ລາວ​ກໍານົດເອົາ 3 ລາຍການຜະລິດຕະພັນໄມ້ເພື່ອສົ່ງອອກ.

ລາວ​ກໍານົດເອົາ 3 ລາຍການຜະລິດຕະພັນໄມ້ເພື່ອສົ່ງອອກ. - advert banner 728 90 728x90 - ລາວ​ກໍານົດເອົາ 3 ລາຍການຜະລິດຕະພັນໄມ້ເພື່ອສົ່ງອອກ.

ໃນ​ວັນ​ທີ 1 ສິງຫານີ້, ກະຊວງ​ອຸດສາຫະກຳ ​ແລະ ການ​ຄ້າ ​ໄດ້​ອອກ​ຂໍ້​ຕົກລົງເລກທີ 0939/ອຄ.ກອຫ ວ່າດ້ວຍການຮັບຮອງເອົາຜະລິດຕະພັນໄມ້ເພື່ອສົ່ງອອກ (ສະບັບປັບປຸງ) ຈໍານວນ 3 ລາຍການ ຄື: ຜະລິດຕະພັນໄມ້ປູກ, ຜະລິດຕະພັນໄມ້ທໍາມະຊາດ, ຜະລິດຕະພັນຫວາຍ ແລະ ໄມ້ປ່ອງ, ເຊິ່ງຂໍ​ຕົກລົງ​ສະບັບ​ດັ່ງກ່າວ​ມີຜົນສັກສິດນັບແຕ່ມື້ລົງລາຍເຊັນນີ້ເປັນຕົ້ນໄປ, ​ເຊິ່ງ​ໄດ້​ລະ​ບຸ​ວ່າ: ຜະລິດຕະພັນໄມ້ປູກເພື່ອສົ່ງອອກປະກອບມີ: ໄມ້ວິກ, ກະຖິນນາລົງ, ກະຖິນເທພາ, ຢາງພາລາ ແລະ ໄມ້ສັກ ສາມາດສົ່ງອອກໃນທຸກຮູບແບບມີການປຸງແຕ່ງ ຫລື ບໍ່ປຸງແຕ່ງກໍໄດ້, ສ່ວນໄມ້ເກດສະໜາ ອະນຸຍາດໃຫ້ສົ່ງອອກໃນແບບທີ່ບົດເປັນຝຸ່ນ ຫລື ສັບເປັນປ່ຽງນ້ອຍໆ ແລະ ໃນຮູບແບບໄມ້ເລື່ອຍຈາກສວນປູກ. ສ່ວນໄມ້ອື່ນໆ ທີ່ນອກເໜືອຈາກທີ່ກ່າວມາຂ້າງເທິງ ແມ່ນໃຫ້ປະຕິບັດ ຫລື ປຸງແຕ່ງຕາມຮູບແບບ ແລະ ຄຸນລັກສະນະທີ່ກໍານົດໃນລາຍການຜະລິດຕະພັນໄມ້ທໍາມະຊາດເພື່ອສົ່ງອອກ ຈຶ່ງອະນຸຍາດໃຫ້ສົ່ງອອກໄດ້. ສ່ວນຜະລິດຕະພັນໄມ້ທໍາມະຊາດ (ໄມ້ຫວງຫ້າມ, ໄມ້ພິເສດ ແລະ ໄມ້ຄຸ້ມຄອງ 1, 2, 3 ) ເພື່ອສົ່ງອອກປະກອບ ມີ ຜະລິດຕະພັນຂີ້ເລື່ອຍອັດແທ່ງ ແລະ ອັດເມັດ, ຜະລິດຕະພັນຖ່ານໄມ້, ຜະລິດຕະພັນໄມ້ປັກເກ້ ແລະ ໄມ້ປູພື້ນ, ຜະລິດຕະພັນໄມ້ອັດ, ເຄື່ອງໃຊ້ສອຍທີ່ເຮັດດ້ວຍໄມ້, ຜະລິດຕະພັນໄມ້ປະກອບໃນອາຄານ, ເຄື່ອງຫັດຖະກໍາທີ່ເຮັດດ້ວຍ​ໄມ້ ​ແລະ ​ເຄື່ອງ​ເຟີ​ນິ​ເຈີ​ ທີ່​ເຮັດ​ດ້ວຍ​ໄມ້.

ລາວ​ກໍານົດເອົາ 3 ລາຍການຜະລິດຕະພັນໄມ້ເພື່ອສົ່ງອອກ. - new3 - ລາວ​ກໍານົດເອົາ 3 ລາຍການຜະລິດຕະພັນໄມ້ເພື່ອສົ່ງອອກ.

  ສໍາລັບ​ລາຍການຜະລິດຕະພັນໄມ້ທໍາມະຊາດ (ໄມ້ຄຸ້ມຄອງ 1, 2, 3 ) ເທົ່ານັ້ນເພື່ອສົ່ງອອກ ລວມມີຜະລິດຕະພັນໄມ້ປູພື້ນ ແລະ ໄມ້ປະກອບຖັງລົດ, ເຊິ່ງໃນຂໍ້ຕົກລົງກໍໄດ້ກໍານົດຂະໜາດຂອງໄມ້ແຕ່ລະຊະນິດ ທີ່ສາມາດສົ່ງອອກໄດ້ຢ່າງຈະແຈ້ງ ໂດຍສະເລ່ຍຂະໜາດຂອງໄມ້ໜາຕໍ່າສຸດ 1,5 ຊັງຕີແມັດ ບໍ່ເກີນ 12 ຊັງຕີແມັດ, ກວ້າງບໍ່ໃຫ້ຫລຸດ 9 ຊັງຕີແມັດ ບໍ່ເກີນ 150 ຊັງຕີແມັດ, ຍາວບໍ່ໃຫ້ຫລຸດ 30 ຊັງຕີແມັດ ບໍ່ເກີນ 650 ຊັງຕີແມັດ, ໂດຍອີງຕາມໄມ້ແຕ່ລະປະເພດ.

ພ້ອມ​ນີ້, ລາຍການຜະລິດຕະພັນຫວາຍ ແລະ ໄມ້ປ່ອງ ທີ່ອະນຸຍາດໃຫ້ສົ່ງອອກມີ ຜະລິດຕະພັນສໍາເລັດຮູບທີ່ເຮັດດ້ວຍຫວາຍ, ເຄື່ອງເຟີນີເຈີທີ່ເຮັດດ້ວຍຫວາຍ, ເຄື່ອງຈັກສານທີ່ເຮັດດ້ວຍຫວາຍ, ຜະລິດຕະພັນຫວາຍສໍາເລັດຮູບອື່ນໆ, ເຄື່ອງເຟີນີເຈີ ແລະ ເຄື່ອງໃຊ້ສອຍທີ່ເຮັດດ້ວຍໄມ້ປ່ອງ, ເຄື່ອງຈັກສານທີ່ເຮັດດ້ວຍໄມ້ປ່ອງ, ຜະລິດຕະພັນໄມ້ປ່ອງອື່ນໆ ແລະ ໄມ້ຈ້າ​ເທົ່າ​ນັ້ນ.

ລາວ​ກໍານົດເອົາ 3 ລາຍການຜະລິດຕະພັນໄມ້ເພື່ອສົ່ງອອກ. - lattana 1 - ລາວ​ກໍານົດເອົາ 3 ລາຍການຜະລິດຕະພັນໄມ້ເພື່ອສົ່ງອອກ.
error: Content is protected !!