ປກສ ຊຽງຂວາງຈັບມືກາວລັກຊັບພົນລະເມືອງຕົວອັນຕະລາຍມາດໍາເນີນຄະດີ

- advert banner 728 90 728x90 - ປກສ ຊຽງຂວາງຈັບມືກາວລັກຊັບພົນລະເມືອງຕົວອັນຕະລາຍມາດໍາເນີນຄະດີ

- thief 267x300 - ປກສ ຊຽງຂວາງຈັບມືກາວລັກຊັບພົນລະເມືອງຕົວອັນຕະລາຍມາດໍາເນີນຄະດີ  ປກສ ແຂວງຊຽງຂວາງໃຫ້ຮູ້ວ່າ: ເມື່ອບໍ່ດົນມານີ້, ເຈົ້າໜ້າທີ່ຂອງຕົນສາມາດຈັບຕົວ ທ້າວ ໂຊເຟ່ ອາຍຸ 21 ປີຢູ່ບ້ານເທີນ ແລະ ທ້າວ ເບີດ ອາຍຸ 16 ປີຢູ່ບ້ານຍວນເມືອງແປກ, ແຂວງຊຽງຂວາງ ມາດໍາເນີນຄະດີຕາມລະບຽບກົດດໝາຍ, ພາຍຫລັງພວກເຂົາ ຮ່ວມກັນລັກຊັບພົນລະເມືອງໃນເຂດບ້ານດັ່ງກ່າວ ແລະ ກວາດເອົາຊັບສີນຂອງປະຊາຊົນ ໄປເປັນຈໍານວນຫລາຍ. ທັງສອງຮັບສາລະພາບຕໍ່ເຈົ້າໜ້າທີ່ວ່າ: ພາຍຫລັງໄດ້ຕິດຕາມການເຄື່ອນໄຫວຂອງເຈົ້າຂອງເຮືອນທີ່ຈະກໍ່ເຫດມາໄດ້ໄລຍະໜຶ່ງ, ກໍໄດ້ນັດກັນລົງມືໃນເວລາປະມານ 9:00 ໂມງຂອງວັນທີ 26 ເມສາຜ່ານມານີ້, ໂດຍ ໄດ້ໃຊ້ເຫລັກສະແລງງັດປ່ອງຢ້ຽມດ້ານຫລັງຂອງເຮືອນຜູ້ເສຍຫາຍແລ້ວເຂົ້າໄປງັດແຕ່ລະຫ້ອງ ແລະ ພົບເຫັນຕູ້ເຊບໜຶ່ງໜ່ວຍ, ຈຶ່ງໄດ້ງັດ ແລະ ກວາດເອົາຊັບສີນໃນຕູ້ດັ່ງກ່າວທີ່ມີເງີນປະມານ 10 ລ້ານກວ່າກີບ, ພ້ອມເຄື່ອງປະດັບປະເພດສາຍແຂນ, ສາຍຄໍ, ແຫວນ, ຕາງຫູ ແລະ ປື່ນອີກໜຶ່ງກະບອກແລ້ວພາກັນເອົາຕົວຫລົບໜີ, ສ່ວນເງິນ ແລະ ຊັບສີນທີ່ໄດ້ມາແມ່ນແບ່ງປັນກັນ ແລະ ໜຶ່ງອາທິດຕໍ່ມາກໍຖືກເຈົ້າໜ້າທີ່ຈັບຕົວມາດໍາເນີນຄະດີຕາມລະບຽບກົດໝາຍ.

ເຈົ້າໜ້າທີ່ ໃຫ້ຮູ້ວ່າ: ປັດຈຸບັນ, ພວມຕິດຕາມເກັບກູ້ເອົາຊັບສີນທີ່ຖືກລັກໄປມາຄືນເຈົ້າຂອງເດີມໄດ້ຄົບຖ້ວນ.

- Tiger Head 728x90 - ປກສ ຊຽງຂວາງຈັບມືກາວລັກຊັບພົນລະເມືອງຕົວອັນຕະລາຍມາດໍາເນີນຄະດີ
- 1 1 - ປກສ ຊຽງຂວາງຈັບມືກາວລັກຊັບພົນລະເມືອງຕົວອັນຕະລາຍມາດໍາເນີນຄະດີ
error: Content is protected !!