ຫລາຍເຂດຢູ່ເມືອງຫລວງນໍ້າທາບໍ່ທັນໄດ້ລົງມືປັກດໍານາປີ

ຫລາຍເຂດຢູ່ເມືອງຫລວງນໍ້າທາບໍ່ທັນໄດ້ລົງມືປັກດໍານາປີ - advert banner 728 90 728x90 - ຫລາຍເຂດຢູ່ເມືອງຫລວງນໍ້າທາບໍ່ທັນໄດ້ລົງມືປັກດໍານາປີ

ແຫລ່ງຂ່າວທ້ອງຖິ່ນລາຍງານວ່າ: ການຜະລິດເຂົ້ານາປີຢູ່ແຂວງຫລວງນໍ້າທາເວົ້າລວມ ແລະ ເວົ້າສະເພາະແມ່ນຢູ່ທົ່ງພຽງເມືອງຫລວງນໍ້າທາ ມາເຖິງປັດຈຸບັນທົ່ງນາຫລາຍພື້ນທີ່ບໍ່ໄດ້ທໍາການຜະລິດເຂົ້ານາປີ ຍ້ອນສະພາບແຫ້ງແລ້ງ ມີພຽງປະມານ 2 ສ່ວນ 3 ຂອງເນື້ອທີ່ນາ 3.300 ກວ່າເຮັກຕາທີ່ມີລະບົບຊົນລະປະທານສາມາດປັກດໍາໄປບາງສ່ວນແລ້ວ ກໍເນື່ອງຈາກວ່າການສະໜອງນໍ້າບໍ່ພຽງພໍຍ້ອນຝົນບໍ່ຕົກ ຈິ່ງເຮັດໃຫ້ການຜະລິດເຂົ້ານາປີນີ້ລ້າຊ້າກວ່າທຸກໆປີຜ່ານມາ ເຂດທີ່ກະທົບໜັກກວ່າໝູ່ແມ່ນເຂດນາທົ່ງປຸ່ງ ມີເນືອທີ່ 212 ເຮັກຕາ ຈົນມາຮອດດຽວນີ້ປະຊາຊົນຍັງບໍ່ທັນໄດ້ລົງມືຕົກກ້າ ແລະ ຄາດໄຖໄດ້. ຖັດມາແມ່ນເຂດນາທົ່ງຂວາ, ເຂດນາທົ່ງຝັ່ງຊ້າຍແມ່ນໍ້າທາຈໍານວນ 850 ເຮັກຕາ ທີ່ນໍາໃຊ້ນໍ້າຈາກຊົນລະປະທານນໍ້າທາ 3 ນັ້ນກໍຍັງບໍ່ທັນໄດ້ລົງມືທໍາການຜະລິດ.

ຫລາຍເຂດຢູ່ເມືອງຫລວງນໍ້າທາບໍ່ທັນໄດ້ລົງມືປັກດໍານາປີ - new3 - ຫລາຍເຂດຢູ່ເມືອງຫລວງນໍ້າທາບໍ່ທັນໄດ້ລົງມືປັກດໍານາປີ

ຕໍ່ສະພາບດັ່ງກ່າວ, ທ່ານ ບຸນຍີ່ ແກ້ວຄຸນເມືອງ ຮອງເຈົ້າແຂວງຫລວງນໍ້າທາ ໄດ້ແນະນໍາໃຫ້ພະແນກກະສິກໍາ-ປ່າໄມ້ແຂວງສົມທົບກັບເມືອງໃຫ້ເອົາໃຈໃສ່ຕິດຕາມກວດກາ ສະເໜີລາຍງານເປັນແຕ່ລະໄລຍະ ເພື່ອເລັ່ງຫາວິທີທາງແກ້ໄຂຕາມເງື່ອນໄຂ ເຊັ່ນ: ເຂດນາທົ່ງປຸ່ງສາມາດດູດນໍ້າຈາກແມ່ນໍ້າທຸງແມ່ນຈະໄດ້ຄົ້ນຄວ້າຫາຈັກສູບນໍ້າມາຕິດຕັ້ງ ເພື່ອເອົານໍ້າເຂົ້າໃຫ້ປະຊາຊົນໄດ້ຕົກກ້າ ແລະ ປັກດໍາໄດ້, ຖ້າແຫ່ງໃດບໍ່ສາມາດຜະລິດເຂົ້ານາປີທັນຕາມລະດູການ ກໍຈະໄດ້ກະຕຸກຊຸກຍູ້ປະຊາຊົນປູກພືດຊະນິດອື່ນທົດແທນເຊັ່ນ: ປູກສາລີ ແລະ ພືດລົ້ມລຸກເພື່ອທົດແທນ.

ຫລາຍເຂດຢູ່ເມືອງຫລວງນໍ້າທາບໍ່ທັນໄດ້ລົງມືປັກດໍານາປີ - lattana 1 - ຫລາຍເຂດຢູ່ເມືອງຫລວງນໍ້າທາບໍ່ທັນໄດ້ລົງມືປັກດໍານາປີ
error: Content is protected !!