ເລື່ອງການທ່ອງທ່ຽວມັນກ່ຽວກັບປັດໄຈຄົນຫລາຍຄົນ

- advert banner 728 90 728x90 - ເລື່ອງການທ່ອງທ່ຽວມັນກ່ຽວກັບປັດໄຈຄົນຫລາຍຄົນ
- 6697 - ເລື່ອງການທ່ອງທ່ຽວມັນກ່ຽວກັບປັດໄຈຄົນຫລາຍຄົນ

ໂດຍ: ວິເສດ ສະແຫວງສຶກສາ

   ໃນ​ຂ້ອນໆທ້າຍ​ຂອງ​ເດືອນ​ກໍລະກົດ​ແລ້ວ​ນີ້ ​ໜັງສືພິມ​ ວຽງ​ຈັນທາ​ມ (ບໍ່​ຈື່​ສະບັບ) ​ໄດ້​ລົງບົດ​ຄວາມ​ຂອງ​ສຳນັກ​ຂ່າວສານ​ຫວຽດນາມ​ທີ່​ໃສ່​ຫົວ​ຂໍ້ (​ແປ​ເປັນ​ລາວ) ວ່າ: “ການທ່ອງທ່ຽວ​ມັນ​ກ່ຽວ​ກັບ​ປັດ​ໄຈ​ຄົນ​ຫລາຍ​ກວ່າ” ອ່ານ​ແລ້ວ​ຈານ​ແຫຍ່​ກໍ​ປວດ​ຈ້າວໆປານ​ປາດຸກ​ປັກ ​ຢາກ​ແປ​ເປັນ​ພາສາ​ລາວ​ໃຫ້​ຫລາຍ​ຄົນ​ໄດ້​ອ່ານ​ກັນ​ຢ່າງ​ທົ່ວ​ເຖິງ. ຖ້າ​ພາກສ່ວນ​ທີ່​ຮັບ​ພິຊອບ​ຂັດທ້າຍ​ເຮືອ​ວຽກ​ທ່ອງ​ທ່ຽວ​ບັງ​ເອີນ​​ໄດ້​ອ່ານ​ກໍ​ຈະ​ຖື​ວ່າ: ຈານ​ແຫຍ່ ​ບໍ່​ເສຍ​ຖ້ຽວ​​ແປ-ຮຽບຮຽງ ບົດ​ຄວາມ​ນີ້​ອອກ​ມາ.

  ດັ່ງ​ທີ່​ຮູ້​ກັນ​ແລ້ວ​ວ່າ: ​ເມື່ອ​ປີ 2018 ຫວຽດນາມ​ ໄດ້​ກາຍ​ເປັນ​ໜຶ່ງ​ໃນ 10 ປະ​ເທດ​ຢູ່​ພາກພື້ນອາຊີ-ປາຊີ​ຟິກ ທີ່​ໄດ້​ຄະ​ແນນ​ນຳ​ໜ້າດ້ານ​ການ​ຄຸ້ມ​ຄອງ​ບໍລິຫານ ອຸດ​ສາຫະກຳທ່ອງ​ທ່ຽວ ​ແລະ ​ໃນປີ​ດຽວ​ກັນ​ນີ້ຈຳນວນ​ນັກ​ທ່ອງ​ທ່ຽວ​ທີ່​ເຂົ້າ​ໄປ​ທ່ຽວ​ຫວຽດນາມ​ນັ້ນບັນລຸ​ເຖິງ 16 ລ້ານ​ຄົນ, ​ໃນ​ນັ້ນມີ​ຜູ້​ແວ່​ຢ້ຽມ​ຊົມ​ນະຄອນ

ຫລວງ​ຮາ​ໂນ້ຍມີ​ເຖິງ 9 ລ້ານ​ຄົນ.

   ຫວຽດນາມ ​ໄດ້​ເພີ່ມ​ຂະ​ແໜງ​ການທ່ອງທ່ຽວ​ໃຫ້​ຫລາຍ​ຂຶ້ນ​ ເດັ່ນ​ກວ່າ​ໝູ່ ​ແມ່ນ​ຂະ​ແໜງ​ການທ່ອງທ່ຽວ​ເພື່ອ​ປິ່ນປົວ​ສຸຂະພາບ​, ໂດຍ​ໄດ້​ກຳນົດ​ເອົາ​ທາງ​ເຂດ​ພາກ​ໃຕ້​ບ່ອນ​ທີ່​ມີ​ເງື່ອນ​ໄຂພຽບ​ພ້ອມ​ເປັນ​ສະໜາມ​ທົດ​ລອງ ​ເພື່ອ​ໃຫ້​ນັກ​ທ່ອງ​ທ່ຽວ​ຕ່າງປະ​ເທດ ​ນອກຈາກ​ໄດ້​ຮູ້​ໄດ້​ເຫັນ​ໄດ້​ອີ່ມ​ເຕັມ​ແລ້ວ ​ກໍ​ຍັງ​ໄດ້​ສຸຂະພາບ​ແຂງ​ແຮງ​ກັບ​ຄືນ​ປະ​ເທດ.

  ບົດຮຽນ​ການທ່ອງທ່ຽວ​ເພື່ອ​ສຸຂະພາບ​ນີ້ ​ປະ​ເທດ​ເຈົ້າ​ເກົ່າຄົງ​ບໍ່ມົ້ມຈາກ​ໄທ ​ແລະ ສິ່ງ​ກະ​ໂປ (​ໃນ​ອາ​ຊຽນ) ສ່ວນ​ການທ່ອງທ່ຽວ​ເພື່ອ​ສຸຂະພາບ-ຄວາມ​ງາມ​ນັ້ນຄົງ​ບໍ່​ມີ​ໃຜ​ສູ້ ສ.​ເກົາຫລີ. ແຕ່​ຫວຽດນາມ​ຕົບ​ເອີກ​ວ່າ​ຕົນ​ມີ​ເງື່ອນ​ໄຂ​ເຮັດ​ໄດ້​ຄື​ກັນ.

   ບົດ​ຄວາມ​ທີ່​ຜູ້​ຂຽນ​ເອີ່ຍ​ເຖິງ​​ໃນ​ເບື້ອງຕົນນັ້ນ ບໍ່​ໃຫ້​ຄວາມ​ສຳຄັນ​ກັບ​ຜົນສຳ​ເລັດ​ດ້ານ​ການທ່ອງທ່ຽວ​ຂອງ​ຫວຽດນາມ​ພໍ​ປານ​ໃດ​ ແຕ່​ໄດ້​ເນັ້ນວ່າ​ຖ້າ​ຫວຽດ

ນາມ ​ຫາກ​ພັດທະນາ​ປັດ​ໄຈ​ຄົນ​ໄດ້​ດີກ​ວ່າ​ນີ້, ອຸດ​ສາຫະ​ກຳທ່ອງ​ທ່ຽວ ​ກໍ​ຄົງ​ຈະ​ກະ​ໂດດ​ຂັ້ນກວ່າ​ທີ່​ເປັນ​ຢູ່.

   ບົດ​ຄວາມ​ບອກ​ວ່າ: ​ອຸດ​ສາຫະ​ກຳ​ທ່ອງ​ທ່ຽວ​ທີ່​ໄດ້​ຮັບ​ຜົນສຳ​ເລັດ​ໃນ​ແງ່​ທຸລະ​ກິດ​ນັ້ນ ຕ້ອງ​ເຮັດ​ໄດ້ 3 ປັດ​ໄຈ​ຄື: ມີ​ວິທີ​ເຮັດ​ໃຫ້​ນັກ​ທ່ອງ​ທ່ຽວ​ຢູ່​ເຄື່ອນ​ໄຫວ​ເປັນ​ເວລາ​ດົນ, ​ໃຫ້​ນັກ​ທ່ອງ​ທ່ຽວ​ຈັບ​ຈ່າຍ​ຕາມ​ເປົ້າໝາຍ​ທີ່​ວາງ​ໄວ້ ​ແລະ ທີ່​ສຸດ​ຂອງ​ທີ່​ສຸດ ​ກໍ​ຄື​ມີ​ວິທີ​ເຮັດ​ໃຫ້​ນັກ​ທ່ອງ​ທ່ຽວ​ປວດ​ຢາກ​ມາ​ຢ້ຽມຢາມ​ອີກ​ເທື່ອ​ໃໝ່ ບໍ່​ເບື່ອ​ເປັນ​ຈັກ​ເທື່ອ.

- 1 1 - ເລື່ອງການທ່ອງທ່ຽວມັນກ່ຽວກັບປັດໄຈຄົນຫລາຍຄົນ
- Tiger Head 728x90 - ເລື່ອງການທ່ອງທ່ຽວມັນກ່ຽວກັບປັດໄຈຄົນຫລາຍຄົນ

  ​ບົດ​ຄວາມ​ບອກ​ວ່າ: ທຽບ​ໃສ່​ໄທ​ແລ້ວ, ຫວຽດນາມ​ຍັງ​ນຳ​ຫລັງ. ຢູ່​ໄທ​ ນັກ​ທ່ອງ​ທ່ຽວ​ທີ່​ມາ​ທ່ຽວ​​ໄທ​ແລ້ວ​ແຕ່​ກັບ​ຄືນ​ມາ​ທ່ຽວ​ຊ້ຳອີກ​ນັ້ນມີ​ຈຳນວນ​ກວ່າ 50% ສ່ວນ​ຢູ່​ຫວຽດນາມນັ້ນມີ​ພຽງ 30 ປາຍ​ເປີ​ເຊັນ​ເລັກ​ນ້ອຍ​ເທົ່າ​ນັ້ນ, ສ່ວນ​ອີກ​ກວ່າ 60% ບອກ​ວ່າ “ຫລາບ!” ຍ້ອນ​ຫຍັງ? ທັງໆ​ທີ່​ພື້ນຖານ​ໂຄງ​ລ່າງ​ສຳລັບ​ການ

ທ່ອງທ່ຽວ​ຢູ່​ຫວຽດນາມ​ນັ້ນບໍ່​ນ້ອຍໜ້າ​ໃຫ້.

   ຖາມ​ເອງ​ແລ້ວ​ບົດ=ຕອບ​ເອງ​ວ່າ: “ປັດ​ໄຈ​ຄົນ” ຂອງ​ຫວຽດນາມຍັງ​ຕ້ອງ​ໄດ້​ປັບປຸງ​ຫລາຍ. ຢູ່​ຫວຽດນາມ​ຍັງ​ມີ​ກໍລະນີ​ເຈົ້າຂອງ​ຮ້ານ​ອາຫານ, ​ເຈົ້າຂອງ​ຮ້ານ​ຂອງຂວັນ, ຜູ້ນຳ​ທ່ຽວ​ເວົ້າກະຊາກ​ດ່າ​ວ່ານັກ​ທ່ອງ​ທ່ຽວ​ຕ່າງປະ​ເທດ.

   ຢູ່​ດາ​ລາດ ຫວ່າງ​ບໍ່​ດົນ​ມາ​ນີ້​ກໍ​ມີ​ກໍລະນີ​ພວກ​ສວຍ​ໂອກາດ​ບັງຄັບ​ໃຫ້​ນັກ​ທ່ອງ​ທ່ຽວ​ຊື້​ເຄື່ອງ​ຂອງ ​ແລະ ​ໃຊ້​ບໍລິການທີ່​ຟືນ​ໃຈ​ພວກ​ເຂົາ​ເຈົ້າ ​ເຮັດ​ໃຫ້​ຂ່າວ​ບໍ່​ດີ​ທີ່​ວ່າ​ແຜ່​ໄປ​ທົ່ວ​ໂລກ.

   ບົດ​ໄດ້​ກ່າວ​ຍ້ອງຍໍ​ປັດ​ໄຈ​ຄົນ​ຂອງ​ໄທ​ວ່າ “ສົມ​ເປັນ​ສະຫຍາມ​ເມືອງ​ຍິ້ມ​ແທ້”.

ປັດ​ໄຈ​ຄົນພີມບົດນີ້ເວົ້າ​ເຖິງ ​ແມ່ນ​ລວມ​ເອົາ​ທັງ​ຄົນ​ທົ່ວ​ໄປ, ​ເຈົ້າຂອງ​ຮ້ານ ​ແລະ ພາກສ່ວນ​ທີ່​​ໃຫ້​ບໍລິການ​ນັກ​ທ່ອງ​ທ່ຽວ​ທັງ​ໝົດ​ຢູ່​ບ້ານ​ເຮົາ​​ເດລະ? ຜູ້​ຂຽນ​ວ່າ​ເອົາ​ເລື່ອງ​ແກ້​ໄຂ​ອາຫານ​ແພງ ​ແລະ ​ເລື່ອງ​ການຈຳ​ແນ​ກຄ່າ​ບໍລິການ​ລະຫວ່າງ​ຄົນ​ຕ່າງປະ​ເທດ​ກັບ​ຄົນ​ລາວ​ນີ້​ສາກ່ອນ ​ຕໍ່​ໄປຈຶ່ງ​ເວົ້າ​​ເລື່ອງ​ອື່ນໆ​ກໍ​ໄດ້.

error: Content is protected !!