ໂພ​ຊະນາ​ການ​ຍັງ​ເປັນສິ່ງທ້າທາຍຢູ່​ລາວ

ໂພ​ຊະນາ​ການ​ຍັງ​ເປັນສິ່ງທ້າທາຍຢູ່​ລາວ - advert banner 728 90 728x90 - ໂພ​ຊະນາ​ການ​ຍັງ​ເປັນສິ່ງທ້າທາຍຢູ່​ລາວ

ບັນຫາການຂາດໂພຊະນາການຍັງເປັນສິ່ງທ້າທາຍຫລາຍ​ຢູ່​ລາວ​ເຮົາ ເຊິ່ງມີເດັກນ້ອຍຂາດອາຫານຊໍ້າເຮື້ອຂັ້ນປານກາງ ຫລື ຂັ້ນຮ້າຍແຮງ ຫລາຍກວ່າໜຶ່ງສ່ວນສາມ ຫລື ປະມານ 35,6% ແລະ ເກືອບວ່າມີເດັກນ້ອຍໜຶ່ງໃນສິບ ປະມານ 9,6% ທີ່ຂາດສານອາຫານກະທັນຫັນ ຂັ້ນປານກາງ ຫລືຂັ້ນຮ້າຍແຮງ, ພ້ອມກັບຄວາມບໍ່ເທົ່າທຽມກັນໃນດ້ານໂພຊະນາການ. ໃນຂະນະດຽວກັນ ມີພຽງແຕ່ 39,1% ຂອງເດັກນ້ອຍໄດ້ດູດນໍ້ານົມແມ່ ພາຍໃນຊົ່ວໂມງທຳອິດຫລັງເກີດ ແລະ ມີພຽງ 40,4% ຂອງເດັກນ້ອຍໄດ້ກິນນໍ້ານົມແມ່ພຽງຢ່າງດຽວຈົນເຖິງ 6 ເດືອນ, ນີ້​ແມ່ນ​ການ​ເປີດ​ເຜີຍ​ຂອງ​ທ່ານຫົວໜ້າກົມອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ ຕໍ່ກອງປະຊຸມເຜີຍແຜ່ຍຸດທະສາດການສື່ສານ ເພື່ອການປ່ຽນແປງພຶດຕິກຳ ແລະ ຄວາມຊິນເຄີຍຂອງສັງຄົມ ດ້ານໂພຊະນາການ ໃນວັນທີ 1 ສິງຫານີ້ ທີ່ນະຄອນຫລວງວຽງຈັນ.

ໂພ​ຊະນາ​ການ​ຍັງ​ເປັນສິ່ງທ້າທາຍຢູ່​ລາວ - new3 - ໂພ​ຊະນາ​ການ​ຍັງ​ເປັນສິ່ງທ້າທາຍຢູ່​ລາວ

ທ່ານ ຫົວໜ້າກົມກ່າວວ່າ: ໜຶ່ງໃນສາມຂອງຜູ້ເປັນແມ່ລາຍງານວ່າ: ໄດ້ເອົາອາຫານປະເພດແຫລວ ແລະ ນໍ້ານົມອື່ນໆ ທີ່ບໍ່ແມ່ນນໍ້ານົມແມ່ ໃຫ້ເດັກເກີດໃໝ່ກິນພາຍໃນສາມມື້ຫລັງຈາກເກີດ, 39% ຂອງເດັກນ້ອຍ ອາຍຸລະຫວ່າງ 6 ເດືອນ ຫາ 23 ເດືອນ ຢູ່ໃນເຂດຕົວເມືອງ ແລະ 12,9% ຂອງເດັກນ້ອຍຢູ່ເຂດຊົນນະບົດ ທີ່ໄດ້ຮັບອາຫານພຽງພໍ ແລະ ມີພຽງແຕ່ 5% ຂອງເດັກທີ່ກິນອາຫານໝົດທຸກໆໝວດ. ນອກຈາກນີ້, ຍັງພົບວ່າການເລີ່ມໃຫ້ອາຫານເສີມໄວໂພດ ແລະ ຊ້າໂພດ ກໍຍັງເປັນການປະຕິບັດໃຫ້ອາຫານທີ່ບໍ່ເໝາະສົມ ຍັງພົບເຫັນຢູ່ໃນ ສປປ ລາວ ​ແລະ ປັດໄຈອື່ນໆທີ່ ປະຕິບັດຕໍ່ການລ້ຽງດູເດັກອ່ອນ ແລະ ເດັກນ້ອຍ, ທີ່ສົ່ງຜົນຕໍ່ສະພາບໂພຊະນາການຂອງເດັກລຸ່ມ 5 ປີ ຍັງບໍ່ຮັກສາດ້ານສຸຂະອະນາໄມ ເຊັ່ນ: ການລ້າງມື, ການນຳໃຊ້ວິດຖ່າຍ ແລະ ກຳຈັດອາຈົມຂອງເດັກນ້ອຍ.

ໂພ​ຊະນາ​ການ​ຍັງ​ເປັນສິ່ງທ້າທາຍຢູ່​ລາວ - lattana 1 - ໂພ​ຊະນາ​ການ​ຍັງ​ເປັນສິ່ງທ້າທາຍຢູ່​ລາວ

ທ່ານກ່າວຕື່ມວ່າ: ຍຸດທະສາດການສື່ສານເພື່ອການປ່ຽນແປງພຶດຕິກຳ ແລະ ຄວາມຊິນເຄີຍຂອງສັງຄົມ ດ້ານໂພຊະນາການ ໄດ້ສ້າງຂຶ້ນມາເພື່ອເພີ່ມຕື່ມໃສ່ ຍຸດທະສາດແຫ່ງຊາດດ້ານໂພຊະນາການ ແລະ ແຜນປະຕິບັດງານແຫ່ງຊາດດ້ານໂພຊະນາການ, ເຊິ່ງມັນໄດ້ສະແດງໃຫ້ເຫັນຈຸດສຳຄັນ ເພື່ອກຳນົດວິທີການສື່ສານເພື່ອຈັດການບັນຫາ ແລະ ເນັ້ນຄວາມສຳຄັນຂອງສາເຫດການຂາດສານອາຫານໃນແມ່ຍິງ ແລະ ເດັກນ້ອຍ. ຍຸດທະສາດດັ່ງກ່າວນີ້, ມີຄວາມມຸ້ງຫວັງ ໃຫ້ທຸກພາກສ່ວນທີ່ກ່ຽວຂ້ອງໄດ້ນຳໃຊ້ ເພື່ອສະໜັບສະໜູນວາລະໂພຊະນາການແຫ່ງຊາດ. ພ້ອມນີ້, ຍັງມີຂໍ້ແນະນໃຫ້ທຸກພາກສ່ວນ ໂດຍມີເນື້ອໃນທີ່ສຳຄັນໃນການເນັ້ນໃສ່ການລ້ຽງດູເດັກອ່ອນ ແລະ ເດັກນ້ອຍ, ໂພຊະນາການຂອງແມ່, ວຽກງານນໍ້າສະອາດ, ສຸຂະພິບານ ແລະ ສຸຂະອະນາໄມ, ມາດຕະການໂພຊະນາການທາງອ້ອມດ້ານກະສິກຳ ແລະ ກຸ່ມເປົ້າໝາຍຕ່າງໆ.

error: Content is protected !!