ລັດຖະບານຫາລືບັນຫາພົ້ນເດັ່ນປະຈໍາເດືອນກໍລະກົດ

- advert banner 728 90 728x90 - ລັດຖະບານຫາລືບັນຫາພົ້ນເດັ່ນປະຈໍາເດືອນກໍລະກົດ

ກອງປະຊຸມລັດຖະບານປະຈໍາເດືອນກໍລະກົດ ໄດ້ຈັດຂຶ້ນໃນວັນທີ 23-24 ນີ້, ພາຍໃຕ້ການເປັນປະທານຂອງທ່ານນາຍົກລັດຖະມົນຕີ ທອງລຸນ ສີສຸລິດ ໂດຍໄດ້ຮັບຟັງລາຍງານ ແລະ ພິຈາລະນາຫລາຍບັນຫາສໍາຄັນຄື: ສະພາບການລະບາດຂອງໄຂ້ເລືອດອອກ, ພະຍາດອະຫິວາໝູ, ການລະບາດຂອງສັດຕູພືດ, ໄພແຫ້ງແລ້ງ, ການເໜັງຕິງຂອງອັດຕາແລກປ່ຽນ, ການບໍລິຫານລັດ ແລະ ການຄຸ້ມຄອງລະບົບຂໍ້ມູນຂ່າວສານແບບໃໝ່​ (ສື່ສັງຄົມອອນລາຍ). ນອກນີ້ ກອງປະຊຸມໄດ້ມອບໃຫ້ກະຊວງແຜນການ ແລະ ການລົງທຶນ ເພີ່ມຄວາມ​ເປັນ​​ເຈົ້າ​ການໃນການ​ຄຸ້ມ​ຄອງເຂດ​ເສດຖະກິດ​ພິ​ເສດຈໍານວນ 12 ແຫ່ງທີ່ໄດ້ອະນຸມັດ,  ພ້ອມທັງມອບໃຫ້ອົງການ​ກວດກາ​ລັດຖະບານແຕ່ງ​ຕັ້ງໜ່ວຍງານລົງ​ໄປກວດກາ​ການປະຕິບັດລະບຽບກົດໝາຍ ແລະ ສັນຍາໂຄງການຂອງ​ບັນດາ​ເຂດ​ເສດຖະກິດດັ່ງກ່າວໂດຍໄວ. ນອກນີ້, ກອງປະຊຸມໄດ້ຮັບຮອງເອົາດ້ານຫລັກການຂອງຮ່າງດໍາລັດວ່າດ້ວຍນະໂຍບາຍການພັດທະນາເສດຖະກິດແຂວງໄຊສົມບູນ, ຮ່າງດໍາລັດວ່າດ້ວຍ ການປ່ຽນແປງດິນຟ້າອາກາດ ແລະ ໄດ້ແນະນໍາໃຫ້ຄະນະ​ຮັບຜິດຊອບສ້າງຮ່າງດໍາລັດດັ່ງກ່າວສືບຕໍ່ປັບປຸງຄືນເນື້ອໃນຕາມການປະກອບຄໍາເຫັນຂອງສະມາຊິກລັດຖະບານເພື່ອໃຫ້ມີຄວາມລະອຽດ, ຄົບຖ້ວນ, ຈະແຈ້ງ ແລະ ຮັດກຸ້ມ ກ່ອນນໍາໄປທາບທາມຄໍາເຫັນຕື່ມຈາກຄະນະປະຈໍາສະພາແຫ່ງຊາດ ແລະ ສະເໜີໃຫ້ນາຍົກລັດຖະມົນຕີລົງລາຍເຊັນປະກາດໃຊ້ເປັນທາງການ.

- 1 1 - ລັດຖະບານຫາລືບັນຫາພົ້ນເດັ່ນປະຈໍາເດືອນກໍລະກົດ
- Tiger Head 728x90 - ລັດຖະບານຫາລືບັນຫາພົ້ນເດັ່ນປະຈໍາເດືອນກໍລະກົດ
error: Content is protected !!