ລະບຽບປ້າຍບໍ່ເວົ້າກະຢ່າ

ລະບຽບປ້າຍບໍ່ເວົ້າກະຢ່າ - advert banner 728 90 728x90 - ລະບຽບປ້າຍບໍ່ເວົ້າກະຢ່າ

ໂດຍ: ທ່ຽງທຳ

ລະບຽບປ້າຍບໍ່ເວົ້າກະຢ່າ - new3 - ລະບຽບປ້າຍບໍ່ເວົ້າກະຢ່າ
ລະບຽບປ້າຍບໍ່ເວົ້າກະຢ່າ - 23 - ລະບຽບປ້າຍບໍ່ເວົ້າກະຢ່າ

ສະບາຍດີເພື່ອນຜູ້ອ່ານທີ່ຮັກແພງທັງຫລາຍ, ຂ້າພະເຈົ້າຄິດວ່າພວກທ່ານກໍອາດຈະມີຂໍ້ຄິດຄືທ່ຽງທຳເຊັ່ນດຽວກັນ, ເພາະລະບຽບການຕ່າງໆກ່ຽວກັບປ້າຍທຸກຊະນິດຢູ່ລາວເຮົາໄດ້ມີມາ ນັບເຫິງນານແລ້ວ, ໂດຍແມ່ນກະຊວງຖະແຫລງຂ່າວ, ວັດທະນາທຳ ແລະ ທ່ອງທ່ຽວເຮົານີ້ເອງເປັນຜູ້ກຳນົດນັບທັງຂະຫນາດ, ຕົວອັກສອນຕ້ອງເປັນພາສາລາວຂຽນຂຶ້ນເທິງກ່ອນ ແລະ ຖັດລົງມາກໍອາດຈະເປັນພາສາຕ່າງປະເທດ, ແຕ່ໃຫ້ຂຽນນ້ອຍກວ່າພາສາລາວເພື່ອຍຶດຫມັ້ນໃນລັກສະນະຂອງຄວາມເປັນລາວທີ່ມີອະທິປະໄຕ ແລະ ວັດທະນາທຳຂອງຕົນ ແລະ ຕົກມາໄລຍະດຳເນີນແນວທາງຍະໂຍບາຍສາມສ້າງມານັ້ນ, ທາງກະຊວງຖະແຫລງຂ່າວ, ວັດທະນາທຳ ແລະ ທ່ອງທ່ຽວໄດ້ມອບໂອນວຽກຄຸ້ມຄອງປ້າຍໃຫ້ທ້ອງຖິ່ນເຂດແຂວງຕ່າງໆເປັນຜູ້ຄຸ້ມຄອງເພື່ອແນ່ໃສ່ສ້າງຄວາມເຂັ້ມແຂງໃຫ້ທ້ອງຖິ່ນໃນແຕ່ລະວຽກງານເທື່ອລະ ກ້າວ, ແຕ່ແລ້ວມາຮອດປັດຈຸບັນເບິ່ງຄືວ່າບັນຫາປ້າຍໄດ້ກາຍເປັນສິ່ງຢູ່ນອກແລວໄປເສຍແລ້ວ, ໂດຍສະເພາະແມ່ນນັບແຕ່ໄລຍະທີ່ນັກລົງທຶນຕ່າງປະເທດຫລັ່ງໄຫລເຂົ້າມາລົງທຶນ ແລະ ດຳເນີນກິດຈະການຕ່າງໆຢູ່ປະເທດເຮົາຫລາຍຂຶ້ນ ແລະ ບັນດາລະບຽບການ ແລະ ຂໍ້ກຳນົດຕ່າງໆກ່ຽວກັບປ້າຍດັ່ງກ່າວໄດ້ຈ່າງຫາຍໄປຈົນບໍ່ສາມາດຄວບຄຸມໄດ້. ດັ່ງຢູ່ຕົວເມືອງຫລວງເຮົາໃນປັດຈຸບັນ, ຖ້າອອກຈາກເຮືອນໄປກໍເກືອບຈະບໍ່ຮູ້ວ່ານີ້ແມ່ນຢູ່ປະເທດໃດກັນແທ້, ເຊິ່ງຮ້າຍແຮງທີ່ສຸດກໍອາດແມ່ນກະໂຕຖະຫນົນເຕ 2 ກໍຄືຖະຫນົນອາຊຽນເຮົາ, ນັບແຕ່ອອກເດີ່ນບິນສາກົນວັດໄຕມາກໍອາດຈະຫລຽວເຫັນປ້າຍໂຄສະນາ ຫລື ປ້າຍບົງບອກຫ້າງຮ້ານບໍລິການຕ່າງໆສ່ວນຫລາຍຈະບໍ່ມີຕົວອັກສອນລາວເລີຍ ຫລື ກະໂຕຫ້າງຮ້ານໃນສັບພະສິນຄ້າໃຫຍ່ໆກໍຕົກຢູ່ໃນສະພາບດຽວກັນ. ສິ່ງນີ້ບົງບອກໃຫ້ຮູ້ວ່າຜູ້ກວດກາຄຸ້ມຄອງ ລະບຽບປ້າຍໄດ້ເອົາຫູໄປນາເອົາຕາໄປໄຮ່ຫມົດແລ້ວ. ດີບໍ? ຖ້າໃນສະພາບແນວນີ້, ຫນຶ່ງແມ່ນເບື້ອງມະຫາພາກຕ້ອງໄດ້ອອກແຮງ ແລະ ສອງມາແມ່ນພວກເຮົາບໍ່ຕ້ອງເວົ້າກັນເລີຍເລື່ອງການຄວບຄຸມມັນ, ເພື່ອຈະບໍ່ໄດ້ເມື່ອຍໃຈຫຍັງອີກຕໍ່ສິ່ງທີ່ຂັດຫູຂັດຕາມວນຊົນ, ນັບທັງປ້າຍບາງແຫ່ງຂຽນຕົວໜັງສືລາວກໍບໍ່ຖືກແຕ່ເປັນຫຍັງພາກສ່ວນກ່ຽວຂ້ອງຈຶ່ງອະນຸຍາດ ຫລື ປະປ່ອຍໃຫ້ມີຂຶ້ນຢ່າງໜ້າລະອາຍດັ່ງຫລາຍໆທ່ານໄດ້ສ່ອງແສງຜ່ານສື່ຕ່າງໆ.

ລະບຽບປ້າຍບໍ່ເວົ້າກະຢ່າ - lattana 1 - ລະບຽບປ້າຍບໍ່ເວົ້າກະຢ່າ
error: Content is protected !!