສ້າງ ຄວາມດີໃຫ້ຕົນເອງ ແລະ ສັງ ຄົມແລ້ວ, ຍັງຫັນສູ່ການຜະລິດ ເຮັດໄຮ່ເຮັດນາ, ເຮັດສວນ, ປູກຝັງລ້ຽງສັດທັງຕັ້ງໝັ້ນ ປະຕິບັດຢູ່ໃນສິ່ງທີ່ດີງາມ, ບໍ່ອິດສາລິດສະຫຍາ, ມີເມດ ຕາຈິດຮັກໄຄ່ກັນເປັນທີ່ຕັ້ງ.

ເຂົ້າພັນສາຕັ້ງໃຈທຳບຸນໄຖ່ບາບ - lattana 1 - ເຂົ້າພັນສາຕັ້ງໃຈທຳບຸນໄຖ່ບາບ

ອອກຕົນຍາດໂຍມຜູ້ໃດມີເງື່ອນໄຂ ກໍໃຫ້ເຂົ້າວັດຟັງທຳ, ຈຳສິນໃນມື້ 7 ຄ່ຳ, 8 ຄ່ຳ, ມື້ 14 ແລະ ມື້ 15 ຄ່ຳຫລື ຕະຫລອດໃນຊ່ວງໄລ ຍະເຂົ້າພັນສາສາມເດືອນ, ບາງຜ່ອງບາງຄົນກໍໄດ້ປະຕິຍານຕົນລະເວັ້ນຈາກອະບາຍຍະມຸກ ທັງປວງບໍ່ດື່ມເຫລົ້າ, ສູບຢາ, ບໍ່ໄປຫລິ້ນໄປທ່ຽວ ຊະຊາຍຫລືບໍ່ກະທຳໃນສິ່ງ ທີ່ເປັນອັບປະມົງຄຸນຕໍ່ຜູ້ອື່ນ, ຄອບຄົວອື່ນເພາະເຂົາຈະສາບແສ່ງປ້ອຍດ່າ, ຈ່ອງກຳ, ຈ່ອງເວນກັນບໍ່ເລິກບໍ່ ແລ້ວ, ພະພຸດທະອົງຍັງຊົງຕັດວ່າ: ຄົນທີ່ໄດ້ສ້າງຄວາມທຸກແກ່ຄົນອື່ນ, ສັງຄົມ ແລະ ປະເທດຊາດໃຫ້ເປັນທຸກນັ້ນ ຄືຄົນຂີ້ໂຫດສາມານ, ເປັນບາບເປັນກຳຕາຍໄປແລ້ວກໍ ເກີດເປັນສັດເດຍລະສານສັນໃດກໍສັນນັ້ນ.

ຕົກມາເຖິງສັງຄົມຍຸກນີ້, ອາຍຸໄຂຂອງສາດສະໜາພຸດກໍເປັນເວລາ 2562 ປີແລ້ວ, ມາເບິ່ງດ້ານແນວຄິດຈິດໃຈ ແລະ ພຶດຕິກຳຕົວຈິງຂອງ ຊາວພຸດເຮົາມີຈຳນວນບໍ່ ໜ້ອຍມີແນວຄິດປ່ຽນໄປສະ ແດງອອກຕົນເປັນຊາວພຸດ ແຕ່ບໍ່ສັດຊື່ຕໍ່ສາດສະໜາທີ່ ຕົນນັບຖືເປັນຕົ້ນຍັງມີການ ສໍ້ລາດບັງຫລວງ, ກິນຢາມ້າ ຄ້າຢາເມົາ, ຂີ້ລັກມັກຈົກ, ຊົກ ພຸ້ນຊົກພີ້, ມີກິເຫລດຕັນຫາ, ໂລບມາກໂລພາອັນໃດເພິ່ນ ກໍຢາກໄດ້, ເງິນກໍຢາກໄດ້ ຫລາຍ, ດິນກໍຢາກໄດ້ຫລາຍ.

ປະຕິບັດສິນຫ້າກໍບໍ່ໄດ້ ຄັນວ່າ ສຸຣາເມໄລຍະມະສັບ ປະມາຖັດຖານາເວຣະມະນີ ສິກຂາປະທັງສະມາທິຍາມິ ເພິ່ນພັດພ້ຽນວ່າ ສຸຣາເມ ໃຫ້ເຢັ້ນມາເປັນໄລຍະໆ ສຸດທ້າຍກໍມາຜິດຖຽງທັກຖາມ ກັນວ່າມຶງແມ່ນລູກໃຜ! ນີ້ລະ ເຂົາເອີ້ນວ່າເອົາບາບໄຖ່ບຸນບໍ່ແມ່ນເອົາໄຖ່ບາບ ແຖນວ່າ!./.

error: Content is protected !!