ເຮືອແພທ່າງ່ອນແຫລ່ງທ່ອງທ່ຽວພາເພີນ

ເຮືອແພທ່າງ່ອນແຫລ່ງທ່ອງທ່ຽວພາເພີນ - advert banner 728 90 728x90 - ເຮືອແພທ່າງ່ອນແຫລ່ງທ່ອງທ່ຽວພາເພີນ
ເຮືອແພທ່າງ່ອນແຫລ່ງທ່ອງທ່ຽວພາເພີນ - 58 1 - ເຮືອແພທ່າງ່ອນແຫລ່ງທ່ອງທ່ຽວພາເພີນ
ເຮືອແພທ່າງ່ອນແຫລ່ງທ່ອງທ່ຽວພາເພີນ - 667474 - ເຮືອແພທ່າງ່ອນແຫລ່ງທ່ອງທ່ຽວພາເພີນ

ແຫລ່ງທ່ອງທ່ຽວເຮືອແພທ່າງ່ອນທີ່ຢູ່ກະໂຕຂົວ ຂ້າມນ້ຳງ່ືມບ້ານທ່າງ່ອນ ນະ ຄອນຫລວງວຽງຈັນເຮົານີ້, ເອງເຊິ່ງເປັນ ແຫລ່ງທ່ອງທ່ຽວພາເພີນແຫ່ງໜຶ່ງທີ່ຄົນ ທັງຫລາຍມັກໄປພັກຜ່ອນ, ຢ່ອນອາລົມ, ກິນລົມຊົມວິວ, ຂີ່ເຮືອຂຶ້ນລ່ອງຕາມສາຍນ້ຳງື່ມທີ່ໄຫລໃສເຢັນ.

ເຮືອແພທ່າງ່ອນແຫລ່ງທ່ອງທ່ຽວພາເພີນ - new3 - ເຮືອແພທ່າງ່ອນແຫລ່ງທ່ອງທ່ຽວພາເພີນ

ເໝາະກັບການໄປຮັບປະທານອາຫານທ່ຽງຂອງແຂກຄົນທີ່ມັກຂີ່ເຮືອທັງກິນ, ທັງດື່ມ, ພໍ່ເຖິງດີກຣີແລ້ວໃຜຕ້ອງການຮ້ອງເພງ, ທັງຟ້ອນທັງລຳກໍສຸດແລ້ວແຕ່ອັດທະຍາໃສບໍ່ວົນແຊວໃຜທັງສິ້ນ, ແຕ່ຖ້າຜູ້ໃດບໍ່ມັກຮອງເຮຮາສັງສັນ, ມັກງຽບກໍເອົາຕຽງພັບ ກັບໝອນຂຶ້ນເຮືອໄປນອນພັກຜ່ອນຮັບເອົາອາກາດສົດໆນອນໂກນໄປນຳກໍໄດ້, ເຊິ່ງປັດຈຸບັນ, ໃນແຕ່ລະມື້ມີ ນັກທ່ອງທ່ຽວທັງພາຍໃນ ແລະ ຕ່າງປະເທດໄດ້ຫລັ່ງໄຫລກັນໄປໃຊ້ບໍລິການຈົນ ວ່າໄດ້ລຽນຄິວກັນຈອງ ເຮືອນຳທ່ຽວ. ໃນນັ້ນທີ່ມັກໄປຫລາຍກວ່າໝູ່ແມ່ນຄົນເກົາຫລີເຂົາເຈົ້າມາໃນນາມທົວ ແລະ ລົດສ່ວນຕົວ, ຊ່ວງເວລາໄປທ່ຽວເໝາະສົມທີ່ ສຸດແມ່ນເລີ່ມແຕ່ 10 ໂມງຫາ 15 ໂມງພະນັກງານບໍລິການຕ້ອນຮັບທ່ານໜຶ່ງກ່າວ ແລະ  ທິດກ່ຳ ກໍສັງເກດເຫັນ ມີພາສາເກົາຫລີ ຂຽນຕິດຢູ່ຕາມຝາຊອກຊອຍໃນທຸກລຳເຮືອ. ສະເພາະໃນມື້ທີ່ ທິດກ່ຳ ໄດ້ໄປກໍເຫັນນັກທ່ອງ ທ່ຽວຊາວເກົາຫລີ ເປັນຫ້າເປັນສິບຄັນລົດຈອດລຽນກັນ ຢູ່ປານເມືອງປູຊານ.

ເວົ້າເຖິງຂັ້ນຕອນການນຳທ່ຽວຂອງເຮືອແພທ່າງ່ອນ, ກ່ອນອື່ນແມ່ນຕ້ອງໄດ້ຈອງເຮືອ, ມັກລຳໃດຄັກ, ມີຈຳນວນຄົນເທົ່າໃດ, ເໝາະກັບລຳນ້ອຍລຳໃຫຍ່. ຈາກນັ້ນ, ຈຶ່ງສັ່ງອາຫານ ແລະ ເຄື່ອງດື່ມເພື່ອຈະເອົາໄປກິນນຳເຮືອ, ມັກຊະນິດ, ປະເພດໃດ, ໜ້ອຍຫລາຍພະນັກ ງານທີ່ຄອຍອົບອຸ່ນບໍລິການ ເຂົາຈະຂົນລົງເຮືອເຫັນວ່າ ພຽງພ້ອມແລ້ວກໍປ່ອຍເຮືອ ອອກມັກຂຶ້ນເໜືອລ່ອງໄຕ້  ກໍບອກຜູ້ຂັບເຮືອໄປຈັກຊົ່ວ ໂມງເຂົາກໍພາເຮົາຂຶ້ນລ່ອງໄປຢ່າງເພີດເພີນ.

ສິ່ງທີ່ພາໃຫ້ນັກທ່ອງ ທ່ຽວຕິດໃຈໄປທ່ຽວແຫ່ງ ນີ້ກໍຍ້ອນໄດ້ຂີ່ເຮືອຂຶ້ນລ່ອງ ຊົມທຳມະຊາດສອງຝາກຝັ່ງນ້ຳງື່ມ, ອັນສອງມາກໍມີອາ ກາດສົດເວລາຂີ່ເຮືອຂຶ້ນ ລ່ອງມີລົມພັດ ໂຊຍມາທັງ ກິນ, ທັງດື່ມພໍເຖິງຂັ້ນເຖິງຂີດແລ້ວກໍຍາດໄມກັນຮ້ອງ ເພງຢ່າງສຸກສັນຫັນສາ.

ເຮືອແພທ່າງ່ອນແຫລ່ງທ່ອງທ່ຽວພາເພີນ - lattana 1 - ເຮືອແພທ່າງ່ອນແຫລ່ງທ່ອງທ່ຽວພາເພີນ

ອີກສິ່ງໜຶ່ງທີ່ເຮັດໃຫ້ ຄົນຕິດໃຈຫລົງໄຫລກໍແມ່ນ ມີຜູ້ຍິງທີ່ມີໜ້າຕາສົດໃສຈົບງາມສຸພາບຮຽບຮ້ອຍມາຄອຍໃຫ້ຄວາມອົບອຸ່ນໃກ້ຊິດ, ເຄື່ອງດື່ມຈອກ ໃດໝົດເຂົາກໍເລັ່ງເຫຍັ້ນລິນໄປຕິກໆ, ຈາກຄວາມງາມ ພ້ອມນິໄສໃຈຄໍຂອງຜູ້ບໍລິການທີ່ໄດ້ໃຈພວກບ່າວເຫີ່ມທັງຫລາຍກໍຫລົງໄຫລໄຝ່ຝັນດື່ມກັບແກ້ມຈົນລືມຮຸ່ງລືມຄ່ຳ. ນີ້ລະຄືຄວາມສຸດຍອດຂອງຄຳວ່າການໄປທ່ອງທ່ຽວພາເພີນ.

ສຳລັບຄ່າບໍລິການເຮືອນຳທ່ຽວຊົ່ວໂມງໜຶ່ງ 150.000 (ແສນຫ້າສິບພັນກີບ) ສ່ວນວ່າ ອາຫານກໍພໍໄປພໍມາບໍ່ແພງເກີນເຫດ. ຕາມທິດກ່ຳວ່າ ປີ 2019 ນີ້ ເປັນປີທ່ອງທ່ຽວລາວຈີນຖ້າພວກເຮົາຕ້ອງການໄປພັກຜ່ອນແບບພາເພີນມ່ວນໆ,  ຂີ່ເຮືອຂຶ້ນລ່ອງຕາມສາຍນ້ຳງື່ມກໍຕ້ອງແມ່ນແຫລ່ງທ່ອງທ່ຽວເຮືອແພທ່າງ່ອນແລ້ວ ທ່ານຈະບໍ່ຜິດຫວັງ./.

error: Content is protected !!