ລາວ-ໄທ ແລກປ່ຽນບົດຮຽນການຕະຫລາດຜ່ານສື່ອອນລາຍ

ລາວ-ໄທ ແລກປ່ຽນບົດຮຽນການຕະຫລາດຜ່ານສື່ອອນລາຍ - advert banner 728 90 728x90 - ລາວ-ໄທ ແລກປ່ຽນບົດຮຽນການຕະຫລາດຜ່ານສື່ອອນລາຍ

ໃນທ້າຍອາທິດຜ່ານມານີ້, ສະມາຄົມນັກຂ່າວແຫ່ງ ສປປ ລາວ ຮ່ວມກັບ ສະມາຄົມນັກຂ່າວນັກຫນັງສືພິມແຫ່ງປະເທດໄທ ແລະ ສະມາຄົມຜູ້ສະໜອງຂ່າວອອນລາຍແຫ່ງປະເທດໄທ, ໄດ້ຈັດຝຶກອົບຮົມແລກປ່ຽນບົດຮຽນກ່ຽວກັບເນື້ອໃນ ແລະ ການຕະຫລາດອອນລາຍສຳລັບເວັບໄຊຂ່າວ, ໂດຍການເຂົ້າຮ່ວມຂອງທ່ານ ສະຫວັນຄອນ ຣາຊະມຸນຕີ ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ທັງເປັນປະທານສະມາຄົມນັກຂ່າວແຫ່ງ ສປປ ລາວ, ມີອຳນວຍການວິທະຍຸກະຈາຍສຽງແຫ່ງຊາດລາວ, ຄະນະສະມາຄົມຜູ້ຜະລິດຂ່າວອອນລາຍແຫ່ງປະເທດໄທ, ພ້ອມດ້ວຍນັກສຳມະນາກອນຈາກອົງການສື່ຕ່າງໆຂອງລາວເຂົ້າຮ່ວມ.
  ຮອງອຳນວຍການໃຫຍ່ວິທະຍຸກະຈາຍສຽງແຫ່ງຊາດລາວ ມີຄຳເຫັນວ່າ: ຊຸດອົບຮົມນີ້, ເພື່ອແນໃສ່ຍົກລະດັບບັນດາຜະລິດຕະພັນສື່ທີ່ເປັນຮູບແບບເກົ່າໃຫ້ສາມາດປັບຕົວໄປສູ່ສື່ຮູບແບບໃໝ່ (ສື່ອອນລາຍ) ທີ່ມີຄຸນະພາບ ແລະ ສາມາດຊ່ວຍຍົກສູງດ້ານທຸລະກິດຂອງອົງການສື່ໃຫ້ເຂັ້ມແຂງຂຶ້ນ, ໂດຍສະເພາະສາມາດປັບຕົວເຂົ້າກັບສະພາບການພັດທະນາຂອງສື່ໃນຍຸກໃໝ່, ນັບທັງໂອກາດ ແລະ ສິ່ງທ້າທາຍຕ່າງໆ ທີ່ກຳລັງເກີດຂຶ້ນມາໃໝ່ໃນສື່ສັງຄົມອອນລາຍ ແລະ ການປັບປ່ຽນຮູບແບບການບໍລິໂພກສື່ໃນສັງຄົມ, ດັ່ງນັ້ນຜູ້ເຂົ້າຮ່ວມອົບຮົມນີ້, ໄດ້ຮຽນຮູ້ທຸລະກິດອອນລາຍ ແລະ ຜົນປະໂຫຍດຕ່າງໆສຳລັບອົງການສື່.

  ໃນໂອກາດນີ້, ທ່ານຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມີຄຳເຫັນຕໍ່ຊຸດອົບຮົມວ່າ: ຊຸດຮົບຮົມນີ້ແມ່ນມີຄວາມສໍາຄັນຍິ່ງຕໍ່ວຽກງານສື່ມວນຊົນລະຫວ່າງສອງປະເທດລາວ-ໄທ, ເນື່ອງຈາກພວກເຮົາໄດ້ຮ່ວມປືກສາຫາລືແລກປ່ຽນບົດຮຽນນໍາກັນໃນສະພາບການຂອງຕະຫລາດຜູ້ບໍລິໂພກສື່ໃນສັງຄົມປ່ຽນໄປຢ່າງວ່ອງໄວ ແລະ ມັນໄດ້ກະທົບໂດຍກົງຕໍ່ຂະບວນການຜະລິດ ແລະ ການຈໍາໜ່າຍຜະລິດຕະພັນສື່ຕ່າງໆຂອງພວກເຮົາ ເຊັ່ນ: ໜັງສືພີມ, ວາລະສານ ແລະ ໂທລະພາບ ຕ້ອງປະສົບບັນຫາດ້ານການເງິນ ແລະ ມີບາງຜະລິດຕະພັນສື່ບໍ່ສາມາດດໍາເນີນກິດຈະການຕໍ່ໄປໄດ້ກໍຕ້ອງປິດຕົວລົງຢ່າງຊີ້ນເຊິງ. ສະນັ້ນການແລກປ່ຽນບົດຮຽນຄັ້ງນີ້, ຈະເປັນຊ່ອງທາງຊ່ວຍໃຫ້ສື່ມວນຊົນລາວສາມາດຮຽນຮູ້ເຕັກນິກໃໝ່ໃນການສົ່ງຂໍ້ມູນຂ່າວສານທີ່ຖືກຕ້ອງ, ວ່ອງໄວ ແລະ ຊັດເຈນ, ພ້ອມທັງສາມາດຮຽນຮູ້ວິທີ ສ້າງລາຍຮັບດ້ານວິຊາການໃຫ້ຂະແໜງການຂອງຕົນເອງເພີ່ມຂຶ້ນ.

ລາວ-ໄທ ແລກປ່ຽນບົດຮຽນການຕະຫລາດຜ່ານສື່ອອນລາຍ - lattana 1 - ລາວ-ໄທ ແລກປ່ຽນບົດຮຽນການຕະຫລາດຜ່ານສື່ອອນລາຍ
ລາວ-ໄທ ແລກປ່ຽນບົດຮຽນການຕະຫລາດຜ່ານສື່ອອນລາຍ - 1 1 - ລາວ-ໄທ ແລກປ່ຽນບົດຮຽນການຕະຫລາດຜ່ານສື່ອອນລາຍ
error: Content is protected !!