ເຂົ້າພັນສາຕັ້ງໜ້າປະຕິບັດຕົນໃຫ້ສົມເປັນຊາວພຸດ

ເຂົ້າພັນສາຕັ້ງໜ້າປະຕິບັດຕົນໃຫ້ສົມເປັນຊາວພຸດ - advert banner 728 90 728x90 - ເຂົ້າພັນສາຕັ້ງໜ້າປະຕິບັດຕົນໃຫ້ສົມເປັນຊາວພຸດ
ເຂົ້າພັນສາຕັ້ງໜ້າປະຕິບັດຕົນໃຫ້ສົມເປັນຊາວພຸດ - 3369 - ເຂົ້າພັນສາຕັ້ງໜ້າປະຕິບັດຕົນໃຫ້ສົມເປັນຊາວພຸດ

ໂດ​ຍ: ທິດ​ກ່ຳ

ເຂົ້າພັນສາຕັ້ງໜ້າປະຕິບັດຕົນໃຫ້ສົມເປັນຊາວພຸດ - new3 - ເຂົ້າພັນສາຕັ້ງໜ້າປະຕິບັດຕົນໃຫ້ສົມເປັນຊາວພຸດ

ມື້ເຂົ້າພັນສາໄດ້ເລີ່ມຂຶ້ນ ແລ້ວໃນມື້ 15 ຄ່ຳເດືອນ 8 ໄປ ຮອດ 15 ຄ່ຳເດືອນ 11 ລາວ 2562 ເຊິ່ງກົງກັບ ວັນທີ 16 ເດືອນກໍລະກົດ ຫາ ວັນທີ 13 ເດືອນຕຸລາ 2019, ໃນໄລຍະ 3 ເດືອນນີ້ ເປັນໄລຍະທີ່ ຊາວພຸດເຮົາຈຳນວນບໍ່ໜ້ອຍ ໄດ້ຕັ້ງຈິດອະທິຖານປະຕິບັດ ຕົນຢູ່ໃນກອບຂອງພຸດທະບັນຍັດ.

ເປັນຕົ້ນທາງ ເບື້ອງພະ ສົງສາມະເນນກໍງົດການໄປ ມາອອກທ່ຽວສະແຫວງບຸນ ທາງໄກແຮມຄືນ ຫລື ຫ້າມ ບໍ່ໃຫ້ໄປຢຽບທົ່ງໄຮ່ທົ່ງນາ ຂອງປະຊາຊົນເພາະຖືວ່າສະໄໝພຸດທະການນັ້ນການໄປ ມາສະແຫວງຫາບຸນແຕ່ລະ ບ່ອນ, ແຕ່ລະທີ່ນັ້ນຕ້ອງໄດ້ ຍ່າງເປັນ ພຶງເປັນແພເປັນ 10 ເປັນ 100 ຜ່ານທົ່ງນາ ປ່າ ເຂົາຂອງປະຊາຊົນຈົນຄັນ ນາຫົນທາງທ່ຽວເປັນເປ່ເພ ກວ່າຈະຮອດວັດໃດວັດໜຶ່ງ ຫລື ບ້ານໃດບ້ານໜຶ່ງຕ້ອງ   ໄດ້ ຜ່ານທົ່ງໄຮ່ທົ່ງນາ, ປ່າຕຶບດົງໜາ ແລະ ຮ່ອງຫ້ວຍພູເຂົາ, ກົງກັນຂ້າມສະໄໝນີ້ ບ້ານເມືອງມີຄວາມຈະເລີນ ຮຸ່ງເຮືອງ ແລະ ພັດທະນາໄປຕິກໆ ຈົນລົດແລ່ນເຂົ້າໄປ ຈອດເຕັມເດີ່ນວັດ.

ແນວໃດກໍຕາມ, ສຳລັບຊາວພຸດທະບໍລິສັດເຮົາທັງຫລາຍທີ່ໄດ້ຖືເອົາພຸດທະ ສາດສະໜາ ເປັນທີ່ເພິ່ງທາງ ໃຈມີຈຳນວນບໍ່ໜ້ອຍກໍໄດ້ຕັ້ງຈິດອະທິຖານວ່າ: ໃນໄລຍະເຂົ້າພັນສາປີນີ້,  ຕົນຈະຕັ້ງໜ້າປະຕິບັດຕົນສ້າງ ຄວາມດີຄວາມຊອບເພື່ອ ຕົນເອງ, ຄອບຄົວ ແລະ ສັງຄົມເປັນຕົ້ນ: ງົດການໄປ ຫລິ້ນໄປທ່ຽວ, ງົດການດື່ມ ເຫລົ້າສູບຢາ ຫລື ພະຍາຍາມ ຫລີກເວັ້ນ ສິ່ງທີ່ເປັນອະບາຍຍະມຸກຕ່າງໆ ທີ່ບໍ່ເປັນປະໂຫຍດແກ່ຕົນເອງ.

ຄອບຄົວ ແລະ ປະເທດຊາດ, ໄປຄຽງຄູ່ກັນນັ້ນ, ທິດກ່ຳ ຍັງໄດ້ເຫັນຊາວ ພຸດທະບໍລິສັດເຮົາທັງຫລາຍພາກັນເຂົ້າວັດຕັກບາດທຳບຸນ,  ບາງຄົນໃນວັນສິນວັນພະກໍເຂົ້າວັດຈຳສິນ, ຕັ້ງຈິດອະທິຖານປະຕິບັດຕົນໃຫ້ຢູ່ໃນກອບຄອງສິນຄອງທຳດ້ວຍຈິດໃຈອັນບໍລິສຸດຜຸດຜ່ອງ.

ໃນເງື່ອນໄຂ ທີ່ປະເທດ ຊາດ ບ້ານເມືອງຂອງພວກ ເຮົາມີຄວາມຈະເລີນພັດທະ ນາຄືດັ່ງທຸກ ວັນນີ້, ທາງເບື້ອງການສ້າງສາວັດວາ ອາຮາມກໍມີຄວາມຈະເລີນ ຮຸ່ງເຮືອງໄປພ້ອມໆ ກັບການ ສ້າງສາດ້ານອື່ນໆ.

ເຂົ້າພັນສາຕັ້ງໜ້າປະຕິບັດຕົນໃຫ້ສົມເປັນຊາວພຸດ - lattana 1 - ເຂົ້າພັນສາຕັ້ງໜ້າປະຕິບັດຕົນໃຫ້ສົມເປັນຊາວພຸດ

ອັນທີ່ພິເສດສຸດກໍແມ່ນ ເຫັນຊາວພຸດເຮົາຈຳນວນບໍ່ໜ້ອຍໄດ້ພ້ອມກັນຫັນໜ້າ ເຂົ້າວັດເພື່ອຢຶດໜ່ຽວຈິດໃຈ ໃຫ້ຢູ່ໃນກອບຂອງຊາວພຸດ, ສະແດງອອກໃນໂອກາດບຸນເຂົ້າພັນສາປີນີ້,  ຊາວພຸດເຮົາທັງຫລາຍບໍ່ວ່າຜູ້ອາວຸໂສ, ຊາວໜຸ່ມຍິງຊາຍໄດ້ພ້ອມ ກັນເຂົ້າວັດຕັກບາດຢາດນ້ຳ ເພື່ອປັບປຸງແບບແຜນດຳລົງຊີວິດຂອງຕົນໃຫ້ຢູ່ໃນຄວາມສະຫງົບ.

ແນວໃດກໍດີ, ເທົ່າທີ່ທິດ ກ່ຳເຄີຍເຫັນມາຍັງມີຊາວພຸດ ເຮົາຢ່າງຫລວງຫລາຍທີ່ຕັ້ງ ຕົນເປັນຊາວພຸດແຕ່ຍັງບໍ່ທັນ ສັດຊື່ຕໍ່ຕົນເອງ, ສັງຄົມ ແລະ ປະເທດຊາດ.

ໂດຍສະເພາະ ການປະ ຕິບັດສິນຫ້າປານາ: ຫ້າມບໍ່ໃຫ້ຂ້າສັດກໍຍັງໄປເຂົ້າປ່າຫາລ່າສັດຢູ່, ອະທິນາ: ຫ້າມ ບໍ່ໃຫ້ລັກແຕ່ຍັງມີການສໍ້ລາດ ບັງຫລວງຢູ່, ມຸສາ: ຫ້າມບໍ່ ໃຫ້ຕົວະແຕ່ພັດຍັງມີການຕົ້ມຕຸນຢູ່, ກາເມ: ຫ້າມບໍ່ໃຫ້ມີໄພ ສັງຄົມຊູ້ສາວແຕ່ຍັງພາກັນ ລັກເຮັດລັກໄປ. ສຸຣາເມ: ຫ້າມບໍ່ໃຫ້ດື່ມສິ່ງມືນເມົາແຕ່ກ໊ອກຈົນນັບສິບບໍ່ລູກ, ນີ້ລະ ຄືພຶດຕິກຳຂອງຊາວພຸດເຮົາທີ່ຍັງເຮັດບໍ່ທັນໄດ້ຕາມສິ່ງ ທີ່ເຮົານັບຖື.

ເຖິງຢ່າງໃດກໍດີ, ຕາມ ທິດກ່ຳຄິດໂອກາດເຂົ້າພັນ ສາປີນີ້ຊາວພຸດເຮົາຄົງຈະພ້ອມກັນຕັ້ງຈິດອະທິຖານ ປະຕິຕົນເຮັດແຕ່ສິ່ງດີໆ, ຜູ້ເກັບພາສີກໍຂໍໃຫ້ໄດ້ຫລາຍໆ ຜູ້ຄ້າຂາຍກໍ ໃຫ້ພາກັນເສຍພັນທະອາກອນ, ຜູ້ເຮັດການຜະລິດກະສິກຳ, ອຸດສະຫະ ກຳກໍຂໍໃຫ້ບຸກທະລຸຕາມແຜນພັດທະນາເສດຖະກິດ-ສັງຄົມ ຂອງພັກ ແລະ ລັດຖະບານວາງອອກ. ໃນອະນາ ຄົດຂ້າງໜ້າທັງໝູ່ທັງເຮົາ, ທັງເຈົ້າທັງຂ້ອຍ ແລະ ລູກ ຫລານຈຶ່ງຈະມີຄວາມສຸກ./.

error: Content is protected !!