ຫາກຜິດຫວັງໃນຄວາມຮັກຢ່າເຮັດພຶດຕິກຳເຫລົ່ານີ້

ຫາກຜິດຫວັງໃນຄວາມຮັກຢ່າເຮັດພຶດຕິກຳເຫລົ່ານີ້ - advert banner 728 90 728x90 - ຫາກຜິດຫວັງໃນຄວາມຮັກຢ່າເຮັດພຶດຕິກຳເຫລົ່ານີ້

     ເມື່ອຄວາມຮັກຂອງຄົນສອງຄົນເຖິງເວລາຕ້ອງແຕກຫັກກໍເປັນເລື່ອງປົກກະຕິທີ່ຈະມີອາການເສຍອົກເສຍໃຈ ແລະ ຜິດຫວັງຕາມມາ ຍາກທີ່ຈະເຮັດໃຈໄດ້ໃນບໍ່ເທົ່າໃດມື້, ແຕ່ຢ່າໃຫ້ຄວາມເສຍໃຈນັ້ນທຳລາຍສະຕິຂອງທ່ານຈົນເຜີເຮັດເລື່ອງເຫລົ່ານີ້ ເພາະມັນຈະສົ່ງຜົນຮ້າຍຕໍ່ໂຕທ່ານເອງ.

   1. ຢ່າເຜີສົ່ງຂໍ້ຄວາມບໍ່ດີອອກໄປ : ການພະຍາຍາມສົ່ງຂໍ້ຄວາມບໍ່ດີ ຫລື ຂໍ້ຄວາມໃນດ້ານຕຳໜິຕິເຕືອນກັບໄປຫາເຂົາ ທ່ານອາດເຮັດໄປຍ້ອນອາລົມຊົ່ວຄາວ ແລະ ບໍ່ຕັ້ງໃຈທີ່ຈະສົ່ງຄຳເວົ້າແຮງໆອອກໄປ ແຕ່ຂໍ້ຄວາມນັ້ນອາດຈະເຮັດໃຫ້ທ່ານເສຍໃຈໃນພາຍຫລັງກໍເປັນໄດ້.

    2. ຢ່າທຳຮ້າຍໂຕເອງເດັດຂາດ : ຢ່າໄດ້ເອົາອາລົມຊົ່ວຄາວຂອງຄວາມໂສກເສົ້າເສຍໃຈເປັນສາເຫດທີ່ເຮັດໃຫ້ທ່ານບໍ່ຮັກໂຕ ເອງ ແລະ ລົງມືທຳຮ້າຍໂຕເອງເດັດຂາດ ເມື່ອຜ່ານໄລຍະເວລານີ້ໄປໄດ້ ທ່ານຈະກັບມານັ່ງເສຍໃຈແນ່ນອນ ຫາກພາດພັ້ງເຖິງຊີວິດ ໝາຍເຖິງທ່ານຈະສູນເສຍອະນາຄົດ ແລະ ພໍ່ແມ່ທ່ານຈະເສຍໃຈທີ່ສຸດ.

     3. ຢ່າໃຊ້ອານກໍຮໍເປັນໝູ່ປອບໃຈ : ໝູ່ໆຂອງທ່ານອາດຈະຊວນທ່ານໄປງານລ້ຽງສັງສັນ ຫລື ກິນດື່ມມ່ວນຊື່ນເຮຮາ ທ່ານອາດໃຊ້ອານກໍຮໍເປັນໝູ່ ຫວັງວ່າອາການເມົາຈະຊ່ວຍລືມເລື່ອງບໍ່ດີໄດ້ ຢ່າລືມວ່າເມື່ອທ່ານເຊົາເມົາ ທ່ານກໍຈະໂສກເສົ້າຄືເກົ່າ ເອົາແຕ່ພໍມ່ວນໃຫ້ຊີວິດໄດ້ຍິ້ມອອກແດ່ກໍພໍແລ້ວ ເມົາຫລາຍເກີນໄປອາດສົ່ງຜົນຮ້າຍທີ່ເຮັດໃຫ້ທ່ານເສຍໃຈພາຍຫລັງໄດ້.

     4. ຢ່າຟູມຟາຍອອກສື່ : ບໍ່ວ່າຈະຮ້ອງໄຫ້ໂວຍວາຍກາງຫ້າງສັບພະສິນຄ້າ, ອັດວີດີໂອຄລິບລົງສື່ສັງຄົມອອນລາຍ ຫລື ລະບາຍຫຍັງລົງສື່ສັງຄົມເຟສບຸກ ມັນກໍເບິ່ງບໍ່ດີຕໍ່ທ່ານ.

ຫາກຜິດຫວັງໃນຄວາມຮັກຢ່າເຮັດພຶດຕິກຳເຫລົ່ານີ້ - 1 1 - ຫາກຜິດຫວັງໃນຄວາມຮັກຢ່າເຮັດພຶດຕິກຳເຫລົ່ານີ້
ຫາກຜິດຫວັງໃນຄວາມຮັກຢ່າເຮັດພຶດຕິກຳເຫລົ່ານີ້ - lattana 1 - ຫາກຜິດຫວັງໃນຄວາມຮັກຢ່າເຮັດພຶດຕິກຳເຫລົ່ານີ້

5. ຢ່າລະບາຍຄວາມຮູ້ສຶກລົງອັບເດດສະຖານະໃນໂລກອອນລາຍທຸກນາທີ : ການປ່ຽນສະຖານະໃນໂລກອອນລາຍໃນທຳນອງເພີ້ຝັນ, ເສຍອົກເສຍໃຈຫລາຍຈົນເກີນໄປ ທ່ານບໍ່ຄວນສະແດງຄວາມອ່ອນແອໃຫ້ເຂົາ ຫລື ໃຜໆເຫັນ.

     6. ຢ່າພະຍາຍາມຂໍເຂົາເປັນໝູ່:ການເປັນແຟນບໍ່ໄດ້ ແລ້ວຂໍເຂົາເປັນໝູ່ກໍຍັງດີ ເປັນຄວາມຄິດທີ່ຜິດຫລາຍ ນັ້ນໝາຍເຖິງທ່ານຍັງມີເຍື່ອໄຍ, ຕັດເຂົາບໍ່ໄດ້ ຫາກມື້ໜຶ່ງເຂົາມີຮັກໃໝ່ ທ່ານຈະເຮັດໃຈໄດ້ຫລືບໍ່.

     7. ໃຫ້ຊາຍ ຫລື ຍິງອື່ນມາດາມໃຈ : ໃນໄລຍະເວລາເສຍໃຈ ແລະ ເຫງົາແບບນີ້ ທ່ານບໍ່ຄວນຫາໃຜເຂົ້າມາພຽງເພື່ອໃຫ້ໂຕເອງຮູ້ສຶກບໍ່ເຫງົາ ມັນບໍ່ກຸ້ມຄ່າກັນ ຫາກຈະເລີ່ມສຳພັນແບບໄວວາ ແລະ ກະທັນຫັນແບບນີ້ບໍ່ວ່າຈະກັບໃຜກໍຕາມ.

error: Content is protected !!