ລັດຖະມົນຕີສາທາລະນະສຸກເນັ້ນໃຫ້ແພດໝໍເອົາໃຈໃສ່ປິ່ນປົວຜູ້ເປັນໄຂ້ຍຸງໃຫ້ດີ.

ລັດຖະມົນຕີສາທາລະນະສຸກເນັ້ນໃຫ້ແພດໝໍເອົາໃຈໃສ່ປິ່ນປົວຜູ້ເປັນໄຂ້ຍຸງໃຫ້ດີ. - advert banner 728 90 728x90 - ລັດຖະມົນຕີສາທາລະນະສຸກເນັ້ນໃຫ້ແພດໝໍເອົາໃຈໃສ່ປິ່ນປົວຜູ້ເປັນໄຂ້ຍຸງໃຫ້ດີ.

ເມື່ອບໍ່ດົນມານີ້,​ ທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ພ້ອມດ້ວຍຄະນະໄດ້ລົງໄປຢ້ຽມຢາມປະຊາຊົນຜູ້ເປັນໄຂ້ຍຸງທີ່ປິ່ນປົວຢູ່ໂຮງໝໍໃຫຍ່ຕ່າງໆ, ໂດຍສະເພາະໂຮງໝໍມະໂຫສົດ, ໂຮງໝໍມິດຕະພາບ, ໂຮງໝໍເສດຖາທິລາດ ທີ່ເຫັນວ່າມີຄົນເຈັບຕິດເຊື້ອພະຍາດດັ່ງກ່າວເຂົ້າມາປິ່ນປົວເປັນຈໍານວນຫລາຍນັບແຕ່ເດືອນມິຖຸນາເປັນຕົ້ນມາ, ເຮັດໃຫ້ໂຮງໝໍຫລາຍແຫ່ງໄດ້ຈັດສັນເອົາຫ້ອງປະຊຸມ ແລະ ສະຖານທີ່ໃນຂອບເຂດໂຮງໝໍທີ່ເຫັນວ່າມີຄວາມເໝາະສົມ ເພື່ອເປັນບ່ອນຮອງຮັບຄົນເຈັບທີ່ມາປິ່ນປົວໃຫ້ທົ່ວເຖິງ ແລະ ພຽງພໍ. ຫລັງຈາກເຫັນວ່າ, ສະພາບການລະບາດຂອງພະຍາດໄຂ້ຍຸງລາຍຢູ່ຫລາຍທ້ອງຖິ່ນໃນທົ່ວປະເທດໄດ້ມີທ່າອ່ຽງເພີ່ມຂຶ້ນ, ນັບແຕ່ຕົ້ນເດືອນມັງກອນມາຮອດປັດຈຸບັນ, ທົ່ວປະເທດມີຜູ້ຕິດເຊື້ອຫລາຍກວ່າ 15.100 ຄົນ ແລະ ເສຍຊີວິດແລ້ວ 33 ຄົນ. ໃນນັ້ນນະຄອນຫລວງວຽງຈັນມີຜູ້ຕິດເຊື້ອຫລາຍກວ່າໝູ່ຈໍານວນ 3.100 ຄົນ, ເສຍຊີວິດ 7 ຄົນ, ສ່ວນແຂວງທີ່ມີຜູ້ເສຍຊີວິດຫລາຍກວ່າໝູ່ ແມ່ນແຂວງສະຫວັນນະເຂດ, ໂດຍມີຜູ້ຕິດເຊື້ອກວ່າ 2.520 ຄົນ ແລະ ເສຍຊີວິດ 10 ຄົນ. ສໍາລັບແຂວງທີ່ຍັງບໍ່ມີລາຍງານມີຜູ້ຕິດເຊື້ອແມ່ນແຂວງຫົວພັນ.

ໃນໂອກາດນີ້, ທ່ານລັດຖະມົນຕີກະຊວງສາທາລະນະສຸກ ໄດ້ຮຽກຮ້ອງໃຫ້ແພດໝໍຢູ່ຕາມໂຮງໝໍ ແລະ ສຸກສາລາຕ່າງໆ ນັບທັງຢູ່ສູນກາງ ແລະ ທ້ອງຖິ່ນ ຈົ່ງເພີ່ມທະວີຄວາມເອົາໃຈໃສ່ໃນການປິ່ນປົວທີ່ມີຄຸນະພາບ ເພື່ອຮັບປະກັນ ໃຫ້ຄົນເຈັບມີສຸຂະພາບແຂງແຮງ ແລະ ຫາຍຂາດຈາກພະຍາດດັ່ງກ່າວໄດ້ໂດຍໄວ. ພ້ອມທັງຮຽກຮ້ອງໃຫ້ທົ່ວສັງຄົມ ຈົ່ງຮ່ວມມືກຳຈັດ ແລະ ທຳລາຍແຫລ່ງເພາະພັນໜອນນ້ຳຍຸງລາຍທີ່ເປັນພາຫະນຳເຊື້ອພະຍາດໄຂ້ເລືອດອອກ ແລະ ປະຕິບັດຫລັກການ 5ປ ຢ່າງເຂັ້ມງວດ ແລະ ປະຕິບັດໃຫ້ເປັນປະຈຳແນໃສ່ເຮັດໃຫ້ການລະບາດຂອງພະຍາດໄຂ້ຍຸງລາຍໝົດໄປເທື່ອລະກ້າວ.

ລັດຖະມົນຕີສາທາລະນະສຸກເນັ້ນໃຫ້ແພດໝໍເອົາໃຈໃສ່ປິ່ນປົວຜູ້ເປັນໄຂ້ຍຸງໃຫ້ດີ. - 1 1 - ລັດຖະມົນຕີສາທາລະນະສຸກເນັ້ນໃຫ້ແພດໝໍເອົາໃຈໃສ່ປິ່ນປົວຜູ້ເປັນໄຂ້ຍຸງໃຫ້ດີ.
ລັດຖະມົນຕີສາທາລະນະສຸກເນັ້ນໃຫ້ແພດໝໍເອົາໃຈໃສ່ປິ່ນປົວຜູ້ເປັນໄຂ້ຍຸງໃຫ້ດີ. - lattana 1 - ລັດຖະມົນຕີສາທາລະນະສຸກເນັ້ນໃຫ້ແພດໝໍເອົາໃຈໃສ່ປິ່ນປົວຜູ້ເປັນໄຂ້ຍຸງໃຫ້ດີ.
error: Content is protected !!