ປະຢັດນ້ຳມັນໂດຍການເບິ່ງແຍງຢາງລົດ

- advert banner 728 90 728x90 - ປະຢັດນ້ຳມັນໂດຍການເບິ່ງແຍງຢາງລົດ

- 032405 300x194 - ປະຢັດນ້ຳມັນໂດຍການເບິ່ງແຍງຢາງລົດ     ປະຈຸບັນມີການສົ່ງເສີມໃນເລື່ອງການປະຢັດນຳ້ມັນຕ່າງໆຢ່າງຫລວງຫລາຍຮູບແບບ ມື້ນີ້ພວກເຮົາຈຶ່ງນຳເອົາເລື່ອງການ ປະຢັດນຳ້ມັນອີກທາງເລືອກໜຶ່ງມາແນະນຳທ່ານ ເຊິ່ງຫລາຍຄົນອາດຈະບໍ່ຮູ້ວ່າຢາງລົດກໍມີສ່ວນໃນການຊ່ວຍປະຢັດນຳ້ມັນໄດ້.

- new3 - ປະຢັດນ້ຳມັນໂດຍການເບິ່ງແຍງຢາງລົດ

– ການຂັບລົດໂດຍການປ່ຽນເກຍຢ່າງຊ້າໆ: ຊ່ວຍປະຢັດນຳ້ມັນໄດ້ເຖິງ 20% ແລະ ຊ່ວຍຫລຸດການເສື່ອມສະພາບຂອງຢາງ.

– ກວດເຊັກຄວາມດັນລົມຢາງເປັນປະຈຳ : ລົມຢາງທີ່ບໍ່ຫລາຍ ບໍ່ໜ້ອຍເກີນໄປ (ສາມາດກວດສອບໄດ້ຈາກໜັງສືຄູ່ມືການນຳໃຊ້ລົດ) ຈະຊ່ວຍໃຫ້ການໃຊ້ນຳ້ມັນເປັນໄປຢ່າງມີປະສິດທິພາບ, ລົມຢາງອ່ອນຈະເຮັດໃຫ້ມີການເສື່ອມສະພາບຂອງດອກຢາງເພີ່ມຂຶ້ນ ເຮັດໃຫ້ເກີດຄວາມຮ້ອນ ຄວາມທົນທານຂອງຢາງຈະໜ້ອຍລົງ ແລະ  ກິນນຳ້ມັນຫລາຍຂຶ້ນ.

– ປັບສູນຖ່ວງລໍ້ຢາງໃຫ້ດຸ່ນດ່ຽງຢ່າງໜ້ອຍປີລະ 1 ເທື່ອ ຫລື ທັນທີທີ່ມີອາການສັ່ນຂອງລໍ້ ຫລື ພວງມະໄລ : ຈະຊ່ວຍໃຫ້ຢາງບໍ່ຫລຸ້ຍຫ້ຽນກ່ອນເວລາອັນຄວນ, ເຮັດໃຫ້ຢາງສາມາດໃຊ້ງານໄດ້ດົນຂຶ້ນ ແລະ ໃຫ້ຄວາມສະດວກສະບາຍເພີ່ມຂຶ້ນນຳ.

– ໝັ່ນກວດສອບຢາງຢູ່ສະເໝີ : ເພື່ອໃຫ້ໝັ້ນໃຈວ່າບໍ່ມີເສດຫີນ ຫລື ຂອງແຫລມຄົມຕິດຢູ່ ເຊິ່ງອາດເປັນສາເຫດຂອງຮູຮົ່ວ.

- lattana 1 - ປະຢັດນ້ຳມັນໂດຍການເບິ່ງແຍງຢາງລົດ

– ຈອດຢາງ ຫລື ປ່ຽນຢາງທັນທີ ຫາກພົບວ່າຢາງແປ ຫລື ບໍ່ມີລົມ : ເຖິງຈະແລ່ນໃນໄລຍະທາງສັ້ນໆກໍອາດໄດ້ຮັບຄວາມເສຍຫາຍຈົນບໍ່ສາມາດເອົາມາຈອດໄດ້ທັງຍັງກິນນຳ້ມັນຫລາຍນຳອີກ.

– ຄວາມເລິກຂອງຮ່ອງດອກຢາງ : ເຊິ່ງທ່ານສາມາດສັງເກດເບິ່ງໄດ້ຈາກໄລຍະເບຣກຢູ່ເທິງຖະໜົນປຽກຈະຫລາຍຂຶ້ນກ່ວາເກົ່າ ເມື່ອຄວາມເລິກຂອງດອກຢາງເຫລືອໜ້ອຍ ຈຶ່ງອາດເຮັດໃຫ້ເກີດການບໍ່ຈັບພື້ນຖະໜົນຂອງຢາງໄດ້.

– ຢາງຈີກຂາດ : ເຖິງຈະມີຮອຍຂາດນ້ອຍໆກໍອາດເຮັດໃຫ້ຢາງລະເບີດໄດ້.

– ຢາງແຕກ : ກວດເບິ່ງຮອຍແຕກ, ຮອຍແຍກ ໂດຍສະເພາະຢູ່ບໍລິເວນແກ້ມຢາງ.

error: Content is protected !!