ນາຍົກລັດຖະມົນຕີ ກຳປູເຈຍ ຈ່າຍ 40 ລ້ານໂດລາຊື້ອາວຸດຈາກຈີນ

ນາຍົກລັດຖະມົນຕີ ກຳປູເຈຍ ຈ່າຍ  40 ລ້ານໂດລາຊື້ອາວຸດຈາກຈີນ - advert banner 728 90 728x90 - ນາຍົກລັດຖະມົນຕີ ກຳປູເຈຍ ຈ່າຍ  40 ລ້ານໂດລາຊື້ອາວຸດຈາກຈີນ
ນາຍົກລັດຖະມົນຕີ ກຳປູເຈຍ ຈ່າຍ  40 ລ້ານໂດລາຊື້ອາວຸດຈາກຈີນ - 697 1 - ນາຍົກລັດຖະມົນຕີ ກຳປູເຈຍ ຈ່າຍ  40 ລ້ານໂດລາຊື້ອາວຸດຈາກຈີນ

ອີງຕາມຂ່າວຈາກ vnExpress, ວັນທີ່ 29 ກໍລະກົດນີ້, ໃຫ້ຮູ້ວ່າ: ນາຍົກລັດຖະມົນຕີກຳປູເຈຍ ຮຸນເຊັນ ປະກາດວ່າ: ຈະຈ່າຍ 40 ລ້ານໂດລາ ເພື່ອຊື້ອາວຸດ ຈາກຈີນ, ເພື່ອປ່ຽນແທນອາວຸດທີ່ເກົ່າແກ່ ຫັນເປັນທັນສະໄໝ.

ນາຍົກລັດຖະມົນຕີ ກຳປູເຈຍ ຈ່າຍ  40 ລ້ານໂດລາຊື້ອາວຸດຈາກຈີນ - new3 - ນາຍົກລັດຖະມົນຕີ ກຳປູເຈຍ ຈ່າຍ  40 ລ້ານໂດລາຊື້ອາວຸດຈາກຈີນ

ວັນທີ 29 ກໍລະກົດນີ້, ທ່ານຮຸນເຊັນໄດ້ຂຽນລົງໃນ ເຟສບຸກ ວ່າ: ຈະຈ່າຍ 40 ລ້ານໂດລາ, ເຊິ່ງບໍ່ນອນ ຢູ່ໃນ ຮ່ວງ 290 ລ້ານ ໂດລາ ທີ່ຈີນ ໃຫ້ການຊ່ວຍເຫຼືອເພື່ອຫັນ ການທະຫານໃຫ້ເປັນທັນສະໄໝ. “ຂ້າພະເຈົ້າໄດ້ອອກ ຄຳສັ່ງໃຫ້ຊື້ອາວຸດມາເພີ່ມເຕີມ ”, Channel NewsAsia ອ້າງຄຳເວົ້າຂອງທ່ານ ຮຸນເຊັນ ເນື່ອງໃນໂອກາດໄປ ຢ້ຽມຢາມໂຄງການກໍ່ສ້າງສະໜາມກິລາຢູ່ນະຄອນຫຼວງພະນົມເປັນ ແລະ ໄດ້ນຳເອົາມາອອກໃນໜ້າ ເຟສ ບຸກ ຢ່າງເປັນທາງການ. ໂຄງການດັ່ງກ່າວ ໂດຍແມ່ນຈີນ ເປັນຜູ້ລົງທຶນ, ທ່ານ ຮຸນເຊັນ ເອີ້ນໂຄງການນີ້ວ່າ: ຂອງ ຂວັນຈາກປະທານ ສີຈິນຜິງ.

ທ່ານ ຮຸນເຊັນ ໃຫ້ຮູ້ວ່າ: ອາວຸດທີ່ຊື້ນຳຈີນນັ້ນ ປະກອບ ມີປືນຫຼາຍພັນກະບອກ ເພື່ອປ່ຽນແທນໃຫ້ຈຳນວນປືນທີ່ ເກົ່າແກ່, ແຕ່ ທ່ານບໍ່ໄດ້ໃຫ້ ລາຍລະອຽດວ່າມີປືນຊະນິດໃດແດ່. ທ່ານເວົ້າຕໍ່ວ່າ: “ຂ້າພະເຈົ້າຢາກເພີ່ມທະວີທາງ ການທະຫານ ”

ນອກຈາກປະກາດການຊື້ອາວຸດນຳຈີນແລ້ວ, ນາຍົກ ຮຸນເຊັນ ຍັງໄດ້ປະຕິເສດບົດລາຍງານຂອງທ່ານ Wall Street Journal ທີ່ວ່າ: ຈີນ ໄດ້ມີຂໍ້ຕົກລົງລັບກັບກຳປູ ເຈຍ, ສາມາດໃຫ້ຈີນຂະຫຍາຍກຳລັງການທະຫານ ຢູ່ ທ່າກຳປັ່ນ ຣີມ ໄດ້. ທ່ານ Wall Street Journal ອ້າງຄຳເວົ້າມາຈາກເຈົ້າໜ້າທີ່ຂອງສະຫະລັດ ແລະ ພັນທະມິດ.

ການພົວພັນທາງການ ທະຫານລະຫວ່າງກຳປູເຈຍ ແລະ ຈີນ ນັບມື້ສ້າງຄວາມ ສົນໃຈ ແລະ ຄວາມກັງວົນໃຫ້ແກ່ສະຫະລັດ ອາເມລິ ກາ.ໃນບົດລາຍງານຂອງ ທ່ານ Wall Street Journal  ໄດ້ຍົກໃຫ້ເຫັນການຕົກລົງລັບທີ່ກຳປູເຈຍ ອະນຸຍາດ ໃຫ້ ກຳລັງທະຫານຂອງຈີນນຳ ໃຊ້ທ່າກຳປັ່ນທະຫານເຮືອຂອງກຳປູເຈຍ.

ໃນອາທິດກ່ອນນີ້, ກຳ ປູເຈຍພະຍາຍາມປະຕິເສດ ຕໍ່ຂ່າວທີ່ວ່າ ກຳປູເຈຍໄດ້ອະນຸຍາດໃຫ້ກຳປັ່ນຮົບຂອງຈີນເຂົ້າທຽບທ່າໃນຖານທັບເຮືອຣີມ ໃກ້ກັບສີຫານຸກວິນ. ເພື່ອປະຕິເສດຂ່າວດັ່ງກ່າວ, ກຳປູເຈຍໄດ້ເຊີນເອົາບັນດາ ນັກຂ່າວຈາກພະນົມເປັນໄປ ທີ່ທ່າກຳປັ່ນ ຣີມ.

ນາຍົກລັດຖະມົນຕີ ກຳປູເຈຍ ຈ່າຍ  40 ລ້ານໂດລາຊື້ອາວຸດຈາກຈີນ - lattana 1 - ນາຍົກລັດຖະມົນຕີ ກຳປູເຈຍ ຈ່າຍ  40 ລ້ານໂດລາຊື້ອາວຸດຈາກຈີນ

ກຸ່ມນັກຂ່າວດັ່ງກ່າວຖືກເຈົ້າໜ້າທີ່ທະຫານເຮືອ ແລະ ລັດຖະບານກຳປູເຈຍຕິດຕາມຢ່າງເຄັ່ງຄັດ. ພວກເຂົາໄດ້ ພຽງແຕ່ຢ້ຽມຢາມອ້ອມຮອບທ່າກຳປັ່ນເບື້ອງນອກ ແລະ ບາງທ່າກຳປັ່ນທີ່ມີກຳ ປັ່ນລາດຕະເວນຂອງກຳປູ ເຈຍປະຈຳການຢູ່ເທົ່ານັ້ນ. ນັກຂ່າວຍັງໄດ້ໃຫ້ໄປຢ້ຽມຢາມອາຄານຫຼັງໜຶ່ງທີ່ມີຄຳ ຂວັນຂຽນໄວ້ວ່າ: “ອາຄານ ຫຼັງນີ້ ມັນແມ່ນການຮ່ວມມືລະຫ່ວາງຈີນ ແລະ ສະຫະລັດອາເມລິກາມອບໃຫ້ ເພື່ອ ເປັນສັນຍາລັກແຫ່ງມິດຕະພາບ ແລະ ການຮ່ວມມື ”

ພາຍຫຼັງໄປຢ້ຽມຢາມອ້ອມຮອບເບື້ອງນອກຂອງ ທ່າກຳປັ່ນ ຣີມ ແລ້ວ, ໂຄສົກຂອງກະຊວງປ້ອງກັນປະເທດກຳກປູເຈຍ ໄດ້ເວົ້າກັບບັນດານັກຂ່າວວ່າ: “ ປະເທດນີ້ ບໍ່ມີຫຍັງທີ່ຈະປິດລັບ ”.

ຮຽບຮຽງໂດຍ: ລູກເມືອງພວນ

error: Content is protected !!