ເອົາເສັ້ນທາງ ພວກເຮົາຄືນມາ

ເອົາເສັ້ນທາງ ພວກເຮົາຄືນມາ - advert banner 728 90 728x90 - ເອົາເສັ້ນທາງ ພວກເຮົາຄືນມາ

ໂດຍ: ມຶກບໍ່ແຫ້ງ

ເອົາເສັ້ນທາງ ພວກເຮົາຄືນມາ - new3 - ເອົາເສັ້ນທາງ ພວກເຮົາຄືນມາ

ຖະໜົນຫົນທາງ ແມ່ນປັດໄຈພື້ນຖານກວ່າໝູ່ໃນການໄປມາຫາສູ່ກັນ ແຕ່ຜູ້ຂຽນສັງເກດເຫັນວ່າຫຼາຍຕົວເມືອງໃນປະເທດ ໂດຍສະເພາະນະຄອນ ຫຼວງວຽງຈັນ ເສັ້ນທາງທີ່ດີ, ມີຄວາມກວ້າງຂວາງນັ້ນພັດເຮັດໜ້າທີ່ອື່ນນຳ ນອກຈາກໃຫ້ລົດແລ່ນ.

ພວກເຮົາກຳລັງປະສົບພົບພໍ້ບັນຫາ ການຍາດແຍ່ງນຳໃຊ້ເສັ້ນ ທາງຢ່າງໜ້າຕົກໃຈ, ເພາະວ່າດຽວນີ້ກໍຄືຫຼາຍປີຜ່ານມາເສັ້ນທາງຕາມຕົວ ເມືອງແທນທີ່ຈະຖືກນຳໃຊ້ເພື່ອໃຫ້ລົດແລ່ນຢ່າງເຕັມສ່ວນແຕ່ເສັ້ນທາງເຫຼົ່ານັ້ນມີ ເນື້ອທີ່ຈຳນວນຫຼາຍໄດ້ໃຊ້ເປັນບ່ອນຝາກລົດ/ຈອດລົດສ່ວນບຸກຄົນ, ໃຊ້ເປັນບ່ອນຂາຍເຄື່ອງຂອງແມ່ຄ້າຊາວຂາຍ, ໃຊ້ເປັນບ່ອນຈັດງານດອງ ແລະງານອື່ນໆທີ່ເບິ່ງຄືວ່າເສັ້ນທາງພວກເຮົາໄດ້ເຮັດຫຼາຍໜ້າທີ່ແທ້ໆ.

ຄວາມຈິງແລ້ວ ຫຼາຍຄົນກໍເຫັນດີນຳວ່າຊູ່ມື້ນີ້ ຈຳນວນພາຫະນະເພີ່ມ ຂຶ້ນທຸກມື້ ເຊິ່ງສະແດງໃຫ້ເຫັນວ່າອັດຕາການເພີ່ມຂຶ້ນຂອງມັນ ແມ່ນໄວກວ່າການຂະຫຍາຍເສັ້ນທາງ ເພາະວ່າເສັ້ນທາງ ແມ່ນໃຊ້ງົບປະ ມານຢ່າງມະຫາສານໃນການກໍ່ສ້າງ ແລະ ສ້ອມແປງ, ຫຼາຍເສັ້ນທາງທີ່ໄດ້ ຮັບການກໍ່ສ້າງແມ່ນມີມູນຄ່າສູງກວ່າຄວາມເປັນຈິງ ເພາະສະນັ້ນ ລັດຖະ ບານຈຶ່ງໄດ້ມີການກວດສອບຄືນໃໝ່ ກ່ຽວກັບການສ້າງເສັ້ນທາງ ໃຫ້ມີລາ ຄາທີ່ເໝາະສົມ ເຮົາຈຶ່ງຈະໄດ້ ມີທາງດີ ຫຼາຍເສັ້ນຂຶ້ນຕື່ມ.

ໃນສະພາບປະເທດພວກເຮົາກຳລັງພັດທະນາ, ເງິນທີ່ຫາມາໄດ້ແມ່ນມີ ລາຍຈ່າຍຫຼາຍຢ່າງ, ນອກນັ້ນຍັງຮົ່ວໄຫຼໄປນໍາ “ຄວາມໂລບ” ຂອງບາງ ກຸ່ມຄົນກໍບໍ່ໜ້ອຍ, ເພາະສະນັ້ນຈຳນວນເງິນທີ່ຈະຕົກມາໃສ່ບ້ວງການກໍ່ສ້າງ ເສັ້ນທາງຂອງພວກເຮົາກໍບໍ່ຫຼາຍ, ຈຶ່ງເປັນເຫດຜົນວ່າ ຫຼາຍເສັ້ນທາງຍັງບໍ່ ໄດ້ປູຢາງ, ທາງບໍ່ໄປຮອດ ກໍຍັງມີຫຼາຍເຂດຫຼາຍບ້ານ.

ເອົາເສັ້ນທາງ ພວກເຮົາຄືນມາ - lattana 1 - ເອົາເສັ້ນທາງ ພວກເຮົາຄືນມາ

ແຕ່ຢູ່ໃນເມືອງຄືນະຄອນຫຼວງວຽງຈັນມີເສັ້ນທາງທີ່ດີ ແຕ່ບໍ່ໄດ້ຮັບໃຊ້ ລົດແລ່ນຢ່າງເຕັມສ່ວນ ດັ່ງເຫດຜົນທີ່ກ່າວມາ, ເມື່ອຮອດມື້ເຮັດວຽກ ໂດຍສະເພາະຕອນເຊົ້າ ແລະ ຕອນແລງ ເກີດມີການຈາລະຈອນຕິດຂັດ ເຊິ່ງແນ່ນອນ ເຫດຜົນອັນໜຶ່ງກໍແມ່ນ ຈຳນວນລົດຫຼາຍຂຶ້ນ ແຕ່ສິ່ງທີ່ໜ້າເສົ້າ ກໍຄືລົດຕິດຍ້ອນພິດຄວາມບໍ່ເກງໃຈ, ຄວາມບໍ່ເປັນລະບຽບຮຽບຮ້ອຍທີ່ພວກ ເຮົາຍັງບໍ່ສາມາດແກ້ໄຂໄດ້.

ຫຼາຍຄົນທີ່ໄດ້ທຽວເສັ້ນທາງ ແຕ່ທາດຫຼວງຫາຫົວຂົວກໍຮູ້ດີວ່າ ການຈະ ລາຈອນ ຕິດຂັດກວ່າຫຼາຍຈຸດໃນນະຄອນຫຼວງວຽງຈັນ ໂດຍສະເພາະ ແມ່ນມື້ເຮັດວຽກ, ຜູ້ຂຽນກໍທຽວເສັ້ນນີ້ມາຫຼາຍປີ ສາມາດສັງເກດເຫັນວ່າ ທາງເສັ້ນນີ້ລົດທຽວຫຼາຍ ແລະ ມີທາງຄົບຫຼາຍຈຸດ ແຕ່ອີກເຫດຜົນໜຶ່ງກໍຄື ການຂາຍເຄື່ອງຕາມແຄມທາງນັ້ນມີຢັ່ງຢາຍຂາຍມາຮອດ ຂອບເສັ້ນທາງ ຍ່າງ, ເພາະເຫດນັ້ນ ເມື່ອລົດມາຈອດຊື້ສິນຄ້າໃນຍາມລົດຫຼາຍກໍ ຍິ່ງເພີ່ມການຕິດຂັດເຂົ້າໄປອີກ. ບາງຍ່ານມີລົດບັນທຸກໃຫຍ່ເຂົ້າ-ອອກ ຕະຫຼອດ, ຈອດແຄມທາງສ້າງຄວາມແອອັດຂຶ້ນອີກ.

ເມື່ອເວົ້າໄປແລ້ວປະຊາຊົນໄດ້ເອົາແຄມເສັ້ນທາງເປັນຕະຫຼາດສົດໄປ ເລີຍ ມີທັງຂາຍປາ, ເຄື່ອງຂອງສົດຕ່າງໆທີ່ຜູ້ຄົນສົນໃຈຫຼາຍລົດກໍຕິດ ຫຼາຍ, ລົດຂາຍໝາກໄມ້ທີ່ຈອດລຽນກັນກວມເອົາ 1 ເລນ ຂອງເສັ້ນທາງໄປ ເລີຍເຮັດໃຫ້ເສັ້ນທາງດີ ທີ່ກວ້າງຂວາງນັ້ນຄັບແຄບລົງຕື່ມ, ມາຮອດຕະ ຫຼາດຫົວຂົວເກືອບວ່າ 1/3 ຂອງເສັ້ນທາງ ແມ່ນເປັນບ່ອນຝາກລົດຂອງຜູ້ ຄົນທີ່ມາຕະຫຼາດດັ່ງກ່າວ, ສະພາບຄືແນວນີ້ຍັງເຫັນໄດ້ຢູ່ຕະຫຼາດຫຼາຍແຫ່ງ ໃນນະຄອນຫຼວງວຽງຈັນ ເປັນອັນຫຍຸ້ງເຫຍີງ ເບິ່ງບໍ່ງາມແທ້ໆ.

ຜູ້ຂຽນເຊື່ອວ່າບັນຫານີ້ແມ່ນເປັນທີ່ຮັບຮູ້ຂອງເຈົ້າໜ້າທີ່ທີ່ກ່ຽວຂ້ອງ ແລ້ວ ແລະ ໄດ້ແຕ່ຫວັງວ່າ ເພິ່ນຈະພະຍາຍາມໃນການແກ້ໄຂໃຫ້ເສັ້ນທາງ ໄດ້ຫາຍໃຈໂລ່ງແດ່, ຊ່ວຍໃຫ້ການສັນຈອນສະດວກຂຶ້ນ, ຫຼຸດຜ່ອນການ ເກີດອຸປະຕິເຫດ ແລະ ສ້າງຄວາມຈົບງາມໄປນຳ.

error: Content is protected !!