ມອບ-ຮັບໂຄງການກໍ່ສ້າງຊົນລະປະທານ ຢູ່ນະຄອນຫລວງວຽງຈັນ ດ້ວຍທຶນຊ່ວຍເຫລືອຂອງ ADB

ມອບ-ຮັບໂຄງການກໍ່ສ້າງຊົນລະປະທານ ຢູ່ນະຄອນຫລວງວຽງຈັນ ດ້ວຍທຶນຊ່ວຍເຫລືອຂອງ adb - advert banner 728 90 728x90 - ມອບ-ຮັບໂຄງການກໍ່ສ້າງຊົນລະປະທານ ຢູ່ນະຄອນຫລວງວຽງຈັນ ດ້ວຍທຶນຊ່ວຍເຫລືອຂອງ ADB

ໂຄງການຄຸ້ມຄອງ ແລະ ຫຼຸດຜ່ອນຄວາມສ່ຽງຈາກໄພນໍ້າຖ້ວມ ແລະ ແຫ້ງແລ້ງ (ຄຖລ) ໄດ້ຮັບທຶນສະໜັບສະໜູນຈາກ ທະນາຄານພັດທະນາອາຊີ (ADB) ຈຳນວນ 36,5 ລ້ານ​ໂດ​ລ້າ​ສະຫະລັດ ​ແລະທຶນ​ສົມທົບ​ຂອງ​ລັດຖະບານ​ລາວ 0,59 ລ້ານ​ໂດ​ລ້າ​ສະຫະລັດ. ການຈັດຕັ້ງ​ໂຄງການດັ່ງກ່າວມາ​ເຖິງ​ປັດຈຸບັນ​ໄດ້​ສຳ​ເລັດ​ແລ້ວ 99,8% ສະ​ເພາະ​ໂຄງການ​ພັດທະນາ​ຊົນລະປະທານ ​ໄດ້​ສຳ​ເລັດ​ການກໍ່ສ້າງ 100%. ກ່ຽວກັບຮູບ​ແບບ ​ແລະ ວິທີ​ການຈັດຕັ້ງປະຕິບັດຂອງ​ໂຄງການສາມາດ​ໄດ້ຮັບຜົນສຳ​ເລັດ​ເປັນ​ແຕ່ລະ​ໄລຍະຊຶ່ງ​ທະນາຄານ ADB  ​ແລະກະຊວງ​ແຜນການ ​ແລະການ​ລົງທຶນ ​ໄດ້​ເຫັນ​ດີ​ມອບ​ໃບ​ຍ້ອງຍໍ ​ແລະຈັດ​ລຳດັບ​ເຂົ້າ​ໃນ​ບັນດາ​ໂຄງການ​ດີ​ເດັ່ນ​ ​ໃນ​ການຈັດຕັ້ງປະຕິບັດ​ວຽກງານ.

ມອບ-ຮັບໂຄງການກໍ່ສ້າງຊົນລະປະທານ ຢູ່ນະຄອນຫລວງວຽງຈັນ ດ້ວຍທຶນຊ່ວຍເຫລືອຂອງ adb - new3 - ມອບ-ຮັບໂຄງການກໍ່ສ້າງຊົນລະປະທານ ຢູ່ນະຄອນຫລວງວຽງຈັນ ດ້ວຍທຶນຊ່ວຍເຫລືອຂອງ ADB

          ​ໂຄງການ​ພັດທະນາ​ຊົນລະປະທານ​ເຂດ​ວຽງຈັນ​ໃຕ້, ​ເປັນ​ໂຄງການ​ຍ່ອຍໜຶ່ງທີ່ຢູ່​ພາຍ​ໃຕ້​ໂຄງການ (ຄຖລ) ມີ​ສາຍຕັ້ງຂຶ້ນກັບ​ພະ​ແນ​ກກະສິກຳ ​ແລະປ່າ​ໄມ້​ນະ​ຄອນຫຼວງວຽງຈັນມີໜ້າທີ່​ພັດທະນາ ​ແລະກໍ່ສ້າງ​ລະບົບ​ຊົນລະປະທານ 4 ​ໂຄງການ, ເຊິ່ງສາມາດ​ສະໜອງນໍ້າ​ໃຫ້​ເນື້​ອທີ່​ການ​ຜະລິດໄດ້ທັງໝົດ 1.542 ​ເຮັກຕາ, ຕົກເປັນມູນ​ຄ່າ​ການກໍ່ສ້າງ​ທັງໝົດ 6 ລ້ານ​ກວ່າ​ໂດ​ລາ​ສະຫະລັດ. ​ເຊິ່ງ​ແມ່ນ​ບໍລິສັດພົງ​ຊັບ​ທະວີ​ກໍ່ສ້າງ​ຂົວ​ທາງ ​ເຄຫາ​ສະຖານ ​ແລະຊົນລະ​ປະທານຈຳກັດ​ຜູ້ດຽວ ​ເປັນ​ຜູ້ຮັບ​ເໝົາກໍ່ສ້າງ, ​ເຊິ່ງໂຄງການດັ່ງກ່າວ​ເປັນ​ໂຄງການ​ຊົນລະປະທານ​ຈັກສູບ​ນໍ້າ​ເຮືອ​ແພ, ຂະໜາດ 75 ກິ​ໂລ​ວັດ, ລວມທັງໝົດ 18 ​ເຄື່ອງ ​ແລະ ມີ​ລະບົບ​ຄອງ​ເໝືອງ​ແມ່ ຍາວ​ກວ່າ 14 ກິໂລ​ແມັດ, ຄອງ​ເໝືອງຂັ້ນສອງຍາວ​ກວ່າ 28 ກິໂລແມັດ, ມີ​ລະບົບອາຄານ​ຕາມ​ຄອງ​ເໝືອງ ​ເພື່ອ​ຄວບ​ຄຸມ-​ແຈກ​ຢາຍ​ນໍ້າ​ທັງໝົດ 655 ​ແຫ່ງ ​ແລະຄອງ​ລະບາຍຍາວ 1.650 ​ແມັດ. ນອກຈາກ​ນີ້, ຍັງ​ມີ​ເສັ້ນທາງຂົນ​ສົ່ງ​ຜົນ​ຜະລິດ​ກະສິກຳມີ​ຄວາມ​ຍາວ​ທັງໝົດຫລາຍວ່າ 16 ກິໂລ​ແມັດ.

ມອບ-ຮັບໂຄງການກໍ່ສ້າງຊົນລະປະທານ ຢູ່ນະຄອນຫລວງວຽງຈັນ ດ້ວຍທຶນຊ່ວຍເຫລືອຂອງ adb - lattana 1 - ມອບ-ຮັບໂຄງການກໍ່ສ້າງຊົນລະປະທານ ຢູ່ນະຄອນຫລວງວຽງຈັນ ດ້ວຍທຶນຊ່ວຍເຫລືອຂອງ ADB

          ​ໃນ​ວັນ​ທີ 5 ສິງຫານີ້, ກົມ​ຊົນລະປະທານຮ່ວມກັບພະ​ແນ​ກກະສິກຳ ​ແລະປ່າ​ໄມ້​ນະຄອນຫຼວງວຽງຈັນ ​ໄດ້​ຈັດ​ພິທີ​ມອບ-ຮັບ ​ໂຄງການ​ຊົນລະປະທານ​ສ້າງ​ຫົວບໍ່, ດົງ​ຄວາຍ 1 ​ແລະ 2, ນາລ້ອງ 3 ​ແລະ ​ໂຄງການ​ຊົນລະປະທານໝາກຮຽວ 2 ຂຶ້ນ ໂດຍການ​ເຂົ້າຮ່ວມ​​ຂອງ​ທ່ານ ອານຸພາບ ຕຸ​ນາ​ລົມ ປະທານ​ສະພາ​ປະຊາຊົນ​ນະຄອນຫຼວງວຽງຈັນ, ​ປະທານ​ຊີ້ນຳ​ໂຄງການຄຸ້ມຄອງ ແລະ ຫລຸດຜ່ອນຄວາມສ່ຽງຈາກໄພນໍ້າຖ້ວມ ແລະ ແຫ້ງແລ້ງ ພ້ອມມີທ່ານທອງ​ພັດ ​ວົງ​ມະນີຮອງລັດຖະມົນຕີ​ກະຊວງ​ກະສິກຳ ​ແລະປ່າ​ໄມ້; ທ່ານຊາ​ຊູ​ຊິ ​ເນ​ກິ​ຊິຫົວໜ້າທະນາຄານ​ພັດທະນາ​ອາຊີປະຈຳ​ລາວ​ເຂົ້າຮ່ວມ​ເປັນ​ສັກຂີ​ພະຍານ.

error: Content is protected !!