5 ຄວາມເຊື່ອທີ່ບໍ່ຖືກຕ້ອງໃນຫ້ອງການ ເຮັດໃຫ້ບໍ່ມີຄວາມສຸກກັບການເຮັດວຽກ

5 ຄວາມເຊື່ອທີ່ບໍ່ຖືກຕ້ອງໃນຫ້ອງການ ເຮັດໃຫ້ບໍ່ມີຄວາມສຸກກັບການເຮັດວຽກ - advert banner 728 90 728x90 - 5 ຄວາມເຊື່ອທີ່ບໍ່ຖືກຕ້ອງໃນຫ້ອງການ ເຮັດໃຫ້ບໍ່ມີຄວາມສຸກກັບການເຮັດວຽກ

     – ຄົນກັບເຮືອນກົງເວລາແມ່ນຄົນທີ່ບໍ່ທຸ້ມເທກັບການເຮັດວຽກ : ຫລາຍຄົນປະສົບບັນຫາວ່າເມື່ອເຖິງເວລາເລີກວຽກແລ້ວກໍເກັບເຄື່ອງກັບເຮືອນ ກໍຈະຖືກເພື່ອນຮ່ວມງານ (ບາງຄົນ) ແນມດ້ວຍສາຍຕາແປກໆຄ້າຍຈະຕຳໜິວ່າທີ່ເຮົາກັບເຮືອນກົງເວລາ ຈົນເຮັດໃຫ້ຫລາຍໆຄົນ ໂດຍສະເພາະນັກສຶກສາຈົບໃໝ່ ໄວຫາກໍເລີ່ມເຮັດວຽກບໍ່ກ້າກັບເຮືອນໄວ ຍ້ອນເກງໃຈຫົວໜ້າ ແລະ ເກງໃຈເພື່ອນຮ່ວມງານທີ່ເຮັດວຽກຢູ່ກັບບ່ອນບໍ່ຍອມລຸກຈາກໂຕະຈັກເທື່ອ ທີ່ເປັນແບບນີ້ຍ້ອນບາງຄົນມີຄວາມເຊື່ອທີ່ບໍ່ຖືກຕ້ອງ ວ່າການກັບເຮືອນກົງເວລາ ຫລື ກັບເຮືອນທັນທີເມື່ອເຖິງເວລາເລີກ ນັ້ນສະແດງເຖິງຄວາມບໍ່ທຸ້ມເທ, ບໍ່ອຸທິດຕົນເພື່ອບໍລິສັດ ເຊິ່ງຄວາມຈິງແລ້ວ ການກັບເຮືອນກົງເວລານັ້ນເປັນສິດທິທີ່ທຸກຄົນສາມາດເຮັດໄດ້ເມື່ອເຖິງເວລາເລີກວຽກ.

   – ຄົນທີ່ບໍ່ຫອບວຽກເມືອເຮັດຢູ່ເຮືອນ ແມ່ນຄົນບໍ່ດຸໝັ່ນ : ຄົນທີ່ຫອບວຽກເມືອເຮັດຢູ່ເຮືອນ ບໍ່ຈຳເປັນຕ້ອງເປັນຄົນດຸໝັ່ນສະເໝີໄປ, ຄົນທີ່ເຮັດວຽກໃນມື້ພັກກໍບໍ່ໄດ້ສະແດງວ່າເປັນຄົນທີ່ດຸໝັ່ນສະເໝີໄປຄືກັນ. ຄົນທີ່ບໍ່ຫອບວຽກເມື່ອເຮັດຢູ່ເຮືອນກໍບໍ່ຈຳເປັນຕ້ອງເປັນຄົນກຽດຄ້ານ, ບໍ່ທຸ້ມເທເຮັດວຽກສະເໝີໄປ ເຫດຜົນໃນການຫອບວຽກເມືອເຮັດຢູ່ເຮືອນຂອງແຕ່ລະຄົນແຕກຕ່າງກັນໄປ, ບາງຄົນຈຳເປັນຕ້ອງເຮັດໃນມື້ພັກ ຫລື ເຮັດນອກເໜືອຈາກເວລາວຽກໂຕຈິງ, ແຕ່ໃນຂະນະດຽວກັນ ຄົນທີ່ຈຳເປັນຕ້ອງເຮັດວຽກນອກເວລາກໍອາດຈະເກີດການບໍລິຫານເວລາໃນການເຮັດວຽກທີ່ບໍ່ດີ ຈົນເຮັດໃຫ້ວຽກແລ້ວພາຍໃນເວລາວຽກບໍ່ທັນ ແລະ ຕ້ອງເອົາກັບເມືອເຮັດຕໍ່ຢູ່ເຮືອນໃນທີ່ສຸດ. ຫາກທ່ານມີບັນຫາເຮັດວຽກບໍ່ທັນ ກໍຢ່າລືມຈັດຕາຕະລາງເວລາໃນການເຮັດວຽກໃໝ່ ເພື່ອໃຫ້ການເຮັດວຽກ ແລະ ຊີວິດສ່ວນໂຕມັນດຸ່ນດ່ຽງກັນ.

  – ຄົນທີ່ບໍ່ຕອບຂໍ້ຄວາມ ຫລື ຕອບຊ້າ ເປັນຄົນທີ່ບໍ່ເອົາໃຈໃສ່ຕໍ່ວຽກ : ອັນນີ້ກໍແມ່ນຄວາມເຊື່ອທີ່ບໍ່ຖືກຕ້ອງ ບໍ່ຄວນຕັດສິນວ່າຄົນຕອບໄວແມ່ນຄົນເອົາໃຈໃສ່ກັບວຽກ ເພາະບາງສະຖານະການກໍອາດເຮັດໃຫ້ບໍ່ສະດວກຕອບໄດ້ທັນເວລາ. ຫາກເປັນເລື່ອງດ່ວນແທ້ໆກໍຄວນຈະໂທຫາເລີຍດີກ່ວາ.

5 ຄວາມເຊື່ອທີ່ບໍ່ຖືກຕ້ອງໃນຫ້ອງການ ເຮັດໃຫ້ບໍ່ມີຄວາມສຸກກັບການເຮັດວຽກ - 1 1 - 5 ຄວາມເຊື່ອທີ່ບໍ່ຖືກຕ້ອງໃນຫ້ອງການ ເຮັດໃຫ້ບໍ່ມີຄວາມສຸກກັບການເຮັດວຽກ
5 ຄວາມເຊື່ອທີ່ບໍ່ຖືກຕ້ອງໃນຫ້ອງການ ເຮັດໃຫ້ບໍ່ມີຄວາມສຸກກັບການເຮັດວຽກ - lattana 1 - 5 ຄວາມເຊື່ອທີ່ບໍ່ຖືກຕ້ອງໃນຫ້ອງການ ເຮັດໃຫ້ບໍ່ມີຄວາມສຸກກັບການເຮັດວຽກ

     – ຄົນທີ່ນັ່ງເຮັດວຽກຕະຫລອດເວລາ ບໍ່ຍອມລຸກໄປກິນເຂົ້າສວາຍ ແມ່ນຄົນທີ່ດຸໝັ່ນທຸ້ມເທໃຫ້ກັບການ ເຮັດວຽກ : ພຶດຕິກຳນີ້ຈະຄ້າຍຄືກັບການກັບເຮືອນກົງເວລາ ແລະ ການຂົນວຽກກັບເມືອເຮັດຢູ່ເຮືອນຕໍ່ ຄື ຫາກເຮົາສາມາດຈັດລະບຽບການເຮັດວຽກຂອງເຮົາໄດ້ດີ ເຮົາຈະສາມາດບໍລິຫານເວລາທີ່ມີຢູ່ກັບປະລິມານວຽກທີ່ຕ້ອງເຮັດໄດ້ຢ່າງລົງໂຕ ຈົນບໍ່ກະທົບຕໍ່ເວລາສ່ວນໂຕຂອງເຮົາ.

  – ຄົນທີ່ເວົ້າຫລາຍທີ່ສຸດໃນຫ້ອງປະຊຸມແມ່ນຄົນທີ່ເຮັດວຽກເກັ່ງທີ່ສຸດ : ຂໍ້ນີ້ກໍອາດຈະບໍ່ແມ່ນສະເໝີໄປ ເພາະຫ້ອງປະຊຸມນັ້ນເປັນສະຖານທີ່ຫລາກຫລາຍອາລົມ ທັງມ່ວນຊື່ນ, ເຄັ່ງຄຽດ, ຕະຫລົກເຮຮາ ໄປຈົນເຖິງໂຕ້ຕອບກັນແບບບໍ່ໄວ້ໜ້າ ຄືກັບວ່າຄຽດຊັງກັນມາແຕ່ດົນນາ. ຄົນທີ່ເຮັດວຽກຫລາຍ ມີສ່ວນຮ່ວມໃນວຽກນັ້ນຫລາຍ ຍ່ອມມີຄວາມຮູ້ຄວາມເຂົ້າໃຈໃນວຽກ ຈຶ່ງສາມາດອະທິບາຍເຖິງລາຍລະອຽດຂອງວຽກໄດ້ຢ່າງດີເລີດ, ແຕ່ບາງເທື່ອຄົນທີ່ເວົ້າໃນກອງປະຊຸມຫລາຍໆກໍບໍ່ໄດ້ແປວ່າຄົນຜູ້ນັ້ນເປັນຄົນທີ່ເຮັດວຽກເກັ່ງ ເຮັດວຽກດີ ຫລື ເຮັດວຽກຫລາຍກ່ວາຄົນອື່ນ. ຜູ້ເຂົ້າຮ່ວມປະຊຸມ ແລະ ຫົວໜ້າຈຶ່ງຕ້ອງເບິ່ງໃຫ້ອອກ ແລະ ພິຈາລະນາຈາກຫລາຍປັດໄຈປະກອບໃສ່ຢ່າງຄົບຖ້ວນ ວ່າໃຜທີ່ເຮັດວຽກເກັ່ງ, ເຮັດວຽກດີ, ມີຄວາມສາມາດໃນດ້ານໃດແດ່ ເພື່ອທີ່ຈະໄດ້ສາມາດແບ່ງວຽກໃຫ້ກົງຕາມຄວາມສາມາດຂອງຄົນແຕ່ລະຄົນໄດ້ ແລະ ເບິ່ງບັນຍາກາດໃນກອງປະຊຸມ ແລະ ບັນຍາກາດໃນບ່ອນເຮັດວຽກໃຫ້ດີຢູ່ສະເໝີໄດ້.

error: Content is protected !!