ເວົ້າໃນສິ່ງທີ່ເຮັດ ເຮັດໃນສິ່ງທີ່ເວົ້າ

ເວົ້າໃນສິ່ງທີ່ເຮັດ ເຮັດໃນສິ່ງທີ່ເວົ້າ - advert banner 728 90 728x90 - ເວົ້າໃນສິ່ງທີ່ເຮັດ ເຮັດໃນສິ່ງທີ່ເວົ້າ

ໂດຍ: ຈ. ຈຳ​ນຽນ​ການ

ເວົ້າໃນສິ່ງທີ່ເຮັດ ເຮັດໃນສິ່ງທີ່ເວົ້າ - new3 - ເວົ້າໃນສິ່ງທີ່ເຮັດ ເຮັດໃນສິ່ງທີ່ເວົ້າ
ເວົ້າໃນສິ່ງທີ່ເຮັດ ເຮັດໃນສິ່ງທີ່ເວົ້າ - 3578 - ເວົ້າໃນສິ່ງທີ່ເຮັດ ເຮັດໃນສິ່ງທີ່ເວົ້າ

ສະບາຍດີ, ເພື່ອນຜູ້ອ່ານ ທີ່ຮັກແພງ, ເນື່ອງໃນໂອກາດ ວັນທີ 13 ວັນເກີດຂອງ ທ່ານ ປະທານ ສຸພານຸວົງ ຄົບຮອບ 110 ປີ (13/7/1909-13/7/2019), ຂ້າພະເຈົ້າ ຮ່ວມກັບປວງຊົນລາວທັງ ຊາດ ຂໍສະແດງຄວາມຮູ້ບຸນ ຄຸນອັນໃຫຍ່ຫລວງຂອງ ທ່ານ ປະທານທີ່ມີຕໍ່ປະເທດຊາດ ແລະ ມີຕໍ່ປະຊາຊົນລາວບັນ ດາເຜົ່າ.

ຜົນງານ ແລະ ຄຸນງາມ ຄວາມດີຂອງເພິ່ນຕະຫລອດ ໄລຍະເຮັດການປະຕິວັດ ປົດ ປ່ອຍຊາດຕ້ານກັບພວກລ່າ ເມືອງຂຶ້ນແບບເກົ່າ ແລະ ໃໝ່ ກໍຄືໃນໄລຍະເຮັດພາລະກິດ ປົກປັກຮັກສາ ແລະ ສ້າງສາ  ພັດທະນາປະເທດຊາດ.

ແນວຄິດ ອຸດົມການ, ຄຸນ ສົມບັດທີ່ດີ ແລະ ພຶດຕິກຳທີ່ ຊົງຄຸນຄ່າແຫ່ງຄວາມເປັນ ແບບຢ່າງໃຫ້ພະນັກງານ, ທະຫານ, ຕຳຫລວດ ແລະ ປະຊາຊົນລາວບັນດາເຜົ່າ.

ເຖິງວ່າເພິ່ນໄດ້ຈາກ ພວກເຮົາໄປ, ແຕ່ຜົນງານ ແລະ ຄຸນງາມຄວາມດີຂອງ ເພ່ິນຍັງຄົງຢູ່ນຳຊາດລາວ ແລະ ຄົນລາວບັນດາເຜົ່າໄປ ຕະຫລອດກາລະນານ. ບັນດາ ຄຳສັ່ງສອນຂອງເພິ່ນທີ່ມີຕໍ່ ພະນັກງານ, ນັກຮົບ ແລະ ປວງຊົນແມ່ນມີຫລາຍ…,     ແຕ່ມື້ນີ້ຂ້າພະເຈົ້າຂໍຍົກເອົາ ບາງຄວາມເວົ້າຂອງເພ່ິນມາ ອະພິປາຍຂະຫຍາຍຄວາມ ເພື່ອພ້ອມກັນຮັບຮູ້ ແລະ ເຂົ້າ ໃຈແຈ້ງຕື່ມ, ນັ້ນກໍຄື: “… ເວົ້າໃນສິ່ງທີ່ເຮັດເຮັດໃນສິ່ງເວົ້າ…” .

ຄວາມເວົ້າຂອງຄົນເຮົານີ້ເປັນສິ່ງສຳຄັນທີ່ສຸດ, ເປັນເຄື່ອງມືສື່ສານລະຫວ່າງຄົນກັບຄົນ, ເປັນການລະບາຍ ຄວາມຄິດ ແລະ ຈິດໃຈອອກໃຫ້ຜູ້ອື່ນໄດ້ຮູ້ຈັກ ແລະ ເຂົ້າ ໃຈ. ຄວາມເວົ້າອາດຈະຈັດເປັນ 3 ຄຸນລັກສະນະຄື: ເວົ້າ ປາກເປົ່າ, ເວົ້າຜ່ານເຄື່ອງເອເລັກໂທຣນິກ ແລະ ເວົ້າເປັນລາຍລັກອັກສອນ.

ເວົ້າໃນສິ່ງທີ່ເຮັດ ເຮັດໃນສິ່ງທີ່ເວົ້າ - lattana 1 - ເວົ້າໃນສິ່ງທີ່ເຮັດ ເຮັດໃນສິ່ງທີ່ເວົ້າ

ເນື່ອງຈາກວ່າຄວາມເວົ້າຂອງຄົນເຮົາສຳຄັນຫລາຍ ແລະ ມີຜົນຕໍ່ແນວຄິດຈິດໃຈ ແລະ ໃນການກະທຳ,  ດັ່ງນັ້ນ, ຄົນລາວເຮົາແຕ່ໃດໆ ມາພວກເພິ່ນຈຶ່ງມີຄວາມເວົ້າທີ່ເປັນຄະຕິເຕືອນໃຈໃຫ້ແກ່ຄົນລຸ້ນຫລັງ; ເຊິ່ງບັນດາ ຄວາມເວົ້າເຫລົ້ານັ້ນກໍຄື:  (ຢູ່ຄົນດຽວໃຫ້ລະວັງແນວຄິດ ຢູ່ຮ່ວມມິດໃຫ້ລະວັງວາຈາ), (ເວົ້າຄວາມດີມີສີແກ່ຕົວເວົ້າຄວາມຊົ່ວພາໃຫ້ຕົວໝົ່ນໝອງ), (ກົບຕາຍຍ້ອນປາກຄັນຄາກຕາຍ ຍ້ອນສຽງ), (ຄົນໂງ່ເອົາໃຈໄວ້ ທີ່ປາກຄົນສະຫລາດແມ່ນເອົາປາກໄວ້ຢູ່ໃນໃຈ), (ມືຖື ສາກປາກຖືສິນ),… 

ຍ້ອນຄວາມເວົ້າດ້ວຍ ປາກ ແລະ ຄວາມເວົ້າທີ່ເປັນ ລາຍລັກອັກສອນມີຄວາມສຳຄັນຄືແນວນັ້ນ,  ມັນຈຶ່ງ ເປັນຄະຕິເຕືອນໃຈໃຫ້ທຸກຄົນຕ້ອງໄດ້ຈົດຈຳໃສ່ໃຈ ຢູ່ ສະເໝີວ່າ: ກ່ອນຈະເວົ້າຫຍັງ ອອກມາ ແລະ ຂຽນຫຍັງລົງໄປກໍຕ້ອງໄດ້ຄິດໃຫ້ດີວິເຄາະໃຫ້ລະອຽດເລິກເຊິ່ງ ກ່ອນແລ້ວຈຶ່ງເວົ້າອອກໄປ ແລະ ຂຽນເປັນແນວທາງ, ນະໂຍບາຍ, ລະບຽບ, ກົດ ໝາຍ, ໂຄງການ… ສຳລັບຜູ້ ເປັນການນຳແລ້ວກໍຍິ່ງຕ້ອງໄດ້ເອົາໃຈໃສ່ເປັນພິເສດ, ເພາະວ່າຜູ້ນຳມີສອງດ້ານຄື: ບົດບາດເປັນຜູ້ນຳ ແລະ ບົດບາດໃຫ້ ຄົນອື່ນເຮັດຕາມ,  ສິ່ງທີ່ຜູ້ເປັນການນຳທັງຫລາຍ ບໍ່ຄວນເຮັດກໍຄື: ເວົ້າແບບຂາດຄວາມຮັບຜິດຊອບ, ບໍ່ຄິດກ່ອນແລ້ວຈຶ່ງ ຄ່ອຍເວົ້າ, ເວົ້າຫລາຍແຕ່ ເຮັດໜ້ອຍ, ຄວາມເວົ້າກັບ ການກະທຳບໍ່ໄປທິດທາງດຽວກັນ, ມີແຕ່ເວົ້າ ບໍ່ລົງມືເຮັດ ຫລື ມີແຕ່ພາກັນຮ້ອງຄຳຂວັນສູ່ກັນຟັງຊື່ໆ…

ສະນັ້ນ “ເວົ້າໃນສິ່ງທີ່ເຮັດ ແລະ ເຮັດໃນສິ່ງທີ່ເວົ້າ” ແມ່ນດີທີ່ສຸດ./.

error: Content is protected !!