ປັດໄຈ ຈະພາໃຫ້ການທ່ອງທ່ຽວ ຄຶກຄື້ນ

ປັດໄຈ ຈະພາໃຫ້ການທ່ອງທ່ຽວ ຄຶກຄື້ນ - advert banner 728 90 728x90 - ປັດໄຈ ຈະພາໃຫ້ການທ່ອງທ່ຽວ ຄຶກຄື້ນ

ພວກເຮົາຮູ້ວ່າ ການທ່ອງທ່ຽວແມ່ນອຸດສາຫະກຳນຶ່ງທີ່ສ້າງລາຍຮັບແກ່ປະເທດຊາດໃນປັດຈຸບັນ ແລະ ຫຼາຍຄົນກໍເຂົ້າໃຈແບບດຽວກັນວ່າ ສປປລາວ ມີທ່າແຮງໃນການພັດທະນາການທ່ອງທ່ຽວຂອງລາວ ໃຫ້ກ້າວໄກ ຂຶ້ນກວ່ານີ້ ແຕ່ຈະເຮັດໄດ້ແນວນັ້ນມັນຄວນມີອັນໃດແດ່ເປັນໂຕຂັບເຄື່ອນ?

ປັດໄຈ ຈະພາໃຫ້ການທ່ອງທ່ຽວ ຄຶກຄື້ນ - new3 - ປັດໄຈ ຈະພາໃຫ້ການທ່ອງທ່ຽວ ຄຶກຄື້ນ

ການທ່ອງທ່ຽວແມ່ນ 1 ໃນ 8​ ແຜນງານບູລິມະສິດຂອງລັດຖະບານ ໃນການພັດທະນາເສດຖະກິດ-ສັງຄົມຂອງຊາດ ເຊິ່ງກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວ ກໍໄດ້ສ້າງຍຸດທະສາດການທ່ອງທ່ຽວ ແຫ່ງຊາດຂຶ້ນແຕ່ປີ 2016-2025, ສະນັ້ນ ປີ 2018​ ຈຶ່ງໄດ້ຮັບການປະກາດເປັນປີທ່ອງທ່ຽວແຫ່ງສປປລາວ ແລະ ໄດ້ປະກາດ 2019​ ແມ່ນປີ ການທ່ອງທ່ຽວ ລາວ-ຈີນ, ເຖິງຢ່າງໃດກໍຕາມພວກເຮົາຍັງບໍ່ຮັບປະກັນໄດ້ວ່າ ຈະມີນັກທ່ອງທ່ຽວ ເຂົ້າມາທ່ຽວຊົມ ສປປລາວລື່ນກາຍປີ 2015 ນັ້ນໄດ້ຫຼືບໍ່

ຈາກບົດລາຍງານການທ່ອງທ່ຽວປີ 2016 ຂອງ ສປປລາວ ​ໃຫ້ຮູ້ວ່າ ຈຳນວນນັກທ່ອງທ່ຽວທີ່ເຂົ້າມາ ທ່ຽວຊົມ ສປປລາວ ປີ 2016 ​ນັ້ນຫຼຸດລົງຈາກ 2015 ເຖິງ 10% ຄືຈາກ 4,684,429 (2015) ມາເປັນ 4,239,047 (2016) ສິ່ງນີ້ກໍເປັນປັດໄຈນຶ່ງທີ່ເຮັດການຂະຫຍາຍຕົວເສດຖະກິດຂອງ ສປປລາວ ໃນປີ 2017​ຊ້າລົງຈາກ 7% ໃນປີ 2016​ ມາເປັນ 6.7% ໃນປີ 2017​ (ທະນາຄານໂລກ, ທັນວາ 2017), ແລະ ຈຳນວນນັກ ທ່ອງທ່ຽວ ທີ່ເຂົ້າມາປະເທດເຮົາໃນປີ 2018​ ນັ້ນກໍຫຼຸດເປົ້າໝາຍທີ່ວາງໄວ້.

ທ່ານ ໄວພົດ ແກ້ວປະເສີດ, ຮອງປະທານບໍລິສັດແກ້ວມຸງຄຸນທ່ອງທ່ຽວຈຳກັດຜູ້ດຽວ ໄດ້ປະກອບ ກິດຈະການການທ່ອງທ່ຽວມາແຕ່ປີ 2012 ເຊິ່ງເຮັດໃຫ້ທ່ານມີປະສົບການ ແລະຮັບຮູ້ທ່າອ່ຽງ ແລະສິ່ງທ້າທາຍ ຂອງວຽກງານການທ່ອງທ່ຽວຂອງ ສປປລາວຫຼາຍສົມຄວນ, ທ່ານເລົ່າສູ່ຟັງວ່າ “ການທ່ອງທ່ຽວໃນ ສປປລາວ ແມ່ນຂໍ້ສະດວກຢູ່ບ່ອນວ່າ ເຮົາມີນະໂຍບາຍຂອງ ລັດຖະບານເຮົາທີ່ສະໜັບສະໜູນການທ່ອງທ່ຽວ, ມີແຫຼ່ງ ທ່ອງທ່ຽວທາງດ້ານວັດທະນະທຳ ແລະທຳມະຊາດທີ່ເປັນຕາມາມາທ່ຽວຊົມ ແລະມີການຄຸ້ມຄອງວຽກງານ ທ່ອງທ່ຽວໄດ້ດີສົມຄວນ”

ປັດໄຈ ຈະພາໃຫ້ການທ່ອງທ່ຽວ ຄຶກຄື້ນ - lattana 1 - ປັດໄຈ ຈະພາໃຫ້ການທ່ອງທ່ຽວ ຄຶກຄື້ນ

ແຕ່ພ້ອມກັນນັ້ນ ທ່ານ ໄວພົດ ສັງເກດເຫັນວ່າ ຖ້າຕ້ອງການໃຫ້ວຽກງານການທ່ອງທ່ຽວຂອງ ສປປລາວ ກ້າວໄກກວ່ານີ້ ພວກເຮົາຄວນປັບປຸງວຽກງານບາງດ້ານ ທີ່ເປັນພື້ນຖານທີ່ສຸດຄື 1) ຖ້າເສັ້ນທາງດີ, ການໄປມາ ສະດວກຄົນກໍຢາກໄປ,  ອີງຕາມບົດລາຍງານວ່າ ດ້ວຍການຄົມມະນາຄົມຂອງບັນດາປະເທດໃນໂລກ ສົກປີ 2016-2017 ຂອງເວທີເສດຖະກິດໂລກ (World Economic Forum), ສົມທຽບແລ້ວ ສປປລາວ ໄດ້ຮັບຄະແນນຕໍ່າສຸດ ໃນພາກພື້ນຄື 2.8​ ຈາກຄະແນນເຕັມ 7, ສິ່ງດັ່ງກ່າວກຳລັງເປັນເລື່ອງທີ່ ລັດຖະບານກຳລັງ ພະຍາຍາມແກ້ໄຂ, 2) ສະຖານທີ່ທ່ອງທ່ຽວ ເວົ້າສະເພາະແມ່ນ ຫ້ອງນໍ້າຄວນຕ້ອງຮັກສາໃຫ້ສະອາດຢູ່ສະເໝີ.

3)​ ອາຫານ ແລະທີ່ພັກ ນັ້ນບໍ່ໃຫ້ແພງ ຈົນເກີນໄປ ແລະໃຫ້ສະອາດ ແລະ 4) ຂະແໜງທ່ອງທ່ຽວຕ້ອງຖືເອົາການ ການບໍລິການ ເປັນໝາກຫົວໃຈ, ພະນັກງານໂຮງແຮມ, ຮ້ານອາຫານ ຄວນໄດ້ຮັບການນຸ່ງຖືທີ່ເປັນລະບຽບຮຽບຮ້ອຍ, ມີຄວາມວ່ອງໄວຄ່ອງແຄ່ວ, ຍິ້ມຫົວ ແລະເປັນມິດ ແລະຊ່ຽວຊານວຽກງານຢ່າງດີ ເຊິ່ງ ໂຮງແຮມ ຮ້ານອາຫານຫຼາຍແຫ່ງຢູ່ບ້ານເຮົາຍັງຂາດດ້ານນີ້.  

ນອກຈາກນັ້ນ, ທ່ານ ໄວພົດ ຍັງຊີ້ໃຫ້ເຫັນອີກວ່າ “ຄວາມຈິງແລ້ວ ສປປລາວ ເຮົາມີທ່າແຮງຢ່າງຫຼວງຫຼາຍ ໂດຍສະເພາະແຫຼ່ງທ່ອງທ່ຽວທຳມະຊາດ ເຊິ່ງ ທັງຄົນລາວ ແລະຄົນຕ່າງປະເທດ ກໍມີຄວາມກະຫາຍຢາກລົງທຶນດ້ານນີ້ຄືກັນ ແຕ່ມັນຍາກຢູ່ບ່ອນວ່າ ຄ່າເຊົ່າສະຖານທີ່, ຄ່າທຳນຽມຕ່າງໆນັ້ນ ຍັງຂ້ອນຂ້າງແພງ” ເຊິ່ງອັນນີ້ມັນກໍກ່ຽວຂ້ອງກັບນະໂຍບາຍການລົງທຶນທີ່ລັດຖະບານເຮົາກຳລັງສຸມໃສ່ແກ້ໄຂ ແລະຫວັງວ່າສະພາບແວດລ້ອມການລົງທຶນນີ້ ຈະໄດ້ຮັບການປັບປຸງໃຫ້ດີຂຶ້ນ ເພື່ອຍູ້ການທ່ອງທ່ຽວລາວ ຄືກຄື້ນດັ່ງທີ່ວາດຫວັງໄວ້.

error: Content is protected !!