ຫລາຍພາກສ່ວນລະດົມກໍາລັງເຂົ້າຟື້ນຟູຜົນເສຍຫາຍຈາກໄພນໍ້າຖ້ວມຢູ່ເມືອງນານ

- advert banner 728 90 728x90 - ຫລາຍພາກສ່ວນລະດົມກໍາລັງເຂົ້າຟື້ນຟູຜົນເສຍຫາຍຈາກໄພນໍ້າຖ້ວມຢູ່ເມືອງນານ

ແຫລ່ງຂ່າວທ້ອງຖິ່ນລາຍງານວ່າ: ກໍາລັງທະຫານ-ຕໍາຫລວດຫລາຍຮ້ອຍຄົນ ຈາກກອງບັນຊາການທະຫານ ແລະ ປກສ ເມືອງນານແຂວງຫລວງພະບາງ, ພ້ອມດ້ວຍອາສາສະໝັກຊາວໜຸ່ມເມືອງເປັນຈໍານວນຫລາຍໄດ້ສຸມກໍາລັງເຂົ້າຊ່ວຍສ້ອມແປງເຮືອນຊານປະຊາຊົນ, ເກັບມ້ຽນຂີ້ເຫຍື່ອ ແລະ ສິ່ງເສດເຫລືອຕ່າງໆ, ເຮັດອະນາໄມຖະໜົນຫົນທາງໃນຫລາຍບ້ານ ຄື: ນາຝາຍ, ປ່າໄຜ່, ສີມຸງຄຸນ, ສີບຸນເຮືອງ, ນາເລົາ, ໂພນຫີນ, ນາເຄີນ ແລະ ບ້ານທາດ ທີ່ໄດ້ຮັບຜົນກະທົບຈາກໄພນໍ້າຖ້ວມໃນວັນທີ 30 ກໍລະກົດຜ່ານມາ ແລະ ຈາກການເສຍຫາຍດັ່ງກ່າວແລ້ວ ຍັງມີເນື້ອທີ່ການຜະລິດ 50 ກວ່າເຮັກຕາ, ສັດລ້ຽງ, ຊົນລະປະທານເປ່ເພເສຍຫາຍ 5 ແຫ່ງ, ຂົວ 3 ແຫ່ງ, ເສົາໄຟຟ້າ ແລະ ລະບົບນໍ້າປະປາ, ເສັ້ນທາງຫລາຍສາຍໄດ້ຮັບຜົນເສຍຫາຍ ລວມມີມູນຄ່າກວ່າ 12 ຕື້ກີບ. ມາຮອດປັດຈຸບັນ, ໄດ້ມີຫລາຍພາກສ່ວນຮີບຮ້ອນນໍາເອົາເຄື່ອງບັນເທົາທຸກຕ່າງໆໄປຊ່ວຍເຫລືອຜູ້ປະສົບໄພໄດ້ຢ່າງວ່ອງໄວ ເຊັ່ນ: ຫ້ອງການປົກຄອງແຂວງຫລວງພະບາງໄດ້ນໍາເອົາເຄື່ອງອຸປະໂພກ-ບໍລິໂພກ ແລະ ເຄື່ອງຮັບໃຊ້ທີ່ຈໍາເປັນຈໍານວນໜຶ່ງໄປຊ່ວຍເບື້ອງຕົ້ນແລ້ວ ແລະ ອົງການປົກຄອງເມືອງ ແລະ ແຂວງໄຊຍະບູລີ ໄດ້ນໍາເອົາເງິນສົດ 5 ລ້ານກີບ, ນ້ຳດື່ມ ແລະ ໝີ່ສຳເລັດຮູບຈໍານວນໜຶ່ງ, ພ້ອມນັ້ນຍັງມີບັນດາຫົວໜ່ວຍທຸລະກິດຕ່າງໆພາຍໃນແຂວງໄດ້ບໍລິຈາກວັດຖຸສິ່ງຂອງຕ່າງໆເພື່ອຊ່ວຍເຫລືອຜູ້ປະສົບໄພດັ່ງກ່າວ ເພື່ອແບ່ງເບົາຄວາມເສຍຫາຍຄັ້ງນີ້ໄດ້ທັນເວລາ.  

- 1 1 - ຫລາຍພາກສ່ວນລະດົມກໍາລັງເຂົ້າຟື້ນຟູຜົນເສຍຫາຍຈາກໄພນໍ້າຖ້ວມຢູ່ເມືອງນານ
- Tiger Head 728x90 - ຫລາຍພາກສ່ວນລະດົມກໍາລັງເຂົ້າຟື້ນຟູຜົນເສຍຫາຍຈາກໄພນໍ້າຖ້ວມຢູ່ເມືອງນານ
error: Content is protected !!