ເຄົາລົບນັບຖືປະທານສຸພານຸວົງ ຈົ່ງຕາມຮອຍເພິ່ນ

- advert banner 728 90 728x90 - ເຄົາລົບນັບຖືປະທານສຸພານຸວົງ ຈົ່ງຕາມຮອຍເພິ່ນ

 ​ໂດຍ: ທິດ​ກ່ຳ

- 2547 - ເຄົາລົບນັບຖືປະທານສຸພານຸວົງ ຈົ່ງຕາມຮອຍເພິ່ນ

ໃນໂອກາດວັນເກີດຂອງທ່ານ ປະທານ ສຸພານຸວົງ ຄົບຮອບ 110 ປີ ພວກເຮົາຄົນລາວ ທົ່ວທຸກຖ້ວນໜ້າຕ່າງ ກໍໄດ້ສະດຸດີເຖິງຄຸນງາມຄວາມດີຂອງເພິ່ນທີ່ມີຕໍ່ຊາດບ້ານເມືອງດ້ວຍການໂຄສະນາ ອອກຂ່າວຄາວເກືອບທຸກສື່ໃນລາວ.

ນອກຈາກນັ້ນ, ບາງພາກສ່ວນຂະແໜງການກໍຈັດກິດຈະກຳຕ່າງໆຂຶ້ນເຊັ່ນ: ປະຖະກະຖາ ແລະ ການນຳເຮົາກໍ ໄດ້ເຮັດບຸນສິນກິນທານເພື່ອອຸທິດສ່ວນບຸນກຸສົນ ສົ່ງໄປ ຍັງເພິ່ນຕາມຄວາມເຊື່ອທີ່  ເຄີຍປະຕິບັດມາແຕ່ສະໄໝ ພຸດທະການ.

ໃນຄວາມເປັນຈິງແລ້ວ, ບັນດາທ່ານຜູ້ນຳໂດຍສະເພາະໃນກົມການເມືອງຊຸດ ທຳອິດຂອງລາວເຮົາ, ທິດກ່ຳ ໄດ້ສຳພັດໃກ້ຊິດທຸກ ທ່ານ ທັງເຫັນໜ້າເຫັນຕາ, ຮູ້ນິດໃສໃຈຄໍ ເຊິ່ງແຕ່ລະທ່ານ ລ້ວນ ແຕ່ເປັນຜູ້ນຳທີ່ແສນເຄົາລົບຮັກ ແລະ ມີຄວາມໂດດເດັ່ນໝົດທຸກທ່ານ.

ສຳລັບໃນຄໍລຳມື້ນີ້, ທິດກ່ຳຂໍເວົ້າສະເພາະເຈາະຈົງ ແຕ່ ທ່ານປະທານ ສຸພານຸວົງເພາະວ່າເປັນໂອກາດລະນຶກວັນເກີດຂອງເພິ່ນ ວັນທີ 13 ກໍລະກົດ (13/7/1909-13/7/2019) ທີ່ຜ່ານມາ ໝາດໆນີ້ເອງ.

ເວົ້າໄດ້ວ່າ ປະທານ ສຸພານຸວົງ  ເປັນຜູ້ນຳທີ່ມີຄວາມລຳບາກກາກກຳກວ່າໝູ່ໃນບັນດາທ່ານຜູ້ນຳການປະຕິວັດລາວ, ອັນສາ ເຫດກໍຍ້ອນວ່າໃນຊ່ວງເຮັດ ການຕໍ່ສູ້ປະຕິວັດເພິ່ນໄດ້ ໜີຜ່າຍໄປລີ້ໄພການເມືອງ ຢູ່ຕ່າງປະເທດ, ຍ່າງຫລາຍ ພັນໂຍດ, ບໍ່ຈັກວ່າຖືກບາດ ເຈັບລອດຕາຍ, ຖືກຈັບກຸມ ຄຸມຂັງ ແລະ ທັງໄດ້ປະເຊີນ ໜ້າກັບຝ່າຍກົງກັນຂ້າມໃນການເຈລະຈາແຕ່ລະ ຮອບເພື່ອສ້າງຄວາມຖືກ ຕ້ອງປອງດອງຊາດໃນແຕ່ ລະຄັ້ງກ່ອນຈະໄດ້ຮັບໄຊຊະນະມາເປັນ ສປປ ລາວ  ດັ່ງທຸກວັນນີ້.

ສິ່ງທີ່ໂດດເດັ່ນເປັນຄຸນສົມບັດ, ຄຸນນະທຳປະຈຳຕົວ ຂອງທ່ານ ປະທານ ສຸພານຸວົງ ທີ່ພວກເຮົາຄວນຮັບຮູ້, ຮ່ຳຮຽນ ແລະ ຢຶດຖືເອົາມາ ເປັນແບບຢ່າງເດີນຕາມຮອຍຂອງເພິ່ນນັ້ນຄື: ເພິ່ນເປັນ ເຊື້ອກະສັດແຕ່ພັດໄດ້ສະຫລະລາດຊະບັນລັງເອົາຄວາມສຸກທີ່ຕົນມີມາເປັນສາມັນ ຊົນທຳມະດາແລ້ວອອກເຮັດການປະຕິວັດ ຕໍ່ສູ້ກູ້ຊາດຍາດເອົາເອກະລາດມາໃຫ້ປະເທດຊາດກໍຄືປວງຊົນລາວ ທັງຊາດໄດ້ຢ່າງສົມບູນແບບນັບແຕ່ມື້ເລີ່ມຕົ້ນຈົນ ຮອດມື້ໄດ້ຮັບໄຊຊະນະ. ອັນສອງ ມາປະທານ ສຸພານຸວົງ ເພິ່ນ ເປັນປັນຍາຊົນ, ຮຽນກໍເກັ່ງ, ຮູ້ຫລາຍພາສາທີ່ສຳຄັນຂອງໂລກ, ຮູ້ຮອດບາງພາ ສາຊົນເຜົ່າໃນບ້ານເຮົາ.

- 1 1 - ເຄົາລົບນັບຖືປະທານສຸພານຸວົງ ຈົ່ງຕາມຮອຍເພິ່ນ
- Tiger Head 728x90 - ເຄົາລົບນັບຖືປະທານສຸພານຸວົງ ຈົ່ງຕາມຮອຍເພິ່ນ

ສະນັ້ນ, ເພິ່ນໄປໃສ, ມາ ໃສເພິ່ນກໍບໍ່ອຸກອັ່ງງໍ້ງຽງ, ຫຍຸ້ງຍາກບາງຄັ້ງກໍບໍ່ຈຳ ເປັນມີລ່າມແປ, ຄົນຕ່າງປະເທດ ແລະ ສາກົນເຂົາຮັບ ຮູ້ນັບຖື ແລະ ຍົກຍ້ອງ, ອັນທີ ສາມມາປະທານ ສຸພານຸວົງ ຕອນເພ່ິນເປັນປະທານປະເທດຜູ້ທຳອິດຂອງ ລາວເຮົາ ເພິ່ນບໍ່ເປັນຄົນຂີ້ຕັກມັກໄດ້, ບໍ່ເປັນຄົນໂລບມາກໂລພາ, ສໍ້ລາດບັງຫລວງ.

ຖ້າທ່ານບໍ່ທັນເຊື່ອທິດ ກ່ຳວ່າກໍໃຫ້ໄປຊອກເລາະ ຖາມຊາວບ້ານວ່າໃນປະເທດລາວເພິ່ນ ມີດິນຈັກຕອນ, ມີເຮືອນຈັກຫລັງ, ມີລົດຫລູ ຫລາຂ່ີຈັກຄັນ. ເຮືອນທີ່ເພິ່ນ ຢູ່ຜ່ານມາເປັນເຮືອນຂອງ ອ້າຍເຈົ້າສຸວັນນະພູມມາ ຫລັງຈາກເພິ່ນຕາຍແລ້ວກໍ ເອົາເຮັດອານຸສອນສະຖານຂອງເພ່ິນຈົນມາຮອດທຸກ ວັນນີ້ຢູ່ທີ່ບ້ານໂພນສະອາດ ເມືອງໄຊເຊດຖາ, ນະຄອນຫລວງວຽງຈັນເຮົານີ້ເອງ. ນີ້ຄືຈຸດເດັ່ນໆ ສຸດຍອດຂອງ ທ່ານ ປະທານ ສຸພານຸວົງ ທີ່ ທິດກ່ຳ ໄດ້ເຫັນ, ຮັບຮູ້ ແລະ ຈື່ ຈົນມາຮອດທຸກວັນນີ້.

ຍ້ອນຄຸນງາມຄວາມດີຂອງເພ່ິນທີ່ມີຕໍ່ຊາດບ້ານ ເມືອງພັກ-ລັດເຮົາຈຶ່ງສະດຸດີດ້ວຍຄວາມ ຊາບຊຶ່ງສ້າງອະນຸສອນສະຖານເພື່ອໃຫ້ລູກຫລານຮຸ້ນສືບທອດໄດ້ ສຶກສາຄົ້ນຄວ້າ, ສ້າງອະນຸສາວະລີປະດິດສະຖານ ຢູ່ຫລວງພະບາງ, ສ້າງສະຖາ ບັນການສຶກສາມະຫາວິທະຍາໄລ ສຸພານຸວົງ, ຂະໜານນາມເສັ້ນທາງແຕ່ໄຟແດງສີຫອມຫາສະໜາມບິນວັດໄຕ ເປັນຖະໜົນ ສຸພານຸວົງ.

ນີ້ຄືຊິ້ນໃຫຍ່ໆ ທີ່ພວກເຮົາໄດ້ສະແດງຄວາມຮູ້ບຸນຄຸນຕໍ່ພາລະກິດຂອງທ່ານປະທານ ສຸພານຸວົງ, ຂັ້ນຕໍ່ໄປ ອາດມີສິ່ງດີໆ ຕື່ມອີກທີ່ພວກເຮົາຈະໄດ້ສະແດງຄວາມກະຕັນຍູກະຕະເວທີ ຕໍ່ຜູ້ນຳທີ່ແສນເຄົາລົບຮັກຂອງປວງຊົນລາວທີ່ມີສາຍຍານາມວ່າ ເຈົ້າຊາຍແດງແຫ່ງລຸ່ມແມ່ນ້ຳຂອງ./.

error: Content is protected !!