ແຜ່ນດິນໄຫວຢູ່ ອິນໂດເນເຊຍ 7,3 ຣິກເຕີ,ເຮັດໃຫ້ເຮືອນຊານບ້ານຊ່ອງຫຼາຍຮ້ອຍຫຼັງຖືກເສຍຫາຍ

ແຜ່ນດິນໄຫວຢູ່ ອິນໂດເນເຊຍ 7,3 ຣິກເຕີ,ເຮັດໃຫ້ເຮືອນຊານບ້ານຊ່ອງຫຼາຍຮ້ອຍຫຼັງຖືກເສຍຫາຍ - advert banner 728 90 728x90 - ແຜ່ນດິນໄຫວຢູ່ ອິນໂດເນເຊຍ 7,3 ຣິກເຕີ,ເຮັດໃຫ້ເຮືອນຊານບ້ານຊ່ອງຫຼາຍຮ້ອຍຫຼັງຖືກເສຍຫາຍ

ຮຽບຮຽງໂດຍ: ລູກເມືອງພວນ

ແຜ່ນດິນໄຫວຢູ່ ອິນໂດເນເຊຍ 7,3 ຣິກເຕີ,ເຮັດໃຫ້ເຮືອນຊານບ້ານຊ່ອງຫຼາຍຮ້ອຍຫຼັງຖືກເສຍຫາຍ - 6666 - ແຜ່ນດິນໄຫວຢູ່ ອິນໂດເນເຊຍ 7,3 ຣິກເຕີ,ເຮັດໃຫ້ເຮືອນຊານບ້ານຊ່ອງຫຼາຍຮ້ອຍຫຼັງຖືກເສຍຫາຍ

ແຜ່ນດິນໄຫວຄັ້ງນີ້ເກີດຂຶ້ນຢູ່ທີ່ ໝູ່ເກາະ Maluku, ທາງພາກຕາເວັນອອກຂອງ ອິນໂດເນເຊຍ, ເຮັດໃຫ້ເຮືອນຊານບ້ານຊ່ອງຫຼາຍຮ້ອຍຫຼັງຍຸບພັງທະລາຍ ແລະ ມີ ໜຶ່ງຄົນເສຍຊີວິດ.

ອີງຕາມກົມຕິດຕາມທໍລະນີສາດຂອງສະຫະລັດອາເມລິກາໃຫ້ຮູ້ວ່າ: ໃນວັນທີ 15 ກໍລະກົດນີ້, ຢູ່ໝູ່ເກາະ Maluku ໄປທາງທິດຕາເວັນອອກຂອງ ອິນໂດເນເຊຍ ໄດ້ເກີດມີແຜ່ນດິນໄຫວ, ຄວາມແຮງແທກໄດ້ 7,3 ຣິກເຕີ. ເມືອງ Halmahera ທີ່ຢູ່ໃກ້ກັບສູນກາງຂອງແຜ່ນດິນໄຫວ,  ມີເຮືອນຊານບ້ານຊ່ອງປະມານ 160 ຫຼັງຖືກເສຍຫາຍ ແລະ ມີ ຜູ້ຍິງໜຶ່ງຄົນເສຍຊີວິດ.

ວັນທີ 15 ກໍລະກົດນີ້, ທ່ານ Ihksan Subur ພະນັກງານຜ່ອນຄາຍໄພພິບັດທາງທຳມະຊາດຂອງທ້ອງຖິ່ນໃຫ້ຮູ້ວ່າ: “ ຜູ້ຍິງທີ່ຖືກເສຍຊີວິດນັ້ນ ແມ່ນຍ້ອນເຮືອນຍຸບທັບ ” ແຕ່ບໍ່ມີລາຍງານໃຫ້ຮູ້ເພີ່ມເຕີມການເສຍຫາຍ.

ຫຼາຍຮ້ອຍຄົນຈຳຕ້ອງໄດ້ອົບພະຍົບເຂົ້າໄປຢູ່ໃນໂຮງຮຽນ, ອາຄານຂອງລັດຖະການ ແລະ ບ່ອນທີ່ເປັນໂນນສູງ. ທ່ານ Subur ເວົ້າວ່າ: “ ການສັ່ນສະເທືອນຍັງມີມາເປັນຊຸດໆ ເຮັດໃຫ້ປະຊາຊົນຢ້ານກົວ ບໍ່ກ້າກັບຄືນເຮືອນຂອງຕົນເອງ.”

ແຜ່ນດິນໄຫວຢູ່ ອິນໂດເນເຊຍ 7,3 ຣິກເຕີ,ເຮັດໃຫ້ເຮືອນຊານບ້ານຊ່ອງຫຼາຍຮ້ອຍຫຼັງຖືກເສຍຫາຍ - 1 1 - ແຜ່ນດິນໄຫວຢູ່ ອິນໂດເນເຊຍ 7,3 ຣິກເຕີ,ເຮັດໃຫ້ເຮືອນຊານບ້ານຊ່ອງຫຼາຍຮ້ອຍຫຼັງຖືກເສຍຫາຍ
ແຜ່ນດິນໄຫວຢູ່ ອິນໂດເນເຊຍ 7,3 ຣິກເຕີ,ເຮັດໃຫ້ເຮືອນຊານບ້ານຊ່ອງຫຼາຍຮ້ອຍຫຼັງຖືກເສຍຫາຍ - lattana 1 - ແຜ່ນດິນໄຫວຢູ່ ອິນໂດເນເຊຍ 7,3 ຣິກເຕີ,ເຮັດໃຫ້ເຮືອນຊານບ້ານຊ່ອງຫຼາຍຮ້ອຍຫຼັງຖືກເສຍຫາຍ

ອົງກອນອຸຕຸນິຍົມ, ພູມອາກາດ ແລະ ທໍລະນີສາດ ອິນໂດເນເຊຍ ໃຫ້ຮູ້ວ່າ: ຈົນມາເຖິງຮຸ່ງເຊົ້າຂອງວັນທີ 16 ກໍລະກົດ, ຍັງມີການໄຫວຕາມມາເຖິງ 52 ຄັ້ງ. ອຳນາດການປົກຄອງໄດ້ເບີກຈ່າຍອາຫານການກິນເພື່ອຊ່ວຍຜູ້ປະສົບໄພ.

ອິນໂດເນເຊຍ ເປັນປະເທດໜຶ່ງທີ່ມີແຜ່ນດິນໄຫວຫຼາຍທີ່ສຸດ ຍ້ອນວ່າ ອິນໂດເນເຊຍ ນອນຢູ່ “ແລວໄຟ” ຂອງມະຫາສະມຸດປາຊີຟິກ. ປີກາຍນີ້ ກໍ່ເກີດແຜ່ນດິນໄຫວຄວາມແຮງ  7,5 ຣິກເຕີ ຢູ່ເມືອງ Palu ຂອງໝູ່ເກາະ Sulawesi ເຮັດ ໃຫ້ມີຜູ້ເສຍຊີວິດ 2.200 ຄົນ ແລະ ອີກ 1.000 ຫາຍສາບສູນ. ທ້າຍປີ 2014 ກໍ່ເກີດແຜ່ນດິນໄຫວຢ່າງຮຸນແຮງ 9,1 ຢູ່ນອກຊາຍຝັ່ງ Sumatra ພາໃຫ້ເກີດ ມີຄື່ນສຶນາມິຕາມມາ, ເຮັດໃຫ້ ຂົງເຂດມະຫາສະມຸດປາຊີຟິກ ອິນເດຍ ມີຜູ້ເສຍຊີວິດ 220.000 ຄົນ, ໃນນັ້ນ ມີຄົນ ອິນໂດເນເຊຍ 170.000 ຄົນ.

error: Content is protected !!