ຖືສັນຊາດອາເມລິກາດີແນວໃດ

ຖືສັນຊາດອາເມລິກາດີແນວໃດ - advert banner 728 90 728x90 - ຖືສັນຊາດອາເມລິກາດີແນວໃດ

    ບໍ່ແມ່ນເລື່ອງແປກທີ່ພໍ່ແມ່ຈະເລືອກສິ່ງທີ່ດີທີ່ສຸດໃຫ້ແກ່ລູກ, ວາງຮາກຖານ ແລະ ອະນາຄົດໃຫ້ດີທີ່ສຸດເທົ່າທີ່ຈະເຮັດໄດ້ ເຊິ່ງຈະແຕກຕ່າງກັນໄປຕາມຄວາມຄິດ ແລະ ປັດໄຈທີ່ມີຂອງພໍ່ແມ່ ເຊັ່ນ : ບາງຄູ່ເລືອກທີ່ຈະວາງແຜນໃຫ້ລູກຮຽນຢູ່ບ່ອນນັ້ນບ່ອນນີ້, ບາງຄູ່ເລືອກທີ່ຈະຝາກເງິນໃຫ້ລູກຈົນໃຫຍ່, ບາງຄູ່ເລືອກທີ່ຈະບໍ່ວາງອະນາຄົດເພື່ອໃຫ້ເດັກໃຊ້ຊີວິດຂອງໂຕເອງ ເປັນຕົ້ນ.

ຖືສັນຊາດອາເມລິກາດີແນວໃດ - new3 - ຖືສັນຊາດອາເມລິກາດີແນວໃດ
ຖືສັນຊາດອາເມລິກາດີແນວໃດ - 062106 2019 - ຖືສັນຊາດອາເມລິກາດີແນວໃດ

     – ຖືສັນຊາດອາເມລິກາດີແນວໃດ ?

     ອີກໜຶ່ງທາງເລືອກຂອງພໍ່ແມ່ ຫລາຍຄູ່ເລືອກໃຫ້ລູກເກີດຢູ່ຕ່າງປະເທດ ເພື່ອໃຫ້ເດັກໄດ້ຖືສັນຊາດໃນປະເທດນັ້ນໆ ຍ້ອນຢາກໄດ້ສະຫວັດດີການ ແລະ ປະໂຫຍດຈາກການເປັນພົນລະເມືອງນັ້ນເອງ ເຊິ່ງການຈະຕັດສິນວ່າທາງເລືອກໃດຖືກ ຫລື ບໍ່ຖືກ, ຄວນ ຫລື ບໍ່ຄວນນັ້ນ ບໍ່ມີໃຜໃຫ້ຄຳຕອບໄດ້.

     – ຍ້ອນຫຍັງຈຶ່ງຢາກໄດ້ສັນຊາດອາເມລິກາ ?

     ເປັນເລື່ອງປົກກະຕິທີ່ພົນລະເມືອງໃນປະເທດທີ່ດ້ອຍພັດທະນາ ຫລື ກຳລັງພັດທະນາ ຢາກຈະອາໄສຢູ່ໃນປະເທດທີ່ຈະເລີນກ່ວາ ຫລື ພັດທະນາແລ້ວ ເຊິ່ງການຈະຂໍສັນຊາດ ຫລື ຂໍເປັນພົນລະເມືອງໃນປະເທດທີ່ພັດທະນາແລ້ວເຮັດໄດ້ຍາກ, ແຕ່ໃນປະເທດສະຫະລັດອາເມລິກາ ແລະ ການາດາ ເປັນພຽງ 2 ປະເທດທີ່ພັດທະນາແລ້ວທີ່ມີກົດໝາຍເປີດທາງໃຫ້ຖືສັນຊາດຕາມສະຖານທີ່ເກີດ ໂດຍບໍ່ຄຳນຶງເຖິງສັນຊາດຂອງພໍ່ແມ່ ໝາຍຄວາມວ່າ ເດັກເກີດໃນອາເມລິກາກໍຈະໄດ້ສັນຊາດອາເມລິກາໂດຍອັດຕະໂນມັດ.

  ເຮັດໃຫ້ມີພໍ່ແມ່ຫລາຍຄູ່ໃຊ້ວິທີເດີນທາງມາເກີດລູກໃນປະເທດດັ່ງກ່າວ ເພື່ອເປັນທາງລັດໃຫ້ລູກຂອງຕົນໄດ້ສັນຊາດ ເພາະຈະໄດ້ຮັບປະໂຫຍດຕ່າງໆຈາກການເປັນພົນລະເມືອງ ຫລື ເພື່ອຫລີກເວັ້ນຂໍ້ຈຳກັດໃນປະເທດຂອງຕົນ ເຊັ່ນ : ນະໂຍບາຍການມີລູກຄົນດຽວໃນປະເທດຈີນ (ບໍ່ນັບລູກທີ່ເກີດນອກປະເທດຈີນ), ການເກນທະຫານ ເປັນຕົ້ນ.

ຖືສັນຊາດອາເມລິກາດີແນວໃດ - 052106 2019 - ຖືສັນຊາດອາເມລິກາດີແນວໃດ

     – ຂໍ້ດີຂອງການຖືສັນຊາດອາເມລິກາ : ສະຫະລັດອາເມລິກາ ເປັນປະເທດທີ່ພໍ່ແມ່ສ່ວນຫລາຍເລືອກທີ່ຈະມາເກີດລູກ ເນື່ອງຈາກການຖືສັນຊາດອາເມລິກາຈະໄດ້ຮັບສິດທິຕ່າງໆທີ່ເປັນປະໂຫຍດຕໍ່ໂຕເດັກ ແລະ ພໍ່ແມ່ ດັ່ງນີ້ :

     – ໄດ້ຮັບສະຫວັດດີການຕ່າງໆຄືທີ່ເດັກນ້ອຍອາເມລິກາໄດ້ຮັບ ຄື ການຮຽນຟຣີໃນຊັ້ນປະຖົມ ແລະ ມັດທະຍົມ, ການຮັບເງິນຊ່ວຍເຫລືອຈາກລັດ ຕະຫລອດຈົນຮັບທຶນການສຶກສາ.

ຖືສັນຊາດອາເມລິກາດີແນວໃດ - lattana 1 - ຖືສັນຊາດອາເມລິກາດີແນວໃດ

     – ສາມາດເຮັດວຽກທີ່ກັນໄວ້ສຳລັບພົນລະເມືອງສະຫະລັດອາເມລິກາໄດ້ ເຊັ່ນ : ວຽກຂອງລັດຖະບານ.

     – ສາມາດເດີນທາງກັບມາຍັງອາເມລິກາເມື່ອໃດກໍໄດ້ເມື່ອໃຫຍ່ຂຶ້ນ.

– ເມື່ອອາຍຸຄົບ 21 ປີ ຜູ້ທີ່ເກີດໃນອາເມລິກາຈະສາມາດຂໍໃບຮັບຮອງການຢູ່ອາໄສຖາວອນໃນສະຫະລັດອາເມລິກາ ຫລື ບັດຂຽວ ໃຫ້ກັບພໍ່ແມ່ຂອງຕົນໄດ້.

     ມີການຮຽກຮ້ອງ ແລະ ຖົກຖຽງກ່ຽວກັບເລື່ອງການໃຫ້ສັນຊາດແກ່ເດັກທີ່ເກີດໃນອາເມລິກາຢູ່ຫລາຍເທື່ອ ຕັ້ງແຕ່ປີ 1989 ແຕ່ສານສູງສຸດສະຫະລັດອາເມລິກາກໍຢັ້ງຢືນວ່າ ສິດທິນີ້ຄວນເປັນຂອງທຸກຄົນທີ່ເກີດໃນດິນແດນຂອງສະຫະລັດອາເມລິກາ ບໍ່ແມ່ນສະເພາະລູກຂອງພົນລະເມືອງເທົ່ານັ້ນ ແມ່ນແຕ່ ໂດນັລ ທຣຳ ປະທານາທິບໍດີສະຫະລັດຄົນປະຈຸບັນ ທີ່ຢາກປ່ຽນແປງ ແລະ ຍົກເລີກເລື່ອງນີ້ກໍຍັງບໍ່ສາມາດເຮັດໄດ້ ເພາະມີການບັນຍັດໄວ້ໃນລັດຖະທຳມະນູນ ເຊິ່ງເປັນກົດໝາຍສູງສຸດວ່າ ບຸກຄົນທີ່ເກີດ ຫລື ແປງສັນຊາດໃນສະຫະລັດອາເມລິກາຕະຫລອດຈົນໃນຂອບເຂດອຳນາດສານຂອງສະຫະລັດອາເມລິກາ ຍ່ອມເປັນພົນລະເມືອງສະຫະລັດອາເມລິກາ.

     ການເດີນທາງມາເກີດລູກໃນປະເທດສະຫະລັດອາເມລິກາ ຈຶ່ງກາຍເປັນທຸລະກິດທີ່ຮຸ່ງເຮືອງ ແລະ  ຖືກກົດໝາຍທີ່ເອີ້ນກັນວ່າ Birth  Tourism ຫລື ການທ່ອງທ່ຽວເພື່ອເກີດລູກ ເຊິ່ງຈະໃຫ້ບໍລິການຕັ້ງແຕ່ການຂໍວີຊ່າ, ທີ່ພັກ, ໂຮງໝໍ, ຜູ້ດູແລເດັກ, ການໃຫ້ຄຳປຶກສາທາງກົດໝາຍ ຫລື ແມ່ນແຕ່ຊ່ວຍເຫລືອໃນການຂໍເອກະສານສັນຊາດອາເມລິກາຂອງເດັກເກີດໃໝ່ ແນ່ນອນວ່າມາພ້ອມກັບຄ່າໃຊ້ຈ່າຍທີ່ສູງຫລາຍ.

      ສູນຄວບຄຸມ ແລະ ປ້ອງກັນພະຍາດແຫ່ງຊາດສະຫະລັດອາເມລິກາ (Centers for DiseasControl and Prevention – CDC) ລາຍງານສະຖິຕິກ່ຽວກັບການກຳເນີດຂອງເດັກນ້ອຍວ່າ ໃນປີ 2000 ມີເດັກນ້ອຍທີ່ເກີດຈາກຊາວຕ່າງຊາດທີ່ເອີ້ນວ່າ  ‘Anchor Babies’ ຈຳນວນ 5.009 ຄົນ ແລະ ເພີ່ມເປັນ 7.462 ຄົນ ໃນປີ 2008 ເຮັດໃຫ້ສູນສຶກສາຄົນເຂົ້າເມືອງ (Center for Immigration Studies) ເກີດຄວາມຄິດທີ່ຈະຫລຸດການເຂົ້າເມືອງຂອງຊາວຕ່າງຊາດ ເພື່ອຫລີກເວັ້ນເດັກນ້ອຍເກີດຈາກຊາວຕ່າງຊາດນັ້ນເອງ ໂດຍສູນດັ່ງກ່າວຄາດການວ່າຈະມີເດັກນ້ອຍເກີດໃໝ່ຈາກການທ່ອງທ່ຽວເພື່ອການເກີດລູກໃນສະຫະລັດອາເມລິກາປະມານ 40.000 ຄົນຕໍ່ປີ.

error: Content is protected !!