ສາກົນຊ່ວຍລາວສະກັດກັ້ນການລ່າສັດປ່າ

ສາກົນຊ່ວຍລາວສະກັດກັ້ນການລ່າສັດປ່າ - advert banner 728 90 728x90 - ສາກົນຊ່ວຍລາວສະກັດກັ້ນການລ່າສັດປ່າ

ສາກົນຊ່ວຍລາວສະກັດກັ້ນການລ່າສັດປ່າ

 ໃນໂອກາດວັນອະນຸລັກສັດນໍ້າ-ສັດປ່າແຫ່ງຊາດ, ອົງການອານຸລັກສັດປ່າ (WCS) ຮ່ວມກັບກອງທຶນອະນຸລັກສັດປ່າ (LCTW) ໄດ້ເປີດໂຄງການຕ້ານອາຊະຍາກໍາສັດປ່າ ແລະ ສະກັນກັ້ນການລ່າສັດປ່າ ຂຶ້ນທີ່ສວນສັດບ້ານເກີນ, ເມືອງທຸລະຄົມແຂວງວຽງຈັນ, ໂດຍໄດ້ຮັບການສະໜັບສະໜູນຈາກສະຫະພາບເອີຣົບ ແລະ ອົງການຄູ່ຮ່ວມງານເພື່ອຕ້ານອາຊະຍາກໍາສັດປ່າໃນວົງເງິນປະມານ 1 ລ້ານເອີໂຣ ເພື່ອປະຕິບັດແຜນງານຕັດຕ່ອງໂສ້ການຄ້າຂາຍສັດປ່າທີ່ຜິດກົດໝາຍຢູ່ໃນພາກພື້ນ ແລະ ເພີ່ມທະວີເປັນຄູ່ຮ່ວມງານລະຫວ່າງລັດຖະບານ ແລະ ອົງການຈັດຕັ້ງສັງຄົມ, ໂຄງການຈະສຸມໃສ່ສ້າງຄວາມເຂັ້ມແຂງໃຫ້ສາຍດ່ວນແຫ່ງຊາດ ເພື່ອເພີ່ມປະສິດທິພາບຂອງວຽກງານສືບຂ່າວລັບ ແລະ ຂໍ້ມູນຂ່າວສານກ່ຽວກັບອາຊະຍາກໍາສັດປ່າ, ​ເຊິ່ງມີໄລຍະການປະຕິບັດໂຄງການແຕ່ປີ 2019-2022.

   ໃນເດືອນພຶດສະພາ 2018 ຜ່ານມາ, ນາຍົກລັດຖະມົນຕີແຫ່ງ ສປປ ລາວ ໄດ້ອອກຄໍາສັ່ງວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ-ກວດກາສັດປ່າ ແລະ ພຶດປ່າປະເພດຫວງຫ້າມ ແລະ ສາຍພັນສັດປ່າ ແລະ ພຶດປ່າ ທີ່ຢູ່ໃນບັນຊີສົນທິສັນຍາສາກົນ (CITES) ຢູ່ ສປປ ລາວ ແລະ ການປະຕິບັດສົນທິສັນຍາດັ່ງກ່າວ ບາງສາຍພັນທີ່ຖືກຄ້າຂາຍຢູ່ລາວພົບເຫັນເປັນປະຈໍາ ເຊັ່ນ ຊ້າງ, ເສືອ, ລີ່ນ ແລະ ເຕົ່ານໍ້າຈືດ ກໍນອນໃນບັນຊີຫວງຫ້າມໃນກົດໝາຍຂອງ ສປປ ລາວ.   

ສາກົນຊ່ວຍລາວສະກັດກັ້ນການລ່າສັດປ່າ - lattana 1 - ສາກົນຊ່ວຍລາວສະກັດກັ້ນການລ່າສັດປ່າ
ສາກົນຊ່ວຍລາວສະກັດກັ້ນການລ່າສັດປ່າ - 1 1 - ສາກົນຊ່ວຍລາວສະກັດກັ້ນການລ່າສັດປ່າ

  ທ່ານນາງ ມະໂນລີ ສີສະຫວັນ ຮອງອໍານວຍການອົງການອະນຸລັກສັດປ່າປະຈໍາລາວ ໃຫ້ສໍາພາດວ່າ: ໂຄງການນີ້ແມ່ນເພື່ອເສີມສ້າງຄວາມສາມາດຂອງບັນດາອົງການຈັດຕັ້ງທີ່ບໍ່ຫວັງຜົນກໍາໄລໃນລາວເພື່ອຮ່ວມມືກັບລັດຖະບານໃນການຕ້ານການຄ້າຂາຍສັດປ່າທີ່ຜິດກົດໝາຍ, ພ້ອມທັງສ້າງຄວາມເຂັ້ມແຂງໃຫ້ພາກລັດໃນການບັງຄັບໃຊ້ກົດໝາຍກ່ຽວຂ້ອງກັບສັດນ້ຳ-ສັດປ່າໃຫ້ເຂັ້ມງວດ.

ຜູ້ຕາງໜ້າສໍານັກງານຜູ້ຕາງໜ້າສະຫະພາບເອີຣົບປະຈໍາລາວ ໃຫ້ສໍາພາດວ່າ: : ສະຫະພາບເອີຣົບໄດ້ໃຫ້ທຶນສະໜັບສະໜູນໂຄງການຄູ່ຮ່ວມງານເພື່ອຕ້ານອາຊະຍາກໍາການຄ້າສັດປ່າໃນ 7 ປະເທດ ຄື: ຈີນ, ມາເລເຊຍ, ມຽນມາ, ໄທ, ຫວຽດນາມ, ລາວ ແລະ ກໍາປູເຈຍ ໃນມູນຄ່າ 8 ລ້ານເອີໂຣ ແລະ ສະເພາະຢູ່ລາວມີມູນຄ່າ 1 ລ້ານກ່ວາເອີໂຣ ເພື່ອແນໃສ່ເຮັດໃຫ້ສະພາບການລັກລອບຄ້າຂາຍສັດປ່າຜິດກົດໝາຍໃນລາວຫລຸດລົງ, ທັງເປັນການສະໜັບສະໜູນຄວາມພະຍາຍາມຂອງລັດຖະບານລາວ ໃນການລຶບລ້າງການຄ້າຂາຍສັດປະເພດໃກ້ສູນພັນ ແລະ ມີຄວາມສ່ຽງຕໍ່ການສູນພັນໃນລາວ.

error: Content is protected !!