ທຣຳ ເວົ້າວ່າ: ຈີນຂ້າສະຫະລັດດ້ວຍການເຈລະຈາການຄ້າທີ່ບໍ່ມີຄວາມສະເໝີພາບ

ທຣຳ ເວົ້າວ່າ: ຈີນຂ້າສະຫະລັດດ້ວຍການເຈລະຈາການຄ້າທີ່ບໍ່ມີຄວາມສະເໝີພາບ - advert banner 728 90 728x90 - ທຣຳ ເວົ້າວ່າ: ຈີນຂ້າສະຫະລັດດ້ວຍການເຈລະຈາການຄ້າທີ່ບໍ່ມີຄວາມສະເໝີພາບ

ຮຽບຮຽງໂດຍ: ລູກເມືອງພວນ

ທຣຳ ເວົ້າວ່າ: ຈີນຂ້າສະຫະລັດດ້ວຍການເຈລະຈາການຄ້າທີ່ບໍ່ມີຄວາມສະເໝີພາບ - new3 - ທຣຳ ເວົ້າວ່າ: ຈີນຂ້າສະຫະລັດດ້ວຍການເຈລະຈາການຄ້າທີ່ບໍ່ມີຄວາມສະເໝີພາບ
ທຣຳ ເວົ້າວ່າ: ຈີນຂ້າສະຫະລັດດ້ວຍການເຈລະຈາການຄ້າທີ່ບໍ່ມີຄວາມສະເໝີພາບ - 36 - ທຣຳ ເວົ້າວ່າ: ຈີນຂ້າສະຫະລັດດ້ວຍການເຈລະຈາການຄ້າທີ່ບໍ່ມີຄວາມສະເໝີພາບ

ອີງຈາກແຫຼ່ງຂາວ VnExpress, ວັນທີ 7 ສິງຫາ ນີ້, ທຣຳ ເວົ້າວ່າ: ປັກກິງກຳລັງມັດຂາ ວໍຊິງຕັນ ແລະ ຢືນ ຢັນວ່າຈະໃຊ້ມາດຕະການທີ່ ແຂງກ້າວຕໍ່ຈີນ ຈິ່ງຈະມີຜົນດີໃຫ້ແກ່ເສດຖະກິດຂອງສະຫະລັດ.

ທຣຳ ໃຫ້ຮູ້ວ່າ: ເຂົາຮູ້ດີວ່າ, ເມື່ອເຂົາຂຶ້ນອັດຕາພາສີ 300 ຕື້ໂດລາ ຕໍ່ສິນຄ້ານຳເຂົ້າຈາກຈີນ, ຈະເກີດການຕໍ່ຕ້ານ ຈາກບັນດາທຸລະກິດໃນທ້ອງຕະຫຼາດ ແຕ່ເຂົາກໍມີຄວາມ ເຊື່ອໝັ້ນຕໍ່ຄວາມເຂັ້ມແຂງທາງດ້ານເສດຖະກິດຂອງປະເທດຕົນເອງ. ທຣຳ ເວົ້າວ່າ: “ໃນທີ່ສຸດເສດຖະກິດຈະມີການຂະຫຍາຍຕົວແຂງແຮງກ່ວາເກົ່າເພາະວ່າ ຈີນ ປຽບສະເໝືອນຄືກັນກັບສະມໍ ເທົ່ານັ້ນ. ຈີນ ຂ້າພວກ ເຮົາດ້ວຍການເຈລະຈາການຄ້າທີ່ ບໍ່ມີຄວາມສະເໝີພາບ ”

ສົງຄາມການຄ້າລະສະຫະລັດ – ຈີນ ເພີ່ມຄວາມເຄັ່ງຕຶງອີກຄັ້ງໃນອາທິດທີ່ຜ່ານມາໃນເມື່ອສະຫະລັດກ່າວຫາ ຈີນວ່າ ເປັນປະເທດໝູນ ໃຊ້ເງິນຕາເພາະປັກກິງໄດ້ຫຼຸດຄ່າເງິນຂອງຕົນລົງຕໍ່າກວ່າ 7 ຢວນຕໍ່ 1 ໂດລາສະຫະລັດ. ສະຫະລັດຈະຂຶ້ນພາສີເພີ່ມເຕີມ 10% ໃນມູນຄ່າ 300 ຕື້ໂດລາຕໍ່ສິນຄ້ານຳເຂົ້າຈາກຈີນ, ຊຶ່ງຈະເລີ່ມປະຕິບັດໃນວັນທີ 1 ກັນຍາເປັນຕົ້ນໄປ, ປັກກິງກໍ່ປະກາດວ່າ: ຈະຢຸດຕິນຳເຂົ້າພືດກະສິກຳຂອງສະຫະລັດ. ຕະຫຼາດຫຼັກຊັບຂອງສະຫະລັດຫຼຸດລົງ ຢ່າງແຮງຈາກການຂັດແຍ່ງທາງດ້ານການຄ້າ. ກຳໄລດ້ານພັນທະບັດຂອງສະຫະລັດໃນໄລຍະ 30 ປີຜ່ານມາ ຫຼຸດລົງຕໍ່າສຸດເປັນປະຫວັດການໃນວັນທີ 7 ສິງຫານີ້.

ທຣຳ ເວົ້າວ່າ: ຈີນຂ້າສະຫະລັດດ້ວຍການເຈລະຈາການຄ້າທີ່ບໍ່ມີຄວາມສະເໝີພາບ - lattana 1 - ທຣຳ ເວົ້າວ່າ: ຈີນຂ້າສະຫະລັດດ້ວຍການເຈລະຈາການຄ້າທີ່ບໍ່ມີຄວາມສະເໝີພາບ

ເຈົ້າໜ້າທີ່ໃນທຳນຽບຂາວໃຫ້ຮູ້ວ່າ: ເຂົາຍັງມີ ຄວາມຫວັງວ່າ ການເຈລະຈາການຄ້າຈະມີຂຶ້ນໃນເດືອນ ກັນຍາທີ່ຈະມາເຖິງຢູ່ສະຫະລັດອາເມລິກາ. ພວກເຂົາເວົ້າວ່າ: ອັດຕາພາສີໃໝ່ຄັ້ງຫຼ້າສຸດນີ້ ອາດຈະມີການປ່ຽນແປງປີ້ນກັບຄືນກໍເປັນໄດ້ຖ້າການເຈລະຈາສອງເສດຖະກິດຍັກໃຫຍ່ຂອງໂລກຫາກມີຄວາມຄືບໜ້າ.

ວັນທີ 6 ສິງຫານີ້, ທະນາຄານການລົງທຶນລະຫວ່າງ ປະເທດ Goldman Sachs ຄາດເດົາວ່າ, ເມື່ອມາເບິ່ງທ່າ ທີທີ່ແຂງກ້າວຂອງທັງສອງຝ່າຍແລ້ວ ຄືຊິເປັນໄປໄດ້ຍາກ ທີ່ຈະເຈລະຈາກັນໄດ້ກ່ອນ ການເລືອກຕັ້ງປະທານາທິ ບໍດີຂອງສະຫະລັດໃນເດືອນພະຈິກ 2020.

error: Content is protected !!