ຈະປະເຊີນ ເຫດສຸກເສີນແນວໃດ?

ຈະປະເຊີນ ເຫດສຸກເສີນແນວໃດ? - advert banner 728 90 728x90 - ຈະປະເຊີນ ເຫດສຸກເສີນແນວໃດ?

ການປະສົບໄພພິບັດທາງທຳມະຊາດເມື່ອຊຸມປີຜ່ານມາໄດ້ທົດສອບກຳລັງແຮງພວກເຮົາໃນການໂຕ້ຕອບເຫດສຸກເສີນເຊິ່ງຈະແຈ້ງວ່າຍັງມີຫຼາຍອັນ ຄວນໄດ້ຮັບການປັບປຸງ.

ຈະປະເຊີນ ເຫດສຸກເສີນແນວໃດ? - new3 - ຈະປະເຊີນ ເຫດສຸກເສີນແນວໃດ?

ເຫດສຸກເສີນອາດມີຫຼາຍເຫດການແຕ່ໃນນີ້ຜູ້ຂຽນຂໍແລກປ່ຽນ ແລະເນັ້ນໃສ່ໄພພິບັດເປັນຕົ້ນຕໍເພາະສິ່ງດັ່ງກ່າວບໍ່ແມ່ນຄວາມປາຖະໜາຂອງພວກເຮົາແຕ່ພັດຫ້າມມັນບໍ່ໄດ້ໃນຫຼາຍກໍລະນີແຕ່ສິ່ງທີ່ເຮັດໃຫ້ກໍຄືການກຽມພ້ອມຮັບມື ເພື່ອຫຼຸດຜ່ອນຜົນເສຍຫາຍທີ່ອາດຈະເກີດຂຶ້ນ.

ຜູ້ຂຽນຍັງຈື່ບໍ່ລືມວ່າເມື່ອປີຜ່ານມາປະຊາຊົນລາວທົ່ວປະເທດປະສົບໄພກັບທຳມະຊາດໂດຍສະເພາະໄພນໍ້າຖ້ວມຢ່າງໜັກເຊິ່ງສາມາດເຫັນການລາຍ ງານຂ່າວຢ່າງເນື່ອງນິດລຽນຕິດກ່ຽວກັບການຊ່ວຍເຫຼືອຜູ້ປະສົບໄພໂດຍສະ ເພາະເຫັນສັນເຂື່ອນອັດຕະປືແຕກເຊິ່ງເປັນເຫດ ການທີ່ຮ້າຍແຮງທີ່ສຸດ ແລະ ໃນກໍລະນີນີ້ ກໍໄດ້ແຕ່ພັນລະນາວ່າ ຢ່າໃຫ້ເກີດອີກເລີຍ ດັ່ງກະຊວງ ພະລັງງານແລະບໍ່ແຮ່ເພິ່ນຫາກໍອອກມາເນັ້ນຢໍ້າວ່າຈະບໍ່ໃຫ້ປະຫວັດສາດຊໍ້າ ຮອຍ.

ຕາມທັດສະນະຂອງນັກຄົ້ນຄວ້າຫຼາຍທ່ານກໍເວົ້າວ່າ ສປປລາວ ເປັນປະເທດໜຶ່ງທີ່ມີຄວາມສ່ຽງຕໍ່ກັບໄພທຳມະຊາດເຊິ່ງອາດເຮັດໃຫ້ມີຜົນ ເສຍຫາຍຫຼາຍເນື່ອງຈາກວ່າປະຊາຊົນສ່ວນໃຫຍ່ຂອງປະເທດຍັງອາໄສທຳມະຊາດໃນການດຳລົງຊີວິດເປັນຕົ້ນຕໍ,ຖ້າໄພແຫ້ງແລ້ງກໍບໍ່ສາມາດດຳເນີນການຜະລິດໄດ້ ເນື່ອງຈາກວ່າຫຼາຍເຂດກໍຍັງຂາດຊົນລະປະທານ, ຖ້ານໍ້າຖ້ວມກໍທຳລາຍຜົນລະປູກທີ່ປະຊາຊົນກາງຕໍ່ໃສ່ໃນການຄອງຊີບ ແລະການຟື້ນຟູກໍຍັງຊັກຊ້າເຊິ່ງເຮັດໃຫ້ເປັນສິ່ງທ້າທາຍໃນການຫຼຸກຜ່ອນ ຄວາມທຸກຍາກ.

ໃນຫຼາຍປີຜ່ານມາ ພວກເຮົາໄດ້ຮຽນຮູ້ດີວ່າປະຊາຊົນທີ່ໄດ້ຮັບຜົນກະທົບ ບໍ່ວ່າຈະເປັນໄພນໍ້າຖ້ວມ ຫຼື ແຫ້ງແລ້ງນັ້ນເຂົາເຈົ້າຍັງໄດ້ຮັບການ ຊ່ວຍເຫຼືອທີ່ຊັກຊ້າ, ບໍ່ພຽງພໍກັບຄວາມຕ້ອງການ ຫຼື ຮ້າຍແຮງໄປກວ່ານັ້ນ ກໍບໍ່ໄດ້ຮັບການຊ່ວຍເຫຼືອເລີຍຍົກຕົວຢ່າງບາງເຂດຂອງແຂວງສະຫວັນນະ ເຂດທີ່ຖືກນໍ້າຖ້ວມເມື່ອປີ 2018 ຜ່ານມາເຊິ່ງຖ້ວມເປັນເດືອນຫາສອງເດືອນ ເຊິ່ງຜູ້ຂຽນໄດ້ໄປເຫັນສະພາບທີ່ປະຊາຊົນພົບພໍ້ ຖືວ່າໜ້າສົງສານຫຼາຍ ເພາະຂາດການຊ່ວຍເຫຼືອທີ່ທັນການ ແລະ ພຽງພໍ.

ເພາະສະນັ້ນ, ຜູ້ຂຽນຄິດວ່າ ໄພພິບັດ ຫຼື ເຫດສຸກເສີນໃນລັກສະນະນີ້ ມັນມີໂອກາດ ເກີດຂຶ້ນທຸກປີ ໂດຍສະເພາະ ໃນຍາມຝົນຄືແນວນີ້, ບາງປີ ຖ້າມີລົມພາຍຸຫຼາຍໜ່ວຍພັດຜ່ານ ດັ່ງປີກາຍ ກໍຈະເຮັດໃຫ້ ໄພນໍ້າຖ້ວມ ທີ່ຮ້າຍແຮງຈະເກີດໄດ້ອີກຄັ້ງ.

ຈະປະເຊີນ ເຫດສຸກເສີນແນວໃດ? - lattana 1 - ຈະປະເຊີນ ເຫດສຸກເສີນແນວໃດ?
ຈະປະເຊີນ ເຫດສຸກເສີນແນວໃດ? - 22 - ຈະປະເຊີນ ເຫດສຸກເສີນແນວໃດ?

ເມື່ອເປັນເຊັ່ນນັ້ນພວກເຮົາມີຄວາມກຽມພ້ອມແນວໃດ? ເປັນນິມິດໝາຍທີ່ດີເມື່ອກົດໝາຍວ່າດ້ວຍການຄຸ້ມຄອງໄພພິບັດໄດ້ຮັບການຮັບຮອງເອົາ ໃນວາລະກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ VIII ຜ່ານມາ, ເຊິ່ງຈະກາຍເປັນເຄື່ອງມືສຳຄັນ ໃນການ ຄວບຄຸມ, ຄຸ້ມຄອງ ແລະ ຫຼຸດຜ່ອນ ຄວາມສ່ຽງໄພພິບັດ ໄດ້ດີຂຶ້ນ.

ຈະປະເຊີນ ເຫດສຸກເສີນແນວໃດ? - 33 - ຈະປະເຊີນ ເຫດສຸກເສີນແນວໃດ?

ແຕ່ຄຳຖາມທີ່ເປັນພື້ນຖານສຳລັບນິຕິກຳທຸກຢ່າງທີ່ພວກເຮົາໄດ້ຮັບຮອງ ເອົາກໍຄືເບື້ອງການຈັດຕັ້ງປະຕິບັດເມື່ອເຮົາມີນິຕິກຳແລ້ວກໍຍິ່ງຕ້ອງເພີ່ມທະວີການຈັດຕັ້ງປະຕິບັດໃຫ້ມີຜົນສັກສິດເພື່ອຮັບປະກັນ ຄວາມປອດໄພ ແລະ ຫຼຸດຜ່ອນຄວາມເສຍຫາຍຂອງປະຊາຊົນ.

ໃນທ່າມກາງ ໄພພິບັດທາງທຳມະຊາດທີ່ຄາດການວ່າຈະເກີດຖີ່ ແລະຮ້າຍແຮງຂຶ້ນໃນທົ່ວໂລກ ເນື່ອງຈາກການປ່ຽນແປງ ສະພາບດິນຟ້າອາກາດນັ້ນມີແຕ່ປະເທດທີ່ມີຄວາມອາດສາມາດຮັບມື ແລະຟື້ນຟູຢ່າງທັນການເທົ່ານັ້ນຈຶ່ງຈະເຮັດໃຫ້ການຫຼຸດຜ່ອນຄວາມທຸກຍາກ ຂອງປະຊາຊົນຄືບໜ້າໄປໄດ້.

error: Content is protected !!