ກິນໄຂ່ ແລະ ນົມຈືດຊ່ວຍເພີ່ມຄວາມສູງແບບງ່າຍໆ

- milk eggs motaenDOTcom 400x300 - ກິນໄຂ່ ແລະ ນົມຈືດຊ່ວຍເພີ່ມຄວາມສູງແບບງ່າຍໆ
- Untitled design - ກິນໄຂ່ ແລະ ນົມຈືດຊ່ວຍເພີ່ມຄວາມສູງແບບງ່າຍໆ

 

ໄຂ່ ເປັນແຫລ່ງໂປຣຕິນທີ່ມີຄຸນນະພາບສູງ ຫາໄດ້ງ່າຍ ແລະ ເໝາະສົມສຳລັບທຸກເພດທຸກໄວ ເປັນແຫລ່ງຂອງແຮ່ທາດ ແລະ ວິຕາມິນອີກຫລວງຫລາຍ ບໍ່ວ່າຈະແມ່ນທາດເຫລັກ, ທາດການຊຽມ, ຟົສຟໍ, ວິຕາມິນອາ, ວິຕາມິນເບ 1, ເບ 2, ເບ 6, ວິຕາມິນເອີ, ໂຟເລດ,  ເລຊິຕິນ, ລູທີນ ແລະ ຊີແຊນທີນ ທີ່ໃຫ້ປະໂຫຍດຕໍ່ຮ່າງກາຍ. ປະລິມານໄຂ່ທີ່ແນະນຳໃຫ້ບໍລິໂພກນັ້ນ ເດັກນ້ອຍອາຍຸຕັ້ງແຕ່ 6 ເດືອນ ໃຫ້ເລີ່ມກິນໄຂ່ຕົ້ມສຸກມື້ລະໜ່ວຍ, ເດັກນ້ອຍອາຍຸ 7 ເດືອນຂຶ້ນໄປໃຫ້ກິນໄຂ່ຕົ້ມສຸກມື້ລະເຄິ່ງໜ່ວຍ ຫາ 1 ໜ່ວຍ ແລະ ເດັກນ້ອຍອາຍຸ 1 ປີ ຂຶ້ນໄປເຖິງໄວຜູ້ເຖົ້າກິນໄຂ່ຕົ້ມສຸກໄດ້ມື້ລະໜ່ວຍ ແຕ່ຖ້າເປັນຄົນປ່ວຍພະຍາດເບົາຫວານ, ໄຂມັນໃນ ເລືອດສູງ, ຄວາມດັນເລືອດສູງກິນໄຂ່່ໄດ້ 3 ໜ່ວຍຕໍ່ອາທິດ ຫລື ຕາມຄຳແນະນຳຂອງແພດ.

ເຊິ່ງຜູ້ບໍລິໂພກຄວນກິນໄຂ່ຄູ່ກັບອາຫານທີ່ຫລາກຫລາຍໃນແຕ່ລະຄາບ ໂດຍໃຫ້ມີອາຫານປະເພດແປ້ງ, ທັນຍາພືດ, ຊີ້ນສັດ, ຜັກ- ໝາກໄມ້ຄົບທັງ 5 ໝວດ ໃນປະລິມານທີ່ເໝາະສົມ ໂດຍສະເພາະຜັກ ແລະ ໝາກໄມ້ສົດຈະຊ່ວຍໃນການກັກນຳ້ຕານ ແລະ ຄໍເລສເຕີໂຣນ ຈຶ່ງຊ່ວຍຫລຸດການດູດຊຶມ ແລະ ຄວນຫລີກເວັ້ນການກິນໄຂ່ດິບ ເພາະອາດປົນເປື້ອນເຊື້ອຈຸລິນຊີທີ່ກໍ່ໃຫ້ເກີດອັນຕະລາຍຕໍ່ສຸຂະພາບ. ສ່ວນໄຂ່ຂາວທີ່ບໍ່ສຸກຈະຂັດຂວາງການດູດຊຶມໄບໂອຕິນ ເຊິ່ງເປັນວິຕາມິນເບຊະນິດໜຶ່ງໃນລຳໄສ້ ເຮັດໃຫ້ຮ່າງກາຍບໍ່ສາມາດດູດຊຶມວິຕາມິນເບໄປໃຊ້ປະໂຫຍດໄດ້ ຈຶ່ງໄດ້ຮັບປະໂຫຍດບໍ່ເຕັມທີ່ ແລະ ສິ່ງສຳຄັນຜູ້ເຖົ້າທີ່ມີບັນຫາເລື່ອງແຂ້ວທີ່ບໍ່ສາມາດກິນອາຫານໂປຣຕິນອື່ນໄດ້ ແນະນຳໃຫ້ກິນໄຂ່ເປັນແຫລ່ງຂອງໂປຣຕິນ ແຕ່ໃນຜູ້ເຖົ້າທີ່ມີບັນຫາເລື່ອງໄຂມັນໃນເລືອດສູງໃນບາງຄາບອາດຫລີກເວັ້ນການກິນໄຂ່ແດງ.

- Wave100S AD to Website 2020 0 - ກິນໄຂ່ ແລະ ນົມຈືດຊ່ວຍເພີ່ມຄວາມສູງແບບງ່າຍໆ

ນອກຈາກນີ້ ໄວເດັກ ແລະ ຜູ້ເຖົ້າ ຄວນດື່ມນົມເປັນປະຈຳ ໂດຍສະເພາະນົມຈືດເປັນແຫ່ລງໂປຣຕິນຄຸນນະພາບດີທີ່ມີທາດການຊຽມໃນປະລິມານຫລາຍ ເໝາະສົມສຳລັບການຈະເລີນເຕີບໃຫຍ່ຂອງກະດູກ ແລະ ແຂ້ວ ໂດຍສະເພາະນົມສົດລົດຈືດມີຄຸນຄ່າທາງໂພຊະນາການດີກ່ວານົມທີ່ມີການປຸງແຕ່ງດ້ວຍນຳ້ຕານ ແລະ ກິ່ນເນື່ອງຈາກມີທາດການຊຽມໃນປະລິມານຫລາຍ ຊ່ວຍສ້າງກະດູກທີ່ມີຜົນຕໍ່ການຈະເລີນເຕີບໃຫຍ່ຂອງເດັກດ້ານຄວາມສູງ ໂດຍເດັກໄວຮຽນຄວນດື່ມນົມມື້ລະ 2 – 3 ຈອກ ແລະ ໃນໄວຜູ້ໃຫຍ່ ແລະ ຜູ້ເຖົ້າເປັນໄວທີ່ຕ້ອງການສານອາຫານຕື່ມ ເພື່ອຟື້ນຟູພາກສ່ວນທີ່ເສື່ອມສະພາບ ແລະ ຊະລໍການສູນເສຍມວນກະດູກປ້ອງກັນພະຍາດກະດູກຜ່ອຍ ແນະນຳໃຫ້ດື່ມນົມຈືດມື້ລະ 1 – 2 ຈອກ. ສ່ວນຜູ້ທີ່ມີບັນຫາສຸຂະພາບ ເຊັ່ນ : ຕຸ້ຍ, ໄຂມັນໃນເລືອດສູງ, ພະຍາດຫົວໃຈ, ຄວາມດັນເລືອດສູງ, ເບົາຫວານ ຄວນດື່ມນົມຊະນິດພ່ອງມັນເນີຍ ຫລື ຂາດມັນເນີຍ ເພື່ອຫລີກເວັ້ນ ຄວາມສ່ຽງໄຂມັນເກີນມື້ລະ 1 – 2 ຈອກ.

- WhatsApp Image 2020 05 27 at 5 - ກິນໄຂ່ ແລະ ນົມຈືດຊ່ວຍເພີ່ມຄວາມສູງແບບງ່າຍໆ
- WhatsApp Image 2020 05 27 at 5 - ກິນໄຂ່ ແລະ ນົມຈືດຊ່ວຍເພີ່ມຄວາມສູງແບບງ່າຍໆ
error: Alert: ເນື້ອຫາຂ່າວມີລິຂະສິດ !!