ເລື່ອງກ້ອມໆປິ່ນອ້ອມອາຊີບໂຊເຟີ

- advert banner 728 90 728x90 - ເລື່ອງກ້ອມໆປິ່ນອ້ອມອາຊີບໂຊເຟີ

ໂດຍ: ວິ​ເສດ ສະ​ແຫວ​ງສຶກສາ

- 99 - ເລື່ອງກ້ອມໆປິ່ນອ້ອມອາຊີບໂຊເຟີ
(ພາບປະກອບ)

​  ເລື່ອງ​ທີ່​ສັນ​ຫາ​ມາ​ເລົ່າ​ສູ່​ເພື່ອນ ຄໍ​ລຳ “​​ເບິ່ງ​ກວ້າງ​ເຫັນ​ໄກ” ປະຈຳ​ວັນ​ນີ້​ແມ່ນ​ກ່ຽວ​ກັບ​ມາດ​ຕະການ​ຄວບ​ຄຸມ ​ແລະ ຄຸ້ມ​ຄອງ​ບັນດາຜູ້​ເຮັດ​ໜ້າ​ທີ່​ຂັບ​ລົດ​ຕັກ​ຊີ ບໍລິການ​ຜູ້​ໂດຍສານ ຫລືທີ່​ພວກ​ເຮົາ​ເວົ້າຕິດ​ປາກ​ວ່າ “​ໂຊ​ເຟີ” ຫັນ​ລະ. ​ໂຊ​ເຟີ ຂັບ​ລົດ​ຕັກ​ຊີ​ນີ້ ນອກຈາກ​ຈະ​ຕ້ອງ​ປະຕິບັດ​ຕາມ​ກົດ​ຈະລາ​ຈອນຢ່າງ​​ເຄັ່ງ​ຄັດ​ແລ້ວ​ຍັງ​ຕ້ອງ​ມີ​ຈັນ​ຍາ​ບັນ ​ແລະ ມາລະຍາດ​ວາດຊົງ​ອັນ​ເໝາະ​ສົມ​ຕໍ່​ຜູ້​ໂດຍສານ, ​ເຊິ່ງຖ້າ​ຂາດ​ຂໍ້​ນີ້​ແລ້ວ​ ເຖິງ​ຈະ​ຂັບ​ລົດ​ເກງ​ປານ​ໃດ​ກໍ​ຈະ​ບໍ່​ສາມາດ​ເຮັດ​ຫລ້ອນ​ອາຊີບ​ໂຊ​ເຟນີ້​ໄດ້.

  ຢູ່​ປະ​ເທດ​ໄທ ​ຫວ່າງ​ບໍ່​ດົນ​ມາ​ນີ້​ ທາງ​ການ​ເລີ່​ມຄົ້ນຄວ້າ​ຮ່າງ​ກົດໝາຍ​ສະບັບໃໝ່​ ໂດຍ​ໄດ້​ກຳນົດ​ຂຶ້ນຄ່າ​ປັບ​ໄໝ​ໂຊ​ເຟີ​ລົດ​ຕັກ​ຊີ ທີ່​ປະຕິ​ເສດບໍ່​ຍອມຮັບ​ຜູ້​ໂດຍສານ​ແບບ​ບໍ່​ມີ​ເຫດຜົນຈາກ​ຈຳນວນ 2.000 ບາດ (ສະກຸນເງິນໄທ) ທີ່​ເຄີຍ​ປະ

ຕິບັດ​ມາ​ເປັນ 5.000 ບາດ. ນີ້​ແມ່ນ​ການ​ປັບ​ໄໝ​ສະ​ເພາະ​ໂຊ​ເຟີ​ທີ່​ກ່ຽວຂ້ອງ ສ່ວນ​ມູນ​ຄ່າ​ການ​ປັບ​ໄໝ​ສູນ ຫລືໜ່ວຍ​ງານ​ທີ່​ເປັນ​ເຈົ້າຂອງ​ລົດ​ຄັນ​ດັ່ງກ່າວ​ນັ້ນ​ແມ່ນ 50.000 ບາດ​ເປັນ​ຢ່າງ​ໜ້ອຍ.

   ທີ່​ຕ້ອງ​ໄດ້​ປັບ​ຂຶ້ນຄ່າ​ປັບ​ໄໝ​ໂຊ​ເຟີ​ລົດຕັກ​ຊີ​ທີ່​ບໍ່​ຍອມຮັບ​ຜູ້​ໂດຍສານ​ຄັ້ງນີ້ ກໍ​ເພື່ອ​ເຮັດ​ໃຫ້​ມາດຕະການ​ປັບ​ໄໝ​ມີ​ຄວາມ​ສອດຄ່ອງ​ກົມກຽວ​ກັນ​ລະຫວ່າງ​ລົດ​ແຕັກຊີກັບ​ລົດ​ໂດຍສານສາທາລະນະ​ອື່ນໆ ລວມທັງ​ລົດ​ທົວ (ລົດ​ບັດ​ບໍລິການ​ນັກ​ທ່ອງ​ທ່ຽວ) ​ແລະ ລົດຕູ້.

   ຮ່າງ​ກົດໝາຍ​ສະບັບ​ໃໝ່​ທີ່​ພວມ​ຄົ້ນຄວ້າ​ຢູ່​ນີ້ ​ຈະ​ໃຫ້​ສິດ​ເຈົ້າໜ້າ​ທີ່​ກ່ຽວຂ້ອງ​ຢຶດ​ໃບ​ຂັບ​ຂີ່​ໂຊ​ເຟີ​ທີ່​ມີ​ຄວາມ​ຜິດ​ເປັນ​ເວລາ 15-30 ວັນ ​ແລະ ສົ່ງ​ຜູ້ກ່ຽວ​ເຂົ້າຝຶກ​ອົບຮົມ​ຄືນ​ໃໝ່​ເປັນ​ເວລາ 3 ຊົ່ວ​ໂມງ​ໃນ​ບົດຮຽນ​ກ່ຽວ​ກັບ​ການ​ໃຫ້​ບໍລິການ​ແກ່​ສາທາລະນະ​ຊົນ.

  ສ່ວນ​ຢູ່​ຫວຽດນາມ​ນັ້ນ, ໜັງ​ສື​ພິມ​ວຽງ​ຈັນທາ​ມ ສະບັບ​ວັນ​ທີ 28 ​​ມິຖຸນາ​ນີ້ ກໍ​ໄດ້​ເວົ້າກ່ຽວ​ກັບ​ມາດ​ຕະການ​ລົງ​ໂທດ​ຢ່າງ​ໜັກ​ໂຊ​ເຟີ​ທີ່​ໂກງ​ຂໍ້​ສອບ​ເສັງເອົາ​ໃບ​ຂັບ​ຂີ່ ຫລື ຜູ້​ທີ່​​ໃຊ້​ເງິນ​ຊື້​ເອົາ​ໃບ​ຂັບ​ຂີ່​ປອມ ​ໂດຍ​ການ​ຕັດ​ສິດ​ຂັບ​ລົດ​ເປັນ​ເວລາ 5 ປີ.

- 1 1 - ເລື່ອງກ້ອມໆປິ່ນອ້ອມອາຊີບໂຊເຟີ
- Tiger Head 728x90 - ເລື່ອງກ້ອມໆປິ່ນອ້ອມອາຊີບໂຊເຟີ

  ຂ່າວ​ບອກ​ວ່າ: ຄະນະ​ຄຸ້ມ​ຄອງ​ທາງ​ຫລວງ ​ແລະ ກະຊວງ​ຕໍາຫລວດ​ຫວຽດ

ນາມ​ ໄດ້​ຮ່ວມ​ກັນ​ວາງ​ແຜນ​ທັບ​ມ້າງ​ຂະ​ບວນການ​ຄ້າ​ໃບ​ຂັບ​ຂີ່​ປອມ ຫລື ພວກ​ທີ່​ສະໜອງ​ເຄື່ອງ​ມື​ສື່ສານ​ເອ​ເລັກ​ໂຕຣນິກຊ່ວຍ​ໃຫ້​ຜູ້​ສອບ​ເສັງ​ເອົາ​ໃບ​ຂັບ​ຂີ່​ສາມາດ​ເສັງ​ຜ່ານ​ໄດ້. ນອກຈາກ​ບັນຫາ​ໃບ​ຂັບ​ຂີ່​ປອມ​ແລ້ວ​ ກໍ​ຍັງ​ມີ​ໃບຢັ້ງຢືນ​ສຸຂະພາບ​ປອມ​ອີກ​ ທີ່​ເຈົ້າໜ້າ​ທີ່​ໄດ້​ແກ້​ໄຂ​ດ່ວນ.

​  ໃນ​ປັດຈຸບັນ​ຄຳ​ຖາມ​ເພື່ອ​ສອບ​ເສັງ​ໃບ​ຂັບ​ຂີ່​ຢູ່​ຫວຽດນາມ​ນັ້ນ​ໄດ້​ເພີ່ມ​ຂຶ້ນຈາກ 450 ຫົວ​ຂໍ້​ເປັນ 600 ຂໍ້. ນີ້​ແມ່ນ​ເຫດຜົນ​ໜຶ່ງ​ທີ່​ເຮັດ​ໃຫ້​ມີ​ການ​ຊື້-ຂາຍ​ໃບ​ຂັບ​ຂີ່​ປອມ ຫລື ການ​ໂກງ​ຂໍ້​ສອບ​ ໂດຍ​ໃຊ້​ເຄື່ອງມື​ສື​ສານ​ທີ່​ທັນ​ສະ​ໄໝ​ຊ່ວຍ.

  ທາງ​ການ​ຫວຽດນາມ​ ໄດ້​ສັ່ງ​ໃຫ້​ຫ້ອງການ​ຂົນ​ສົ່ງ​ໃນ​ທົ່ວ​ປະ​ເທດ​ຈັດການ​ຢ່າງ​ເດັດຂາດ​ກັບ​ກໍລະນີ​ຜູ້​ເຂົ້າສອບ​ເສັງ​ເອົາ​​​ໃບ​ຂັບ​ຂີ່​ທີ່​ລັກລອບ​ເອົາ​ເຄື່ອງມື​ສື​ສານ​ເຂົ້າຫ້ອງ​ສອບ​ນຳ​ເພື່ອ​ໂກງ​ຄະ​ແນນ, ພ້ອມ​ດຽວ​ກັນ​ນີ້​ກໍ​ໄດ້​ຮ່ວມ​ມື​ກັບ​ອົງການ​ສື່​ມວນ​ຊົນ​ເພື່ອ​ເຜີຍ​ແຜ່​ມາດ​ຕະການ​ໃໝ່​ນີ້​ໃຫ້​ທົ່ວ​ສັງຄົມ​ເຂົ້າ​ໃຈ.

   ສ່ວນ​ບັນດາ​ຫ້ອງການ​ຂົນ​ສົ່ງ ​ແລະ ສູນ​ສອບ​ເສັງ​ໃນ​ແຂວງ​ ​ແລະ ຕົວ​ເມືອງ​ຕ່າງໆນັ້ນ ມີໜ້າ​ທີ່​ແຈ້ງ​ໃຫ້​ທຸກ​ຄົນ​ຊາບ​ກ່ຽວ​ກັບ​ສະຖານ​ທີ່​ຮຽນ​ຂັບ​ລົດ, ບ່ອນ​ຈົດທະບຽນ​ສອບ​ເສັງ​ເອົາ​ໃບ​ຂັບ​ຂີ່​, ບ່ອນ​ຕໍ່​ອາຍຸ​ໃບ​ຂັບ​ຂີ່ ​ແລະ ອື່ນໆ.  ມາດ​ຕະການ​ໃໝ່​ນີ້​ຈະ​ເລີ່​ມມີ​ຜົນ​ສັກສິດ​ນັບ​ແຕ່​ເດືອນ​ກັນຍາ​ປີ​ນີ້​ເປັນຕົ້ນໄປ.

error: Content is protected !!