ສື່ມວນຊົນລາວຍາມໃດກໍຕິດພັນກັບພາລະກິດຂອງຊາດ

ສື່ມວນຊົນລາວຍາມໃດກໍຕິດພັນກັບພາລະກິດຂອງຊາດ - advert banner 728 90 728x90 - ສື່ມວນຊົນລາວຍາມໃດກໍຕິດພັນກັບພາລະກິດຂອງຊາດ

ໂດຍ: ທິດ​ກ່ຳ

ສື່ມວນຊົນລາວຍາມໃດກໍຕິດພັນກັບພາລະກິດຂອງຊາດ - new3 - ສື່ມວນຊົນລາວຍາມໃດກໍຕິດພັນກັບພາລະກິດຂອງຊາດ
ສື່ມວນຊົນລາວຍາມໃດກໍຕິດພັນກັບພາລະກິດຂອງຊາດ - 5597 - ສື່ມວນຊົນລາວຍາມໃດກໍຕິດພັນກັບພາລະກິດຂອງຊາດ

ຍັງອີກບໍ່ດົນວັນສື່ມວນຊົນ ແລະ ພິມຈຳໜ່າຍ ຄົບຮອບ 69 ປີກໍຈະໄດ້ໝູນວຽນມາ ບັນຈົບຄົບຮອບອີກວາລະ   ໜຶ່ງ ຄື: ວັນທີ 13 ສິງຫາ 1950. ນັບແຕ່ມື້ກຳເນີດ ເກີດຂຶ້ນຈົນມາຮອດປັດຈຸບັນບໍ່ວ່າຍຸກໃດ, ສະໄໝໃດສື່ ມວນ ຊົນ ແລະ ການພິມຈຳໜ່າຍກໍ ໄດ້ຕິດພັນກັບພາລະກິດຂອງຊາດດ້ວຍຄວາມຈົງຮັກພັກດີ,ໃນຍຸກສົງຄາມກໍເຮັດໜ້າທີ່ ຮັບໃຊ້ການປະຕິວັດ.

ຍຸກສັນຕິພາບຄືສູ່ມື້ນີ້ ກໍຮັບໃຊ້ພາລະກິດສ້າງສາພັດທະນາປະເທດຊາດຢ່າງບໍ່ຂາດໄລຍະຕະຫລອດ 43 ປີແຫ່ງການປົກປັກຮັກສາ ແລະ ສ້າງສາປະເທດຊາດສື່ມວນຊົນ ແລະ ການພິມ ຈຳໜ່າຍກໍໄດ້ເຕີບໃຫຍ່ໄປພ້ອມກັບການເຮັດຫລ້ອນໜ້າທີ່ ຂອງຕົນສົມກັບວ່າເປັນກະບອກສຽງອັນສັກສິດແມ່ນຢຳ ຂອງຊາດ, ຂອງພັກ ແລະ ລັດຖະບານໄດ້ຢ່າງເຕັມປ່ຽມ.

ດັ່ງທີ່ຮູ້ກັນແລ້ວວ່າ, ໃນຍຸກປະຫວັດສາດຜ່ານມາສື່ມວນຊົນລາວ ແລະ ການ ພິມຈຳໜ່າຍໄດ້ກຳເນີດເກີດຂຶ້ນ ແລະ ເຕີບໃຫຍ່ທ່າມ ກາງ ແປວໄຟແຫ່ງສົງຄາມຕໍ່ສູ້ກູ້ຊາດ ເຊິ່ງໃນຍຸກນັ້ນສື່ມວນຊົນ ແລະ ການພິມຈຳໜ່າຍໄດ້ມີບົດບາດອັນສຳຄັນເຂົ້າ ໃນການປະຕິວັດເປັນຕົ້ນໄດ້ເປັນກະບອກສຽງໃນການປຸກລະດົມ, ໂຄສະນາຂົນຂວາຍໃຫ້ປະຊາຊົນບັນດາ ເຜົ່າເຂົ້າຮ່ວມການປະຕິວັດ.

ໃນເວລານັ້ນ, ເຖິງວ່າຍັງມີຄວາມຫຍຸ້ງຍາກຫລາຍດ້ານໂດຍສະເພາະໄດ້ປະເຊີນໜ້າກັບຮ່າລະເບີດຂອງສັດຕູ, ຜ່ານບັ້ນຮົບ, ຜ່ານສະ ໜາມຮົບອັນດຸເດືອດຂ້ຽວຂາດຢ່າງເອົາເປັນເອົາຕາຍ ແຕ່ນັກຮົບສື່ມວນຊົນກໍບໍ່ ໄດ້ຫວັ່ນໄຫວຢ້ານກົວ ແລະ ທໍ້ຖອຍງໍ້ງ່ຽງແຕ່ປະການໃດ. ນັກຮົບສື່ມວນຊົນທຸກ ຄົນທັງສູ້ຮົບ, ທັງເກັບກຳ ຂ່າວຄາວທັງຈັບປືນສູ້ຮົບ, ຢູ່ບ່າໄຫລ່ພາຍປືນ, ເປ້ບະໂລ, ແບກກ້ອງແລ່ນໄລ່ລ່າ ຜ່ານຜ່າຮ່າລະເບີດ ແລະ ລູກປືນໃນສະໝໍລະພູມຈົນ ລືມຕາຍ ແລະ ເອົາຊີວິດເປັນເດີນພັນ.

ນັກຮົບສື່ມວນຊົນປະຕິວັດໃນເວລານັ້ນ, ຍາມໃດກໍໄດ້ຢູ່ຄຽງບ່າຄຽງໄຫລ່ໃກ້ຊິດຕິດແທດ, ທັງສູ້ຮົບປະຈັນ ບານຮ່ວມກັບກຳລັງທະຫານປະຕິວັດຢ່າງບໍ່ຮູ້ ອິດຮູ້ເມື່ອຍບັນດາບົດຂ່າວ, ບົດວິເຄາະ, ວິຈານຕ່າງໆ ໄດ້ຖືກ ຕີແຜ່ໂຄສະນາໃນໜັງສືພິມ, ວິທະຍຸ, ໂທລະໂຄ່ງຂອງຝ່າຍແນວລາວຮັກຊາດໄດ້ຢ່າງກວ້າງຂວາງແມ່ນຢຳ ແລະ ຂ້ຽວຂາດກ່ອນໄລຍະການ ກຳເນີດຂອງສື່ມວນຊົນລາວ, ໂດຍສະເພາະໃນຍຸກຂະບວນການແນວລາວອິດ ສະຫລະສື່ມວນຊົນເຮົາກໍ    ໄດ້ມີການເຄື່ອນໄຫວດ້ວຍຫລາຍຮູບ, ຫລາຍແບບເຊັ່ນ: ຂຽນບົດຂ່າວດ້ວຍມື ຫລືຕີດ້ວຍຈັກພິມດິດແກ່ວງ ໂລນຽວເປັນໃບຂ່າວຕ່າງໆ ມອບໃຫ້ພະນັກງານປຸກລະ ດົມຂົນຂວາຍນຳໄປອ່ານ ເຜີຍແຜ່ໃຫ້ປະຊາຊົນບັນດາ ເຜົ່າຢູ່ເຂດເຄື່ອນໄຫວໄດ້ ຮັບຊາບໂດຍທົ່ວເຖິງກັນ.

ໃນເວລານັ້ນ, ເຖິງວ່າພາ ຫະນະຮັບໃຊ້ບໍ່ພຽງພໍ, ທັນສະໄໝແຕ່ສື່ມວນຊົນລາວກໍ ໄດ້ປະກອບສ່ວນເຮັດໜ້າ ທີ່ຂອງ ຕົນດ້ວຍຜົນສຳເລັດ ຢ່າງໃຫຍ່ຫລວງ. ໄຊຊະນະ ລວມຂອງການປະຕິວັດທີ່ ຍາດມາໄດ້ທັງໝົດນັ້ນ, ສື່ ມວນຊົນກໍເປັນສ່ວນໜຶ່ງ ທີ່ ໄດ້ສ້າງພາລະກຳປະຫວັດ ສາດຂອງຊາດໃນຍຸກການ ປະຕິວັດຊາດປະຊາທິປະໄຕ.

ສື່ມວນຊົນລາວຍາມໃດກໍຕິດພັນກັບພາລະກິດຂອງຊາດ - lattana 1 - ສື່ມວນຊົນລາວຍາມໃດກໍຕິດພັນກັບພາລະກິດຂອງຊາດ

ຈາກສະໄໝສົງຄາມ ທີ່ມີຄວາມຫຍຸ້ງຍາກຈົນມາ ຮອດປະເທດຊາດໄດ້ຮັບ ການປົດປ່ອຍສະຖາປະນາ ສາທາລະນະລັດ ປະຊາທິ ປະໄຕ ປະຊາຊົນລາວ ວົງ ການສື່ມວນຊົນລາວເລີ່ມ ແຕ່ຍຸກໂລນຽວ, ອານາລ໊ອກ ກ້າວສູ່ມື້ນີ້ຍິ່ງໄດ້ຮັບການ ປັບປຸງ ແລະ ພັດທະນາໃຫ້ ກ້າວໄປໜ້າເລື້ອຍໆ.

ປັດຈຸບັນ, ໃນທົ່ວປະເທດ ມີສະຖານີໂທລະພາບ, ສະ ຖານີວິທະຍຸຫລາຍກວ່າ 20 ແຫ່ງໃນທົ່ວປະເທດ. ນອກ ຈາກນັ້ນ, ກໍມີສຳນັກພິມ ຈຳໜ່າຍ, ສຳນັກສື່ຕ່າງໆ ຫລາຍກວ່າ 30 ແຫ່ງມີໜັງ ສືພິມ, ວາລະສານຫລາຍກວ່າ 100 ສະບັບ, ກ່າວ ເຖິງ ບຸກຄະລາກອນ ແລະ ພາຫະ ນະຮັບໃຊ້ກໍເພີ່ມຂຶ້ນ ທາງດ້ານ ປະລິມານ ແລະ ຄຸນນະພາບ ທັງໝົດນີ້, ຄື ຜົນງານອັນ ໃຫຍ່ຫລວງໂດດເດ່ັນ ແລະ ລວມຍອດໃນພາລະກິດອັນ ຍິ່ງໃຫຍ່ ຂອງສື່ມວນຊົນ ລາວນັບແຕ່ມື້ເລີ່ມຕົ້ນຈົນມາ ຮອດຍຸກປັດຈຸບັນ.

ເຖິງຢ່າງໃດກໍດີ, ອີງໃສ່ການຂະຫຍາຍຕົວຂອງ ພາລະກິດການສ້າງສາບ້ານ ເມືອງໃນເງື່ອນໄຂໃໝ່ນັກສື່ມວນຊົນລາວຍັງຕ້ອງພັດທະນາຕົນເອງໃຫ້ ກ້າວໄປເລື້ອຍໆກຽມພ້ອມຮັບມືກັບສິ່ງທ້າທາຍທັງອັນດີ ແລະ ອັນຮ້າຍສິ່ງສຳຄັນ ກ່ອນອື່ນໝົດນັກສື່ມວນ ຊົນໃນຍຸກນີ້ຕ້ອງເກັ່ງ; ນັບທັງພາຫະນະ, ວັດຖຸອຸປະກອນຮັບໃຊ້ຕ້ອງພຽບພ້ອມທັນສະໄໝ, ການໂຄສະນາ ຕີແຜ່, ແກ້ຂ່າວຕ້ອງວ່ອງ ໄວທັນໃຈຈຶ່ງຈະສົມກັບວ່າ ສື່ມວນຊົນລາວໃນຍຸກໃໝ່  ທັນສະໄໝ./.

error: Content is protected !!