ເສດຖະກິດນະຄອນຫລວງສືບຕໍ່ຂະຫຍາຍຕົວຢ່າງຕໍ່ເນື່ອງ

- advert banner 728 90 728x90 - ເສດຖະກິດນະຄອນຫລວງສືບຕໍ່ຂະຫຍາຍຕົວຢ່າງຕໍ່ເນື່ອງ

ທ່ານເຈົ້າຄອງນະຄອນຫລວງວຽງຈັນ ສີນລະວົງ ຄຸດໄພທູນ ໄດ້ລາຍງານຕໍ່ກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນນະຄອນຫລວງວຽງຈັນຊຸດທີ 1 ໃນວັນທີ 24 ກໍລະກົດນີ້ວ່າ: ໃນໄລຍະ 6 ເດືອນຜ່ານມາ, ເຖິງວ່າສະພາບລວມຂອງການພັດທະນາເສດຖະກິດ-ສັງຄົມຢູ່ນະຄອນຫລວງວຽງຈັນມີຄວາມຫຍຸ້ງຍາກ ແລະ ສິ່ງທ້າທາຍຕ່າງໆ, ແຕ່ຍ້ອນຄວາມເອົາໃຈໃສ່ຊີ້ນໍາຢ່າງໃກ້ຊິດຂອງຄະນະພັກ- ອົງການປົກຄອງ ແລະ ຄວາມເປັນເຈົ້າການຂອງທຸກພາກສ່ວນ ຕະຫລອດຮອດປະຊາຊົນບັນດາເຜົ່າ ໄດ້ເຮັດໃຫ້ບັນດາຄາດໝາຍການພັດທະນາຕ່າງໆບັນລຸໄດ້ຕາມແຜນການວາງໄວ້, ໂດຍສະເພາະແມ່ນສືບຕໍ່ມີສະຖຽນລະພາບທາງດ້ານການເມືອງ ໜັກແໜ້ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ, ເຊິ່ງເປັນເງື່ອນໄຂສະດວກໃຫ້ແກ່ການພັດທະນາ ແລະ ດຶງດູດການລົງທຶນນັບມື້ຫລາຍຂຶ້ນ. ສະເພາະໃນໄລຍະ 6 ເດືອນຜ່ານມານີ້, ການລົງທຶນໃນທົ່ວສັງຄົມປະຕິບັດໄດ້ 10.569 ຕື້ກວ່າກີບເທົ່າກັບ 69,91% ຂອງແຜນການປີ. ໃນນີ້ການລົງທຶນຂອງລັດປະຕິບັດໄດ້ 235 ໂຄງການ ລວມມີມູນຄ່າ 46 ຕື້ກວ່າກີບ, ໄດ້ອອກອະນຸຍາດລົງທຶນຈໍານວນ 1.169 ຫົວໜ່ວຍ ລວມມີມູນຄ່າທັງໝົດ 21.502 ຕື້ກວ່າກີບ, ການຊ່ວຍເຫລືອທາງການເພື່ອພັດທະນາປະຕິບັດໄດ້ 11 ໂຄງການ ຕົກເປັນມູນຄ່າ 447 ຕື້ກວ່າກີບ. ຂະນະທີ່ການລົງທຶນໃນດ້ານສີນເຊື່ອທະນາຄານແມ່ນປະຕິບັດໄດ້ 3.625 ຕື້ກວ່າກີບເຫັນວ່າລື່ນແຜນການວາງໄວ້ 6,6%. 

- Tiger Head 728x90 - ເສດຖະກິດນະຄອນຫລວງສືບຕໍ່ຂະຫຍາຍຕົວຢ່າງຕໍ່ເນື່ອງ
- 1 1 - ເສດຖະກິດນະຄອນຫລວງສືບຕໍ່ຂະຫຍາຍຕົວຢ່າງຕໍ່ເນື່ອງ
error: Content is protected !!