ເຫດຜົນທີ່ທ່ານຄວນຫັນມາກິນຊີ້ນໄກ່ໃຫ້ຫລາຍຂຶ້ນ

ເຫດຜົນທີ່ທ່ານຄວນຫັນມາກິນຊີ້ນໄກ່ໃຫ້ຫລາຍຂຶ້ນ - advert banner 728 90 728x90 - ເຫດຜົນທີ່ທ່ານຄວນຫັນມາກິນຊີ້ນໄກ່ໃຫ້ຫລາຍຂຶ້ນ

     1. ດີຕໍ່ສຸຂະພາບຈິດ : ໃນຊີ້ນໄກ່ມີວິຕາມິນເບ ການສຶກສາຈຳນວນຫລາຍໄດ້ເຜີຍວ່າ ວິຕາມິນເບເປັນສິ່ງຈຳເປັນໃນການປິ່ນປົວສຸຂະພາບຈິດ ກິນເປັນປະຈຳຈະຊ່ວຍປ້ອງກັນບໍ່ໃຫ້ທ່ານເຄັ່ງຄຽດ, ວິຕົກກັງວົນ, ປ້ອງກັນທ່ານຈາກພະຍາດຄວາມຈື່ຈຳເສື່ອມ. ນອກຈາກນີ້ຍັງສາມາດປັບປຸງສະມາທິໃນເດັກ ແລະ ຜູ້ໃຫຍ່ໄດ້. ນັກໂພຊະນາການຍັງລະບຸອີກວ່າການບໍລິໂພກຊີ້ນໄກ່ ໃນປະລິມານທີ່ພໍດີ ສາມາດຊ່ວຍຂັດຂວາງພະຍາດທາງດ້ານຈິດໃຈທີ່ກ່ຽວຂ້ອງກັບອາຍຸ ເຊັ່ນ : ອັລໄຊເມີໄດ້.

ເຫດຜົນທີ່ທ່ານຄວນຫັນມາກິນຊີ້ນໄກ່ໃຫ້ຫລາຍຂຶ້ນ - new3 - ເຫດຜົນທີ່ທ່ານຄວນຫັນມາກິນຊີ້ນໄກ່ໃຫ້ຫລາຍຂຶ້ນ

     2. ປ້ອງກັນພະຍາດເລືອດຈາງ: ເລືອດຈາງເປັນໜຶ່ງໃນບັນຫາສຸຂະພາບທີ່ທ່ານສາມາດປິ່ນປົວໄດ້ ໂດຍການກິນອາຫານທີ່ມີທາດເຫລັກ ເຊິ່ງເປັນແຮ່ທາດທີ່ພົບໄດ້ໃນຕັບໄກ່ ເຊິ່ງເປັນແຫ່ລງວິຕາມິນຕ່າງໆສູງ ເຊັ່ນ : ວິຕາມິນອາ, ວິຕາມິນເອີ ແລະ ວິຕາມິນກາ ຊ່ວຍໃນການຜະລິດແຊນເມັດເລືອດແດງ ເມື່ອຮ່າງກາຍຂອງທ່ານໄດ້ຮັບທາດເຫລັກ ແລະ ວິຕາມິນຕາມທີ່ຕ້ອງການ ທີ່ຈະສາມາດສ້າງ ແລະ ປັບຄວາມດຸ່ນດ່ຽງແຊນເມັດເລືອດແດງ.

     3. ປົກປ້ອງດວງຕາ : ທ່ານສາມາດກິນໄກ່ເພື່ອປົກປ້ອງດວງຕາຂອງທ່ານຈາກການເບິ່ງເຫັນທີ່ບໍ່ດີໄດ້ ເນື່ອງຈາກໃນໄກ່ມີເຣຕິນອລ, ໄລໂຄປີນ, ອັລຟາ ແລະ ເບຕ້າແຄໂຣທີນ ແລະອື່ນໆ, ມີສານອາຫານຈຳເປັນຕໍ່ການຮັກສາສຸຂະພາບໂດຍລວມຂອງດວງຕາ. ການບໍລິໂພກໄກ່ບໍ່ພຽງສົ່ງຜົນດີຕໍ່ຜູ້ທີ່ມີອາການຕາແຫ້ງ ຫລື ຕາບອດກາຄືນເທົ່ານັ້ນ, ແຕ່ຍັງມີປະສິດທິພາບໃນການປິ່ນປົວພະຍາດຕາຕໍ້ ແລະ ຈໍປະສາດຕາເສື່ອມ.

   4. ດີຕໍ່ແຊນຮ່າງກາຍ ແລະ ເນື້ອເຍື່ອ : ການຂາດແຮ່ທາດ ແລະ ວິຕາມິນຫລາຍຊະນິດນຳໄປສູ່ຄວາມເສຍຫາຍຂອງແຊນ ແລະ ເນື້ອເຍື່ອໃນຮ່າງກາຍ ເຊິ່ງສົ່ງຜົນໃຫ້ຮີມສົບບວມ, ຜິວລອກ ແລະ ແຕກ. ການບໍລິໂພກໄກ່ເປັນປະຈຳສາມາດສົ່ງເສີມການຈະເລີນເຕີບໃຫຍ່ຂອງແຊນ ແລະ ເນື້ອເຍື່ອທີ່ເສຍຫາຍໄດ້ຢ່າງມີປະສິດທິພາບ.

     5. ຊ່ວຍເພີ່ມລະບົບພູມຕ້ານທານ : ລະບົບພູມຕ້ານທານຂອງທ່ານຕ້ອງການໂປຣຕິນໃນລະດັບທີ່ພຽງພໍ ໃນໄກ່ມີທາດເຫລັກ, ແມັກນີຊຽມ ແລະ ໂປຕັສຊຽມປະລິມານຫລາຍ ເມື່ອບໍລິໂພກຈະຊ່ວຍເສີມສ້າງແຊນໃນລະບົບພູມຕ້ານທານ, ພູມຕ້ານທານທີ່ແຂງແຮງຂຶ້ນ.

     6. ເພື່ອສຸຂະພາບຜົ້ງປາກທີ່ດີ : ການບໍລິໂພກໄກ່ຈະເປັນປະໂຫຍດຕໍ່ສຸຂະພາບຜົ້ງປາກຂອງທ່ານ ມັນສາມາດເຮັດໃຫ້ແຂ້ວ ແລະ ເຫືອກແຂງແຮງ ເນື່ອງຈາກມີປະລິມານຟົສຟໍຫລາຍ.

ເຫດຜົນທີ່ທ່ານຄວນຫັນມາກິນຊີ້ນໄກ່ໃຫ້ຫລາຍຂຶ້ນ - lattana 1 - ເຫດຜົນທີ່ທ່ານຄວນຫັນມາກິນຊີ້ນໄກ່ໃຫ້ຫລາຍຂຶ້ນ

     7. ເພື່ອສຸຂະພາບເລັບ : ໃນກໍລະນີສ່ວນຫລາຍການຂາດແຮ່ທາດ ແລະ ວິຕາມິນອາດເຮັດໃຫ້ເລັບຂອງທ່ານອ່ອນແອລົງ ຜູ້ຊ່ຽວຊານດ້ານຄວາມງາມ ແລະ ນັກໂພຊະນາການລະບຸວ່າ : ການຂາດສານອາຫານທີ່ຈຳເປັນໃນຮ່າງກາຍຂອງທ່ານ ສົ່ງຜົນກະທົບຕໍ່ຮ່າງກາຍຂອງທ່ານ ເຊິ່ງສົ່ງຜົນໃຫ້ເກີດບັນຫາເລັບທີ່ຈີກຫັກໄດ້ງ່າຍ ດັ່ງນັ້ນ ການບໍລິໂພກໄກ່ສາມາດປັບປຸງສຸຂະພາບເລັບຂອງທ່ານໄດ້ ເນື່ອງຈາກມັນມີສ່ວນປະສົມຂອງທາດເຫລັກ, ໂປຕັສຊຽມ ແລະ ວິຕາມິນຕ່າງໆ.

     8. ປັບຄວາມດຸ່ນດ່ຽງຮໍໂມນ :  ການບໍລິໂພກໄກ່ສາມາດສ້າງຄວາມດຸ່ນດ່ຽງຂອງຮໍໂມນຄໍຕິໂຊນໃນຮ່າງກາຍຂອງທ່ານ ຮໍໂມນຄໍຕິໂຊນທີ່ບໍ່ດຸ່ນດ່ຽງອາດເພີ່ມຂຶ້ນໃນລະດັບຄວາມເຄັ່ງຄຽດ. ສ່ວນຫລາຍເກີດຂຶ້ນເນື່ອງຈາກການເຮັດວຽກທີ່ບໍ່ເໝາະສົມຂອງຕ່ອມໝວກໄຕ ເຊິ່ງຈຳເປັນຕ້ອງຮັກສາການເຮັດວຽກຂອງຕ່ອມໝວກໄຕໃຫ້ດຸ່ນດ່ຽງເພື່ອຮັກສາຄວາມດຸ່ນດ່ຽງຂອງຮໍໂມນ ໃນຮ່າງກາຍຂອງທ່ານ.

     9. ເພື່ອສຸຂະພາບຫົວໃຈ ແລະ ຫລອດເລືອດ : ນັກໂພຊະນາການແນະນຳວ່າການໄດ້ຮັບໄກ່ຢ່າງພຽງພໍຕະຫລອດອາທິດ ສາມາດຊ່ວຍຫລຸດຜ່ອນຄວາມດັນເລືອດ ແລະ ລະດັບຄໍເລສເຕີໂຣນທີ່ເພີ່ມຂຶ້ນໄດ້ ເຊິ່ງເປັນສາເຫດຂອງບັນຫາຫົວໃຈ ແລະ ຫລອດເລືອດ ເຊັ່ນ : ພະຍາດຫລອດເລືອດສະໝອງແລະ ຫົວໃຈວາຍ.

     10. ປ້ອງກັນຄວາມໜາວຕາມລະດູການ : ໃນແກງໄກ່ອຸ່ນໆ ຄາບອາຫານແຊບໆນີ້ມີສານອາຫານຫລວງຫລາຍທີ່ຊ່ວຍຫລຸດຜ່ອນພະຍາດໄຂ້ຫວັດ ແລະ ພະຍາດອື່ນໆ ເຊັ່ນ : ເຈັບຄໍ ແລະ ຕັນດັງ. ນອກຈາກນີ້ ນັກໂພຊະນາການແນະນຳໃຫ້ຕື່ມສ່ວນປະສົມອື່ນໆລົງໄປນຳ ເຊັ່ນ : ໝາກສາລີ ແລະ ຜັກອື່ນໆເພື່ອໃຫ້ໄດ້ຮັບສານອາຫານໄດ້ຄົບຖ້ວນ.

     11. ດີຕໍ່ການຫລຸດນຳ້ໜັກ : ໄກ່ເປັນໂຕເລືອກທີ່ດີ ເມື່ອເວົ້າເຖິງການຮັກສານຳ້ໜັກໂຕ ມັນມີປະລິມານໄຂມັນທີ່ຕໍ່າສຸດ ແລະ ຄຸນຄ່າທາງໂພຊະນາການສູງສຸດ ທ່ານສາມາດເລືອກຮັບເອິກໄກ່ຢ່າງໜ້ອຍ 3 ເທື່ອໃນ 1 ອາທິດ. ໂຕຢ່າງວ່າ : ສາມາດເພີ່ມລົງໃນລາບ ຫລື ແກງ. ນອກຈາກນີ້, ທ່ານສາມາດກິນປີ້ງໄກ່, ໄກ່ອົບ, ຊົ້ວໄກ່ ກິນກັບຜັກທີ່ທ່ານມັກໄດ້ນຳອີກ.

error: Content is protected !!