ແກ້ງກວນເມືອງອອກອາລະວາດອີກແລ້ວ

ແກ້ງກວນເມືອງອອກອາລະວາດອີກແລ້ວ - advert banner 728 90 728x90 - ແກ້ງກວນເມືອງອອກອາລະວາດອີກແລ້ວ

ພາຍຫລັງແກ້ງຂີ່ລົດກວນເມືອງໄດ້ມິດສະງັກໄປໄລຍະໜຶ່ງ, ຍ້ອນຄວາມເຂັ້ມງວດໃນການສະກັດກັ້ນຂອງເຈົ້າໜ້າທີ່, ແຕ່ປັດຈຸບັນແກ້ງໄພອັນຕະລາຍດັ່ງກ່າວໄດ້ອອກມາອາລະວາດອີກແລ້ວ ແລະ ກອງພັນເຄື່ອນທີ່ກອງບັນຊາການ ປກສ ນະຄອນຫລວງວຽງຈັນ, ໄດ້ອອກມາຮຽກຮ້ອງໃຫ້ອໍານາດການປົກຄອງທ້ອງຖິ່ນ, ສະຖາບັນການສືກສາ, ຄອບຄົວ ຕ້ອງເພີ່ມທະວີການມີສ່ວນຮ່ວມໃນວຽກງານແກ້ໄຂແກ້ງກວນເມືອງດັ່ງກ່າວ.

ແກ້ງກວນເມືອງອອກອາລະວາດອີກແລ້ວ - new3 - ແກ້ງກວນເມືອງອອກອາລະວາດອີກແລ້ວ

  ຮັກສາການຫົວໜ້າກອງພັນເຄື່ອນທີ່ກອງບັນຊາການດັ່ງກ່າວ ໃຫ້ຮູ້ວ່າ: ສະພາບຂັບຂີ່ລົດສົ່ງສຽງດັງເນື່ອງນັນເປັນພຶງເປັນແພຂອງໄວລຸ້ນຕາມຖະໜົນສາຍຫລັກຕ່າງໆໃນຕົວເມືອງຫລວງໃນຍາມຄໍ່າຄືນແມ່ນຮ້າຍແຮງຫລາຍສ້າງຄວາມບໍ່ສະຫງົບ ແລະ ຄວາມບໍ່ເປັນລະບຽບຮ້ອຍໃນສັງຄົມ, ເຖິງວ່າເຈົ້າໜ້າທີ່ໄດ້ເອົາໃຈໃສ່ແກ້ໄຂເລື້ອຍມາແຕ່ກໍຍັງບໍ່ສາມາດສະກັດກັ້ນມັນໄດ້, ຊຶ່ງນັບແຕ່ເດືອນມັງກອນມານີ້ເຈົ້າໜ້າທີ່ສາມາດກັກລົດທີ່ລະເມີດລະບຽບການດັ່ງກ່າວໄດ້ 135 ຄັນ, ຊຶ່ງເສັ້ນທາງສ່ວນໃຫຍ່ທີ່ພວກແກ້ງກວນເມືອງມັກນໍາໃຊ້ແຂ່ງລົດເປັນພຶງເປັນແພນັ້ນແມ່ນເສັ້ນທາງໄກສອນພົມວິຫານ, ລ້ານຊ້າງ, ເຕ4, ທາດຫລວງ, ດອນກອຍ, ດົງໂດກ ແລະ ເສັ້ນທາງສາຍຫລັກອື່ນໆ, ຊຶ່ງເຫັນວ່າການແກ້ໄຂບັນຫາດັ່ງກ່າວແມ່ນພົບຄວາມຫຍຸ້ງຍາກທ້າທ້າຍຫລາຍສົມຄວນ, ເພາະວ່າກໍາລັງເຈົ້າໜ້າທີ່ລົງໄປແກ້ໄຂແມ່ນມີໜ້ອຍກວ່າຈໍານວນແກ້ງດັ່ງກ່າວທີ່ເປັນຂະບວນແຕ່ 100-200 ຄັນ, ພ້ອມນີ້ກໍຍັງມີຂໍ້ຈໍາກັດໃນການປາມປາບແກ້ໄຂ ເຊັ່ນວ່າເມື່ອໄລ່ນໍາຈັບເອົາແລ້ວເກີດອຸປະຕິເຫດ ກໍຫາວ່າເຈົ້າໜ້າທີ່ເຮັດເກີນຂອບເຂດ-ເກີນສິດ ແລະ ບາງຄັ້ງຜູ້ທີ່ຖືກເຈົ້າໜ້າທີ່ກັກຕົວກໍເປັນລູກຫລານພະນັກງານທີ່ມີຖານະຕໍາແໜ່ງ ເຮັດໃຫ້ເກີດມີການຮ້ອງຂໍຕໍ່ລອງບໍ່ໃຫ້ເຈົ້າໜ້າທີ່ເອົາໄປສຶກສາອົບຮົມ ຫລື ດໍາເນີນຄະດີ. ພ້ອມນັ້ນການຈໍາໜ່າຍອຸປະກອນຕ່າງໆໃຫ້ແກ່ພວກຂັບລົດດັ່ງກ່າວກໍມີຢ່າງເປີດແປນຕາມຮ້ານຂາຍອາໄຫລ່ ແລະ ຮ້ານສ້ອມແປງລົດຕ່າງໆ ເຊັ່ນ: ທໍ່ໄອເສຍ, ຢາງຕີນລົດຂະໜາດນ້ອຍ ແລະ ເຄື່ອງປະກອບອື່ນໆ.

ແກ້ງກວນເມືອງອອກອາລະວາດອີກແລ້ວ - lattana 1 - ແກ້ງກວນເມືອງອອກອາລະວາດອີກແລ້ວ
error: Content is protected !!