ຍົກມາດຖານ ຮ້ານອາຫານລາວ

ຍົກມາດຖານ ຮ້ານອາຫານລາວ - advert banner 728 90 728x90 - ຍົກມາດຖານ ຮ້ານອາຫານລາວ

ຍົກມາດຖານ ຮ້ານອາຫານລາວ - new3 - ຍົກມາດຖານ ຮ້ານອາຫານລາວ

ເຖິງວ່າ ໃນປັດຈຸບັນ ໄດ້ມີຮ້ານອາຫານລາວທີ່ມີມາດຖານສູງເກີດຂຶ້ນຢ່າງຫຼວງຫຼາຍ ແຕ່ໂດຍທົ່ວໄປແລ້ວ ເລື່ອງສຸຂະອະນາໄມ້ນັ້ນ ຍັງເປັນຄຳຖາມ ທີ່ຍັງຫຼາຍຄົນຍັງບໍ່ທັນຮູ້.

ຫຼາຍຄົນອາດເຄີຍພົບພໍ້ ເມື່ອກິນເຂົ້າປຽກ ຫຼື ເຟີ ແລ້ວຮູ້ສຶກ ປວດຕາມກ້ານຄໍ, ບ່າໄຫຼ່ ເຊິ່ງຫຼາຍຄົນ ກໍເຊື່ອວ່າເປັນຍ້ອນທາງ ພໍ່ຄົວ ແມ່ຄົວ ເພິ່ນໃສ່ແປງນົວຫຼາຍໂພດ ທີ່ອາດບໍ່ດີຕໍ່ສຸຂະພາບ ໃນໄລຍະຍາວ.

ນອກນັ້ນ ເມື່ອເວົ້າເຖິງສຸຂະອະນາໄມ ໂດຍສະເພາະ ໄມ້ຖູ່, ບ່ວງ ເປັນຕົ້ນ ຍັງສັງເກດເຫັນວ່າ ຕາມຮ້ານອາຫານ ຕ່າງໆ ໃນ ສປປລາວ ໂດຍສະເພາະ ໃນຕົວເມືອງໃຫຍ່ ຄືນະຄອນຫຼວງວຽງຈັນນັ້ນ ເຖິງວ່າ ໄມ້ຖູ່ ແລະ ບ່ວງ ຈະລ້າງ ດ້ວຍຄວາມສະອາດ ພາຍຫຼັງ ຫຼາຍຕໍ່ຫຼາຍຄົນໃຊ້ຈົນເຫັນຮອຍດ່າງດາວ ກໍບໍ່ໝັ້ນໃຈວ່າຈະສະອາດດີ.

ມາຮອດປັດຈຸບັນ ພວກເຮົາເລີ່ມເຫັນ ເຈົ້າໜ້າທີ່ເພິ່ນລົງໄປ ກວດກາ ຄຸນນະພາບ ຂອງອາຫານ ຢູ່ຕາມທ້ອງ

ຕະຫຼາດ ເຊິ່ງກໍພົບເຫັນ ອາຫານປອມ, ອາຫານໃສ່ສານເຄມີປົນເປື້ອນ ທີ່ອັນຕະລາຍ ຕໍ່ສຸຂະພາບ ຢ່າງຫຼວງຫຼາຍ ໃນຂອບເຂດທົ່ວປະເທດ ແຕ່ ຕາມຮ້ານອາຫານ ພວກເຮົາຍັງບໍ່ເຫັນ ຂ່າວ ການລົງໄປສຳຫຼວດເບິ່ງວ່າ ຖືກສຸຂະອະນາໄມດີລະບໍ່? ເລີ່ມແຕ່ ວັດສະດຸ ການປຸງແຕ່ງອາຫານ, ເຄື່ອງປຸງ ແລະ ອຸປະກອນ ດັ່ງ ໄມ້ຖູ່ ບ່ວງ ແລະ ອື່ນໆ.

ພວກເຮົາ ຮູ້ດີວ່າ ໃນມື້ທາງລັດຖະບານ ນັ້ນ ຄົນສ່ວນຫຼາຍໃນຕົວເມືອງ ທີ່ໄປເຮັດວຽກ ເຊິ່ງແນ່ນອນ ຫຼາຍກວ່າ 60% ຂອງຜູ້ທີ່ໄປເຮັດວຽກນັ້ນ ຈະອາໄສ ການກິນເຂົ້າສວາຍຢູ່ຕາມຮ້ານອາຫານ ທີ່ພວກເຮົາອາດບໍ່ຮູ້ວ່າ ໃນອາຫານ ທີ່ເຮົາກິນທຸກມື້ ມີຫຍັງແດ່ ເພາະສະນັ້ນ ຄວາມປອດໄພ ຂອງອາຫານຈຶ່ງເປັນສິ່ງທີ່ບໍ່ ສະເພາະ ແຕ່ຄົນລາວເຮົາ ແຕ່ ສ້າງຄວາມໝັ້ນໃຈໃຫ້ ຊາວຕ່າງປະເທດ ໄດ້ສໍ່າໃດ ວ່າ ອາຫານຕາມຮ້ານ ອາຫານທົ່ວໄປ ຂອງລາວ ໂດຍສະເພາະ ຕາມຮ້ານອາຫານ ໃນຕົວເມືອງ ຮັບປະກັນ ຄວາມປອດໄພ ແລະ ມີສຸຂະອະນາໄມ ທີ່ດີ.

ຍົກມາດຖານ ຮ້ານອາຫານລາວ - lattana 1 - ຍົກມາດຖານ ຮ້ານອາຫານລາວ

ໃນທ່າມກາງ ທີ່ພວກເຮົາ ພະຍາຍາມ ດຶງດູດ ນັກທ່ອງທ່ຽວເຂົ້າມາປະເທດ, ສິ່ງໜຶ່ງ ທີ່ເປັນປັດໄຈຕົ້ນຕໍ ແລະ ພື້ນຖານ ສຳລັບເຂົາເຈົ້າ ກໍແມ່ນ ອາຫານ, ບາງຄົນ ແລະ ບາງ ປະເທດ ເອົາການທ່ອງທ່ຽວ ເພື່ອຊິມລົດຊາດ ຂອງອາຫານ ຕ່າງຖິ່ນເປັນຈຸດປະສົງ ຕົ້ນຕໍ ຂອງການທ່ອງທ່ຽວກໍມີ.

ເພາະສະນັ້ນ, ພວກເຮົາ ເອກອ້າງ ເລື່ອງອາຫານ ລາວທີ່ມີຄວາມຫຼາກຫຼາຍ ເວົ້າສະເພາະ ອາຫານປະເພດເສັ້ນ ກໍມີ ຫຼາຍປະເພດ ໃຫ້ເລືອກ ນັບແຕ່ ເຂົ້າຊອຍ ຈາກພາກເໜືອ ຈົນຮອດເຂົ້າປຽກປາ ຢູ່ທາງໃຕ້, ແລະ ອາຫານພື້ນບ້ານ ທີ່ນັບບໍ່ໄຂວ່ ທີ່ເຄື່ອງປຸງແຕ່ງຫຼາກຫຼາຍພາຍມາກ. ພ້ອມນັ້ນ, ຜູ້ຂຽນ ຍັງໄດ້ ອ່ານບົດຄວາມ ຈາກວາລະສານດັງ ຂອງຕ່າງປະເທດ ທີ່ເພິ່ນຂຽນ ວ່າ ໃນ ອີກບໍ່ດົນ ສປປລາວ ເຮົາອາດເປັນ ປະເທດທີ່ ເອົາການທ່ອງທ່ຽວ ທາງອາຫານ ມາເປັນຈຸດຂາຍ ກໍໄດ້ ຍ້ອນຄວາມຫຼາກຫຼາຍ ແລະລົດຊາດແຊບຊ້ອຍນັ້ນເອງ.

ເພື່ອຈະເອົາ ອາຫານ ມາເປັນຈຸດເດັ່ນໃນການສົ່ງເສີມການທ່ອງທ່ຽວ ແລະ ຮັບປະກັນທາງດ້ານ ສຸຂະພາບ ຂອງຄົນລາວ ພວກເຮົາ ຄວນຍົກມາດຖານ ການສົ່ງເສີມຄວາມ ສະອາດ, ປອດໄພ ຖືກສຸຂະອະນາໄມ ຂອງຮ້ານ ອາຫານລາວ ຕົວຢ່າງ ໄມ້ ຖູ່ ແລະ ບ່ວງ ທີ່ຖືກນຳໃຊ້ຫຼາຍຄັ້ງນັ້ນ ກໍຄວນໃຫ້ ມີນໍ້າຮ້ອນ ເພື່ອຂ້າເຊື້ອ ທີ່ພົບເຫັນ ຢູ່ຮ້ານອາຫານ ຫຼາຍແຫ່ງ ຂອງປະເທດ ເພື່ອນບ້ານເຮົາ ເຊັ່ນ ໄທ, ກຳປູເຈຍ ແຕ່ ຜູ້ຂຽນຍັງບໍ່ຄ່ອຍເຫັນຢູ່ລາວເຮົາ ເຊິ່ງເຮັດ ຄົນຕ່າງປະເທດ ບໍ່ກ້າໃຊ້ ໄມ້ຖູ່ລາວ.

ນອກນັ້ນ, ກໍຄວນມີການຈັດຕັ້ງ ການລົງສະຫຼວດ ເລື່ອງຄວາມປອດໄພ ໃນການປຸງແຕ່ງອາຫານ ຕາມຮ້ານ ອາຫານທົ່ວໄປ ເຊິ່ງອາດຈະຊ່ວຍໃຫ້ ມີການປູກຈິດສຳນຶກ ຂອງຜູ້ປະກອບການ ເຫັນຄວາມສຳຄັນຂອງ ສຸຂະພາບ ຂອງລູກຄ້າຫຼາຍຂຶ້ນ ແທນທີ່ຈະຫວັງເອົາກຳໄລເປັນຕົ້ນຕໍ.

error: Content is protected !!