ລາວ ແລະ ທະນາຄານໂລກສົ່ງເສີມການນຳໃຊ້ເຕົາສະອາດໃນລາວ.

ລາວ ແລະ ທະນາຄານໂລກສົ່ງເສີມການນຳໃຊ້ເຕົາສະອາດໃນລາວ. - 1730 - ລາວ ແລະ ທະນາຄານໂລກສົ່ງເສີມການນຳໃຊ້ເຕົາສະອາດໃນລາວ.
ລາວ ແລະ ທະນາຄານໂລກສົ່ງເສີມການນຳໃຊ້ເຕົາສະອາດໃນລາວ. - Untitled design - ລາວ ແລະ ທະນາຄານໂລກສົ່ງເສີມການນຳໃຊ້ເຕົາສະອາດໃນລາວ.

ພິທີລົງນາມສັນຍາຮ່ວມມືສົ່ງເສີມການນຳໃຊ້ເຕົາສະອາດໃນ ສປປ ລາວ ເພື່ອຫລຸດຜ່ອນມົນລະພິດໄດ້ມີຂຶ້ນໃນວັນທີ1 ສິງຫານີ້ຢູ່ນະຄອນຫລວງວຽງຈັນລະຫວ່າງທ່ານ ສີນາວາ ສຸພານຸວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານ Nicola PONTARA ຜູ້ປະຈຳການທະນາຄານໂລກປະຈຳລາວ.

  ທ່ານ ສີນາວາ ສຸພານຸວົງ ກ່າວວ່າ: ການຮ່ວມມືດັ່ງກ່າວ​ ເປັນການລິເລີ່ມທີ່ມີຄວາມໝາຍອັນສຳຄັນ ແລະ ເປັນໂຄງການທຳອິດທີ່ບໍ່ເຄີຍຈັດຕັ້ງປະຕິບັດມາກ່ອນໃນ ສປປ ລາວ ທີ່ໄດ້ມີການຊື້-ຂາຍ ການຫລຸດຜ່ອນມົນລະພິດ ແລະ ເຊື້ອໝັ້ນວ່າໂຄງການນີ້ຈະເປັນໂຄງການຕົວແບບສຳລັບໂຄງການອື່ນໆໃນອານາຄົດ, ທີ່ຈະຫລຸດຜ່ອນຜົນກະທົບ ຕໍ່ສິ່ງແວດລ້ອມ-ສັງຄົມ ເພື່ອໃຫ້ບັນລຸເປົ້າໝາຍ ການເຕີບໂຕສີຂຽວ, ຢືນຢົງ ແລະ ເປັນມິດຕໍ່ສິ່ງແວດລ້ອມ.

    ກະຊວງພະລັງງານ ແລະ ບໍ່ແຮ່ ໄດ້ຮັບໂຄງການຊ່ວຍເຫລືອລ້າທາງດ້ານເຕັກນິກ ຈາກທະ ນາຄານໂລກ, ເຊິ່ງໄດ້ລິເລີ່ມຈັດຕັ້ງປະຕິບັດໂຄງການ ສົ່ງເສີມການຜະລິດ, ນຳໃຊ້ເຕົາປະຢັດ ແລະ ສະອາດ ຕັ້ງແຕ່ປີ 2012 ໂດຍມີຈຸດປະສົງ ເພື່ອປັບປຸງການຊົມໃຊ້ພະລັງງານໃນຄົວເຮືອນ ໃຫ້ມີປະສິດທິພາບ ດ້ວຍການຫັນປ່ຽນຈາກການນຳໃຊ້ເຕົາທຳມະດາ ທີ່ນຳໃຊ້ຖ່ານ ແລະ ໄມ້ຟືນທົ່ວໄປ ທີ່ສິ້ນເປືອງພະລັງງານຫລາຍ ຫັນມາໃຊ້ເຕົາສະອາດ ທີ່ນຳໃຊ້ເຊື້ອໄຟຊີວະມວນອັດແໜ້ນແທນ ເພື່ອຫລຸດຜ່ອນຜົນກະທົບ ຕໍ່ສິ່ງແວດລ້ອມ-ສັງຄົມ, ໂດຍສະເພາະ ຫລຸດຜ່ອນຄວາມສ່ຽງຕໍ່ ສຸຂະພາບແມ່ຍິງ ແລະ ເດັກນ້ອຍ, ຫລຸດຜ່ອນເວລາ, ຄ່າໃຊ້ຈ່າຍ, ອາຍພິດເຮືອນແກ້ວ ແລະ ຫລຸດຜ່ອນຝຸນລະອອງຂະໜາດນ້ອຍ (PM2,5)  ຈາກການແຕ່ງຢູ່ຄົວກິນປະຈໍາວັນ, ຊຶ່ງປັດຈຸບັນມີຢູ່ 11 ເມືອງຂອງ 3 ແຂວງເປົ້າໝາຍ ຄື: ນະຄອນຫລວງວຽງຈັນ, ແຂວງສະຫວັນນະເຂດ ແລະ ແຂວງຈຳປາສັກ, ເຊິ່ງລັດຖະບານ ຈະໄດ້ຮັບຜົນປະໂຫຍດຈາກໂຄງການ ຄື: ສ້າງໂອກາດໃນການເຂົ້າເຖິງແຫລງທຶນ ຈາກການຊື້-ຂາຍ ການຫລຸດຜ່ອນມົນລະພິດ, ລາຍຮັບ ຈາກການເກັບພາສີ-ອາກອນ, ສ້າງຂີດຄວາມສາມາດ ໃຫ້ພະນັກງານ-ລັດຖະກອນ, ຫລຸດຜ່ອນຜົນກະທົບ ຕໍ່ສິ່ງແວດລ້ອມ ແລະ ສັງຄົມ.

ລາວ ແລະ ທະນາຄານໂລກສົ່ງເສີມການນຳໃຊ້ເຕົາສະອາດໃນລາວ. - Wave100S AD to Website 2020 0 - ລາວ ແລະ ທະນາຄານໂລກສົ່ງເສີມການນຳໃຊ້ເຕົາສະອາດໃນລາວ.
ລາວ ແລະ ທະນາຄານໂລກສົ່ງເສີມການນຳໃຊ້ເຕົາສະອາດໃນລາວ. - WhatsApp Image 2020 05 27 at 5 - ລາວ ແລະ ທະນາຄານໂລກສົ່ງເສີມການນຳໃຊ້ເຕົາສະອາດໃນລາວ.
ລາວ ແລະ ທະນາຄານໂລກສົ່ງເສີມການນຳໃຊ້ເຕົາສະອາດໃນລາວ. - WhatsApp Image 2020 05 27 at 5 - ລາວ ແລະ ທະນາຄານໂລກສົ່ງເສີມການນຳໃຊ້ເຕົາສະອາດໃນລາວ.
error: Alert: ເນື້ອຫາຂ່າວມີລິຂະສິດ !!