ລັດເຊຍເວົ້າວ່າ: ລູກສອນໄຟ S-400 ຂາຍດີທີ່ສຸດ

ລັດເຊຍເວົ້າວ່າ: ລູກສອນໄຟ s-400 ຂາຍດີທີ່ສຸດ - advert banner 728 90 728x90 - ລັດເຊຍເວົ້າວ່າ: ລູກສອນໄຟ S-400 ຂາຍດີທີ່ສຸດ

ຮຽບຮຽງໂດຍ: ລູກເມືອງພວນ

ລັດເຊຍເວົ້າວ່າ: ລູກສອນໄຟ s-400 ຂາຍດີທີ່ສຸດ - new3 - ລັດເຊຍເວົ້າວ່າ: ລູກສອນໄຟ S-400 ຂາຍດີທີ່ສຸດ
ລັດເຊຍເວົ້າວ່າ: ລູກສອນໄຟ s-400 ຂາຍດີທີ່ສຸດ - 45 - ລັດເຊຍເວົ້າວ່າ: ລູກສອນໄຟ S-400 ຂາຍດີທີ່ສຸດ

ເຈົ້າໜ້າທີ່ລັດເຊຍຢືນຢັນວ່າ: ຍັງມີຫຼາຍປະເທດທີ່ຢາກໄດ້ລະບົບ S-400 ໄວ້ຄອບຄອງ, ເຖິງແມ່ນຈະປະເຊີນກັບການລົງໂທດຈາກ ວໍຊິງຕັນກໍ່ຕາມ ລັດເຊຍຍັງຈະຂາຍໃຫ້ທຸກປະເທດທີ່ຕ້ອງການລະບົບດັ່ງກ່າວ.

ຫົວໜ້າອົງການການຮ່ວມມືທາງດ້ານເຕັກນິກການທະຫານຂອງສະຫະພັນລັດເຊຍ Dmitry Shugaev ໄດ້ອອກມາປະກາດໃນວັນທີ 24 ກໍລະກົດນີ້ວ່າ:  “ອາດຈະເວົ້າໄດ້ວ່າ ບັນດາປະເທດທີ່ຢາກຊື້ລະບົບປ້ອງກັນທາງອາກາດໃນໄລຍະໄກ S-400 ນັບມື້ນັບເພີ່ມຂຶ້ນ. ພວກເຮົາຂໍສະແດງຄວາມຂອບໃຈຕໍ່ການຕັດສິນໃຈຂອງເພື່ອນມິດ ຕວກກີ. ສັນຍາກຳລັງຖືກຈັດຕັ້ງປະຕິບັດ, ການມອບຮັບຄັ້ງທຳອິດ ຈະເກີດຂຶ້ນໃນອາທິດນີ້”

ຄຳຖະແຫຼງການດັ່ງກ່າວມີຂືຶ້ນ ໃນຂະນະທີ່ ມົສກູ ກຳລັງມອບໂອນລະບົບ S-400 ຊຸດທຳອິດໃຫ້, ໃນມູນຄ່າ 2,5 ຕື້ໂດລາ ໃຫ້ແກ່ Ankara, ໂດຍບໍ່ສົນໃຈກັບການຕໍ່ຕ້ານຈາກ ວໍຊິງຕັນ.

ອຳນາດການປົກຄອງສະຫະລັດໄດ້ອອກຄຳສັ່ງຫ້າມຂາຍເຮືອບິນສູ້ຮົບ F-35 ໃຫ້ ຕວກກີ ແລະ ໄດ້ກ່າວເຕືອນວ່າ: ຈະວາງຫຼາຍມາດຕະການລົງໂທດຕໍ່ S-400 ຂອງ Ankara ຕື່ມອີກ. ສະຫະລັດກຳລັງຊອກຫາວິທີການເອົາໃຈ ອິນເດຍໃຫ້ປະລະສັນຍາຊື້ລູກສອນໄຟ S-400, ໃນມູນຄ່າ 5,4 ຕື້ໂດລາຈາກລັດເຊຍ ທີ່ໄດ້ສັນຍາໃນປີ 2018.

ໃນຫວ່າງ ເດືອນ ມີຖຸນາ ຜ່າມານີ້, ອົງການຮ່ວມມືທາງດ້ານເຕັກນິກການທະຫານຂອງລັດເຊຍ ໄດ້ປະກາດການຕຽມພ້ອມທີ່ຈະສັນຍາຂາຍລະບົບ S-400 ໃຫ້ແກ່ ອີຣານ ເພາະລະບົບດັ່ງກ່າວບໍ່ໄດ້ນອນຢູ່ໃນບັນຊີຫ້າມຂອງສະພາຄວາມໝັ້ນຄົງຂອງສະຫະປະຊາຊາດ.

ລັດເຊຍເວົ້າວ່າ: ລູກສອນໄຟ s-400 ຂາຍດີທີ່ສຸດ - lattana 1 - ລັດເຊຍເວົ້າວ່າ: ລູກສອນໄຟ S-400 ຂາຍດີທີ່ສຸດ

ສຳລັບ ຊາດຈຳນວນໜຶ່ງເຊັ່ນ: ອາຣັບຊາອຸດີ ແລະ ກາຕາ ກໍ່ມີຄວາມສົນໃຈຕໍ່ກັບລະບົບ S-400, ເຖິງແມ່ນວ່າຈະຖືກສະຫະລັດປິດລ້ອມຕາມກົດບັນຍັດຕ້ານຄູ່ຕໍ່ສູ້ໂດຍຜ່ານການລົງໂທດຈາກ CAATSA ກໍ່ຕາມ.

ບັນດາຊ່ຽວຊານໃຫ້ຮູ້ວ່າ: ເຫດຜົນທີ່ S-400 ຖືກອົກຖືກໃຈຂອງຫຼາຍຊາດກໍ່ຍ້ອນວ່າ ມັນເປັນອາວຸດທີ່ທັນສະໄໝທີ່ສຸດຂອງລັດເຊຍ, ຊຶ່ງຈຸດເດັ່ນຂອງມັນບໍ່ທັນໄດ້ປະກົດອອກຢູ່ໃນອາວຸດໃດໆ ພວກຕາເວັນຕົກເລີຍ.

ລູກສອນໄຟ S-400 ມີຄວາມສາມາດດັບສູນເປົ້າໝາຍໄດ້ຢ່າງຊັດເຈນ, ມີຄວາມສາມາດສອດແນມການອຳພາງຮ່າງຂອງເຮືອບິນຂອງສັດຕູໄດ້, ລະບົບດັ່ງກ່າວນີ້ ຍັງໄດ້ອອກແບບ module ແລະ ມີການເຄື່ອນທີ່ສູງ, ຊື່ງສາມາດເຄື່ອນຍ້າຍ, ພຸ່ງຈະຫຼວດ ແລະ ເຄື່ອນຍ້ານອອກຈາກສະໝາມຮົບໄດ້ຢ່າງໄວວາ.

error: Content is protected !!