ຈົ່ງເພີ່ມຄວາມມີສະຕິໃນການບໍລິໂພກເຫັດຊະນິດຕ່າງໆ

- advert banner 728 90 728x90 - ຈົ່ງເພີ່ມຄວາມມີສະຕິໃນການບໍລິໂພກເຫັດຊະນິດຕ່າງໆ

- Hedpuk - ຈົ່ງເພີ່ມຄວາມມີສະຕິໃນການບໍລິໂພກເຫັດຊະນິດຕ່າງໆ  ເພື່ອໃຫ້ທຸກຄົນມີສະຕິໃນການບໍລິໂພກເຫັດໃຫ້ປອດໄພ, ເມື່ອມໍ່ໆມານີ້ຫົວໜ້າຂະແໜງລະບາດວິທະຍາພະແນກສາທາລະນະສຸກນະຄອນຫລວງວຽງຈັນໄດ້ອອກມາເຕືອນຜ່ານໜັງສືພິມລາວພັດທະນາວ່າ: ຈາກບົດຮຽນຜ່ານມາພໍຮອດລະດູຝົນຂອງທຸກໆປີມັກຈະມີຄົນເບື່ອເຫັດເກີດຂື້ນ, ອັນເນື່ອງຈາກລະດູຝົນເປັນລະດູທີ່ເຫັດຊະນິດຕ່າງໆຈະເກີດຂື້ນຫລາຍ, ນັບທັງເຫັດກິນໄດ້ ແລະ ກິນບໍ່ໄດ້, ດັ່ງນັ້ນເພື່ອປ້ອງກັນການເບື່ອເຫັດທີ່ອາດເກີດຂື້ນ, ຊຶ່ງຜ່ານມາເຖິງວ່າທາງຂະແໜງສາທາລະນະສຸກໄດ້ເຕືອນໃຫ້ປະຊາຊົນມີຄວາມລະມັດລະວັງໃນການບໍລິໂພກເຫັດແລ້ວ, ແຕ່ກໍຍັງມີການເບື່ອເຫັດເກີດຂື້ນ ແລະ ມີຜູ້ເສຍຊີວິດຈຳນວນໜຶ່ງຄື: ສະເພາະປີ 2017 ນີ້ຢູ່ນະຄອນຫຼວງວຽງຈັນມີກໍລະນີເບື່ອເຫັດເກີດຂື້ນແລ້ວ 10 ກໍລະນີ,ແຕ່ໂຊກດີບໍ່ມີຜູ້ເສຍຊີວິດ ແລະ ປີຜ່ານມາກໍມີການເບື່ອຫັດເກີດຂື້ນເຊັ່ນກັນ, ດັ່ງນັ້ນຈຶ່ງເຕືອນຂໍໃຫ້ປະຊາຊົນເຮົາຈົ່ງມີສະຕິໃນການບໍລິໂພກເຫັດຊະນິດຕ່າງໆທີ່ຈະນຳຜົນກະທົບມາສູ່ສຸຂະພາບຂອງຕົນເອງ ແລະ ຄອບຄົວ ແລະ ຖ້າຈະບໍລິໂພກເຫັດໃຫ້ຖືກຕ້ອງຄວນເອົາໃຈໃສ່ຄື: ຖ້າບໍ່ແນ່ໃຈຊະນິດຂອງເຫັດທີ່ກິນໄດ້ ແລະ ກິນບໍ່ໄດ້ແມ່ນຫ້າມກິນເດັດຂາດ, ບໍ່ຄວນກິນເຫັດຫຼາຍຊະນິດປົນກັນ, ແລະ ຖ້າຫາກກິນເຫັດແລ້ວມີອາການຜິດປົກກະຕິເຊັ່ນ: ວິນຫົວ, ປວດຮາກ ຫຼື ເຈັບທ້ອງໃຫ້ໄປໂຮງໝໍດ່ວນ, ປັດຈຸບັນນອກຈາກຄົນຈະເບື່ອຍ້ອນກິນເຫັດເບື່ອແລ້ວ, ເຫັດບາງຊະນິດທີ່ກິນໄດ້ ແລະ ເຄີຍກິນກໍເກີດເບື່ອຍ້ອນສານເຄມີຕົກຄ້າງຕ່າງໆເຊັ່ນ: ການໃຊ້ປຸ່ຍເຄມີ, ຢາຂ້າຫຍ້າ, ຢາຂ້າແມງໄມ້ ແລະ ອື່ນໆ, ອີກສ່ວນໜຶ່ຶງກໍເກີດຈາກຄວາມບໍ່ແນ່ໃຈຂອງຜູ້ບໍລິໂພກເອງເພາະທຸກມື້ນີ້ມີເຫັດຫລາຍຊະນິດທີ່ຄ້າຍຄືກັນເກີດຂື້ນນັບທັງເຫັດກິນໄດ້ ແລະ ກິນບໍ່ໄດ້ ແລະ ເກີດຈາກສັດປ່າຍ່ຽວໃສ່, ເຖິງຢ່າງໃດກໍຕາມການບໍລິໂພກເຫັດດີທີ່ສຸດແມ່ນຄວນບໍລິໂພກເຫັດທີ່ປູກເອງ ຫລື ເຫັດທີ່ເຄີຍກິນ, ແຕ່ຄວນລ້າງໃຫ້ສະອາດ ແລະ ປຸງແຕ່ງໃຫ້ສຸກດີຈິ່ງຈະປອດໄພ.

- 1 1 - ຈົ່ງເພີ່ມຄວາມມີສະຕິໃນການບໍລິໂພກເຫັດຊະນິດຕ່າງໆ
- Tiger Head 728x90 - ຈົ່ງເພີ່ມຄວາມມີສະຕິໃນການບໍລິໂພກເຫັດຊະນິດຕ່າງໆ
error: Content is protected !!