ເປີດແລ້ວ ລົດໄຟຂົນສົ່ງສິນຄ້າຜ່ານຂົວມິດຕະພາບລາວ-ໄທແຫ່ງທີ1

- advert banner 728 90 728x90 - ເປີດແລ້ວ ລົດໄຟຂົນສົ່ງສິນຄ້າຜ່ານຂົວມິດຕະພາບລາວ-ໄທແຫ່ງທີ1

ພິທີເປີດຂະບວນແລ່ນລົດໄຟຂົນສົ່ງສິນຄ້າຜ່ານແດນຂ້າມຂົວມິດຕະພາບລາວ-ໄທແຫ່ງທີ 1 ລະຫວ່າງນະຄອນຫລວງວຽງຈັນ-ຫນອງຄາຍໄດ້ມີຂຶ້ນໃນວັນທີ 1 ສິງຫານີ້,ໂດຍການເຂົ້າຮ່ວມຂອງທ່ານວຽງສະຫວັດ ສີພັນດອນ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ ແລະ ທ່ານກຽດຕິຄຸນ ຊາດປະເສີດ ເອກອັກຄະລາຊະທູດຣາຊະອານາຈັກໄທປະຈໍາລາວ.

ຫົວຫນ້າກົມທາງລົດໄຟກະຊວງໂຍທາທິການ ແລະ ຂົນສົ່ງ ກ່າວວ່າ: ໂຄງການເຊື່ອມຕໍ່ທາງລົດໄຟລາວ-ໄທ ໄລຍະທີ1 ໄດ້ຮັບເງິນກູ້ຢືມ ແລະ ຊ່ວຍເຫລືອລ້າຈາກອົງການເນດາປະເທດໄທ ໃນມູນຄ່າ 197ລ້ານບາດ, ເຊິ່ງໄດ້ສໍາເລັດການກໍ່ສ້າງໃນທ້າຍປີ 2008 ຜ່ານມາ ແລະ ໄດ້ເປີດການນໍາໃຊ້ເມື່ອຕົ້ນປີ 2009 ແລະ ມີຄວາມຍາວ 3,5 ກິໂລແມັດ,ໂດຍປະຕິບັດຕາມສັນຍາຮ່ວມແລ່ນລົດໄຟລະຫວ່າງລັດຖະບານລາວ ແລະ ຣາຊະອານາຈັກໄທທີ່ໄດ້ຕົກລົງກັນໃນວັນທີ 30 ມີນາ 2008, ໂດຍເບື້ອງຕົ້ນໄດ້ດໍາເນີນການບໍລິການແລ່ນລົດໄຟຂົ່ນສົ່ງໂດຍສານແຕ່ສະຖານີທ່ານາແລ້ງຫາສະຖານີຫນອງຄາຍມີຄວາມຍາວ6 ກິໂລແມັດ, ມີຜູ້ໂດຍສານນໍາໃຊ້ບໍລິການສະເລ່ຍ 35 ພັນຄົນຕໍ່ປີ ແລະ ມີ 2 ຖ້ຽວຕໍ່ມື້, ການຂົນສົ່ງທີ່ເປັນທາງເລືອກຫນຶ່ງໃຫ້ປະຊາຊົນສອງຟາກຝັ່ງແລະ ນັກທ່ອງທ່ຽວໄປ-ມາໄດ້ສະດວກດີຂຶ້ນ.

- Tiger Head 728x90 - ເປີດແລ້ວ ລົດໄຟຂົນສົ່ງສິນຄ້າຜ່ານຂົວມິດຕະພາບລາວ-ໄທແຫ່ງທີ1
- 1 1 - ເປີດແລ້ວ ລົດໄຟຂົນສົ່ງສິນຄ້າຜ່ານຂົວມິດຕະພາບລາວ-ໄທແຫ່ງທີ1

ຕໍ່ມາໃນເດືອນມິຖຸນາ 2012 ລາວໄດ້ເຊັນສັນຍາກູ້ຢືມ ແລະ ຮັບການຊ່ວຍເຫລືອຈາກອົງການນິດາ ເພື່ອສືບຕໍ່ໂຄງການກໍ່ສ້າງທາງລົດໄຟລາວ-ໄທ ໄລຍະ 2 ໃນມູນຄ່າທັງຫມົດ 1.650 ລ້ານບາດໃນນັ້ນມີບ້ວງເງິນກູ້ຢືມ 70%ແລະ ຊ່ວຍເຫລືອລ້າ 30% ຊຶ່ງໄດ້ແບ່ງອອກເປັນສອງໄລຍະຄື: ໄລຍະທີ 1 ໄດ້ຈັດຕັ້ງປະຕິບັດການກໍ່ສ້າງມາແລ້ວແຕ່ເດືອນມີນາ 2013 ແລະ ສໍາເລັດໃນເດືອນກັນຍາ 2015ປະກອບມີລານຕູ້ສິນຄ້າ CY,ຫ້ອງການສາງໃນຮົ່ມ, ລະບົບໂທລະຄົມ ແລະ ສິ່ງອໍານວຍຄວາມສະດວກຕ່າງໆໃນມູນຄ່າ 655 ລ້ານບາດ, ສ່ວນໄລຍະທີ 2 ແມ່ນຈະສືບຕໍ່ກໍ່ສ້າງທາງລົດໄຟແຕ່ທ່ານາແລ້ງຫາສະຖານີນະຄອນຫລວງວຽງຈັນ (ບ້ານຄໍາສະຫວາດເມືອງໄຊເສດຖາ) ຍາວ 7,5 ກິໂລແມັດ, ເຊິ່ງຈະເລີ່ມກໍ່ສ້າງໃນເດືອນຕຸລາ 2019 ນີ້ ແລະຄາດວ່າຈະໃຫ້ສໍາເລັດໃນເດືອນທັນວາ 2021.

error: Content is protected !!