ດື່ມນົມເພີ່ມໂອກາດໃຫ້ໄດ້ລູກແຝດ
ນົມ ນອກຈາກຈະມີທາດການຊຽມຊ່ວຍເສີມສ້າງກະດູກ ແລະ ແຂ້ວໃຫ້ແຂງແຮງແລ້ວ ຍັງສາມາດຊ່ວຍໃຫ້ຜົວເມຍທີ່ຢາກ ໄດ້ລູກແຝດມີໂອກາດແບບບໍ່ຕ້ອງຫວັງເພິ່ງໂຊກເພິ່ງດວງໄດ້.
ໂດຍໃນວັນທີ 21 ພຶດສະພາ ປີຜ່ານມາ ຜົນງານວິໄຈຂອງ ດຣ. ແກຣີ ສະໄຕແມນ ປະຈຳສູນການແພດຊາວຍິວຂອງອຽກລັງ, ນິວຢອກ, ສະຫະລັດອາເມລິກາ ໄດ້ຖືກຕີພິມລົງໃນວາລະສານການແພດດ້ານການສືບພັນວ່າ : ແມ່ຍິງທີ່ດື່ມນົມຫລາຍກ່ວາປົກກະຕິ 5 ເທົ່າ ມີໂອກາດທີ່ຈະມີລູກແຝດໄດ້ຫລາຍກ່ວາແມ່ຍິງທີ່ບໍ່ໄດ້ບໍລິໂພກອາຫານປະເພດຊີ້ນເລີຍ.
ນອກຈາກນີ້ ຜົນການວິໄຈຂອງ ດຣ. ແກຣີ ຍັງສັນນິຖານວ່າ ໂປຣຕິນທີ່ພົບໃນຕັບຂອງສັດເປັນປັດໄຈຂອງການມີລູກແຝດນຳ ເນື່ອງຈາກໂປຣຕິນນີ້ມີອົງປະກອບການເຕີບໃຫຍ່ຄ້າຍຄືອິນຊູລິນ ເອີ້ນວ່າໄອຈີເອຟ ເຊິ່ງພົບໃນນົມງົວ ແລະ ຜະລິດຕະພັນຂອງສັດອື່ນໆ.
ໂປຣຕິນນີ້ຊ່ວຍເພີ່ມຈຳນວນໄຂ່ ສຳລັບແມ່ຍິງແລ້ວ ໂປຣຕິນນີ້ຈະຊ່ວຍໃຫ້ຮັງໄຂ່ມີປະຕິກິລິຍາໄວຂຶ້ນ ແລະ ເພີ່ມຈຳນວນໄຂ່ ຫລາຍຂຶ້ນ ຍິ່ງໄອຈີເອຟມີລະດັບສູງຍິ່ງພັດທະນາໂອກາດການຢູ່ລອດຂອງໂຕອ່ອນໃນໄລຍະເລີ່ມຕົ້ນຂອງການພັດທະນາ ທັງນີ້ຈຳນວນເດັກແຝດໃນໂລກເພີ່ມຂຶ້ນໃນໄລຍະ 30 ປີທີ່ຜ່ານມາເຖິງ 50% ແຕ່ຖ້າຈະໃຫ້ດີຄວນເຂົ້າຮັບຄຳປຶກສາຈາກແພດຈະດີທີ່ສຸດ ແຕ່ແນວໃດບໍ່ວ່າທ່ານຈະໄດ້ລູກຜູ້ຊາຍ ຫລື ຜູ້ຍິງ ຫລື ລູກແຝດ ທ່ານກໍຮັກລູກໆຂອງທ່ານຢູ່ແລ້ວແມ່ນບໍ່ ?