ແມ່ຍິງລາວກັບພາລະກຳປະຫວັດສາດຂອງຊາດ

- advert banner 728 90 728x90 - ແມ່ຍິງລາວກັບພາລະກຳປະຫວັດສາດຂອງຊາດ

ໂດຍ: ທິດ​ກ່ຳ

- 59 1 - ແມ່ຍິງລາວກັບພາລະກຳປະຫວັດສາດຂອງຊາດ
- 59 - ແມ່ຍິງລາວກັບພາລະກຳປະຫວັດສາດຂອງຊາດ
(ພາບປະກອບ)

ດັ່ງພວກເຮົາຮູ້ນຳກັນ ແລ້ວວ່າ: ວັນທີ 20 ກໍລະກົດນີ້, ເປັນວັນສ້າງຕັ້ງຫະພັນແມ່ຍິງລາວຄົບຮອບ 64 ປີ (20/7/1955-20/7/ 2019). ເມື່ອເອີ່ຍເຖິງມູນ ເຊື້ອອັນດີງາມຂອງແມ່ຍິງ ລາວເຮົາແລ້ວ, ບໍ່ວ່າຍຸກໃດ, ສະໄໝໃດກໍໄດ້ຕິດພັນກັບ ພາລະກຳປະຫວັດສາດຂອງຊາດຢ່າງກົມກຽວ.

ຖ້າເບິ່ງໃນດ້ານສິລະປະ ວັດທະນະທຳ, ຮີດຄອງປະເພນີແລ້ວແມ່ຍິງລາວຍັງຄົງຮັກສາເອກະລັກ, ຂະໜົບທຳນຽມ ຂອງຕົນໄດ້ເປັນຢ່າງດີເຊັ່ນ: ນຸ່ງສິ້ນບ່ຽງແພ, ດຸໝັ້ນຂະຫຍັນພຽນ, ເປັນຊ່າງຕຳຫູກ ທໍໄໝ, ຫຍິບປັກຖັກແສ່ວ, ເປັນຕົວຫລັກໃນການລ້ຽງ ດູລູກເຕົ້າ, ຕັກນ້ຳຕຳເຂົ້າ, ໜຶ້ງເຂົ້າເປົ່າໄຟ, ແຕ່ງຢູ່ຄົວກິນກາຍເປັນແມ່ເຮືອນທີ່ດີ      ເປັນຈຸລັງສຳຄັນຂອງຄອບຄົວ ແລະ ສັງຄົມ.

ໃນສະໄໝສົງຄາມ, ແມ່ຍິງລາວໄດ້ປະກອບສ່ວນ ຢ່າງໃຫຍ່ຫລວງໃນການຕໍ່ສູ້ປະຕິວັດເພື່ອປົດປ່ອຍຊາດ. ຕົວຢ່າງເຂົ້າເປັນທະຫານສັງກັດຢູ່ໃນກອງກຳລັງໄຟເພດຍິງ, ເປັນກອງລຳລຽງຂົນສົ່ງສະບຽງອາຫານ ແລະ ອາວຸດໃຫ້ແນວໜ້າ. ເປັນພະ ນັກງານ, ທະຫານຕຳຫລວດ ນັກສຶບສອດແນມ ຫລື ຖ້າ ເປັນປະຊາຊົນ ກໍແມ່ນເຮັດ ໜ້າທີ່ການຜະລິດເພື່ອປະ ກອບສ່ວນຊ່ວຍແນວໜ້າ  ແລະ ອື່ນໆ.

ໃນໄລຍະສ້າງສາພັດທະນາປະເທດຊາດຄືດັ່ງ ທຸກວັນນີ້ ແມ່ຍິງລາວຍິ່ງມີບົດບາດ ແລະ ມີຄວາມສຳຄັນ ຕໍ່ການພັດທະນາເສດຖະກິດ- ສັງຄົມ ຂອງປະເທດ ດັ່ງພວກເຮົາໄດ້ເຫັນປະຈັກຕາ ຄືທຸກວັນນີ້ແມ່ຍິງລາວໄດ້ ເປັນກຳລັງແຮງຢ່າງມະຫາ ສານເຂົ້າໃນທຸກຂົງເຂດ ວຽກງານເຊັ່ນ: ເປັນພະນັກງານ, ທະຫານຕຳຫລວດ, ເປັນກຳມະກອນ, ກະສິກອນ, ນັກທຸລະກິດ, ເປັນວິສະວະກອນ, ສິລະປະກອນທີ່ສັງ ກັດເຂົ້າໃນທຸກຂົງເຂດວຽກ ງານ.

ຍ້ອນເຫັນບົດບາດ, ຄວາມສຳຄັນ ແລະ ມູນເຊື້ອອັນດີງາມຂອງແມ່ຍິງລາວ ທີ່ໄດ້ປະກອບສ່ວນ ແລະ ເປັນກຳລັງແຮງຢ່າງໃຫຍ່ ຫລວງຕໍ່ປະເທດຊາດພັກ  ແລະ ລັດຖະບານເຮົາຈຶ່ງໄດ້ເອົາໃຈໃສ່ສຶກສາອົບຮົມບົ່ມ ເບາະໃຫ້ແມ່ຍິງລາວສູງເດັ່ນຂຶ້ນໃນເວທີຂອງຊາດ ແລະ ສາກົນເຊັ່ນ: ຈັດຕັ້ງສະຫະພັນແມ່ຍິງໃຫ້ເປັນອົງການ ໜຶ່ງສະເພາະ, ມີພາລະບົດ ບາດທຽບເທົ່າກັບກະຊວງ ໜຶ່ງທີ່ຂຶ້ນກັບພັກໂດຍກົງ.

- Tiger Head 728x90 - ແມ່ຍິງລາວກັບພາລະກຳປະຫວັດສາດຂອງຊາດ
- 1 1 - ແມ່ຍິງລາວກັບພາລະກຳປະຫວັດສາດຂອງຊາດ

ນອກຈາກນັ້ນ, ກໍໃຫ້ແມ່ ຍິງມີສິດມີສຽງ, ມີໜ້າທີ່ຕຳແໜ່ງ, ມີວຽກເຮັດງານທຳທີ່ເໝາະສົມກັບຄວາມຮູ້ຄວາມສາມາດ ແລະ ສ້າງ    ແມ່ຍິງລາວໃຫ້ເປັນກຳລັງອັນມະຫາສານເຂົ້າໃນພາລະກິດຂອງຊາດ.

ທຸກສິ່ງຢ່າງທີ່ໄດ້ກ່າວ ມານີ້, ຍ່ອມສະແດງອອກໃນພຶດຕິກຳຕົວຈິງເຊັ່ນ: ແມ່ຍິງລາວເຮົາປັດຈຸບັນມີ ຈຳນວນຫລວງຫລາຍໄດ້ ສັງກັດ ຢູ່ໃນທຸກຂົງເຂດ ວຽກງານເຊັ່ນ: ວຽກງານປ້ອງກັນຊາດປ້ອງກັນ ຄວາມສະຫງົບ ເປັນນາຍ ສິບ, ນາຍຮ້ອຍ, ນາຍພັນ, ຂົງເຂດການບໍລິຫານ, ການປົກຄອງກໍເປັນພະນັກງານ, ເປັນຫົວໜ້າພະແນກ, ຫົວ ໜ້າກົມ, ຮອງກົມ ແລະ ເປັນລັດຖະມົນຕີ, ຮອງລັດ ຖະມົນຕີ. ສ່ວນວ່າໃນຂົງ  ເຂດເສດຖະກິດ-ສັງຄົມກໍ ເປັນກຳມະກອນ, ນັກວິຊາການຢ່າງຫລວງຫລາຍ ພາຍມາກ.

ເຖິງຢ່າງໃດກໍດີ, ໄປຄຽງຄູ່ກັບສິ່ງທີ່ດີ ແລະ ກ້າວໜ້າທີ່ໄດ້ກ່າວມາຂ້າງເທິງ ນັ້ນແລ້ວແມ່ຍິງລາວຕ້ອງໄດ້ປັບປຸງຕົນເອງໃຫ້ທັນກັບ ຂະບວນວິວັດຂອງສັງຄົມ ແລະ ຂອງໂລກເຊັ່ນ: ການເຂົ້າເຖິງການສຶກສາ, ໂພຊະນາການ, ດ້ານສຸຂະພາບ ແລະ ສິດທິຕໍ່ໜ້າກົດໝາຍ. ນອກຈາກນັ້ນກໍອອກແຮງ ຕ້ານປາກົດການຫຍໍ້ທໍ້ຕ່າງໆໃຫ້ແຂງແຮງ ແລະ ເດັດຂາດ./.

error: Content is protected !!