ຕາຍຍ້ອນໄຂ້ຍຸງລາຍເປັນຮ້າຍກວ່າເຂື່ອນແຕກ

ຕາຍຍ້ອນໄຂ້ຍຸງລາຍເປັນຮ້າຍກວ່າເຂື່ອນແຕກ - advert banner 728 90 728x90 - ຕາຍຍ້ອນໄຂ້ຍຸງລາຍເປັນຮ້າຍກວ່າເຂື່ອນແຕກ

ໂດຍ: ທິດ​ກ່ຳ

ຕາຍຍ້ອນໄຂ້ຍຸງລາຍເປັນຮ້າຍກວ່າເຂື່ອນແຕກ - new3 - ຕາຍຍ້ອນໄຂ້ຍຸງລາຍເປັນຮ້າຍກວ່າເຂື່ອນແຕກ
ຕາຍຍ້ອນໄຂ້ຍຸງລາຍເປັນຮ້າຍກວ່າເຂື່ອນແຕກ - 5274 - ຕາຍຍ້ອນໄຂ້ຍຸງລາຍເປັນຮ້າຍກວ່າເຂື່ອນແຕກ

ອີງຕາມຜົນເສຍຫາຍຈາກເຂື່ອນເຊປຽນ-ເຊນ້ຳນ້ອຍແຕກໃນວັນທີ 23 ເດືອນ ກໍລະກົດ 2018 ມີຄົນຕາຍ ແລະ ສູນຫາຍພຽງ 30 ກວ່າ ຄົນນີ້ບໍ່ໄດ້ໄລ່ກວມລວມໄປ ເຖິງເຄື່ອງປູກຂອງຝັງ, ສັດສາວາສິ່ງ, ເຮືອນຊານບ້ານ ຊ່ອງ, ລົດລາງພາຫະນະ  ແລະ ຊັບສິນເງິນຄຳ ຕ່າງໆ ໃນຈຳນວນ 6 ບ້ານທີ່ ມີການເສຍຫາຍໜັກ.

ແຕ່ວ່າການລະບາດ ຂອງພະຍາດໄຂ້ຍຸງລາຍໃນ  ປີ 2019 ນີ້ໄດ້ສັງເວີຍຊີວິດ ອິນ ຊີຂອງຄົນລາວຢູ່ຫລາຍ ທ້ອງຖິ່ນໄປເຖິງ 50 ກວ່າຄົນ ແລ້ວ. ເມື່ອມາປຽບທຽບໃສ່ ສະຖິຕິຂອງຈຳນວນຄົນທີ່ ຕາຍຍ້ອນພະຍາດນີ້ກໍເປັນ ອັນວ່າມັນຫລາຍກວ່າ ຈຳ ນວນຄົນຕາຍຍ້ອນເຂື່ອນແຕກ.

ແຕ່ກໍເຫັນວ່າມັນ ຄືເປັນ ເລື່ອງທຳມະດາເພາະຄົນຕາຍຍ້ອນພະຍາດໄຂ້ຍຸງລາຍມັນຢັງຢາຍກະຈາຍຢູ່ຕາມ ແຕ່ລະທ້ອງຖິ່ນໃນທົ່ວປະເທດກໍເລີຍເປັນບັນຫາປົກກະຕິທຳມະດາບໍ່ຄ່ອຍມີໃຜສົນໃຈໃນເຫດການ, ໃຜຕາຍໃຜຍັງມັນກໍແລ້ວໄປຕາມວາດສະໜາ.

ສະຖິຕິຂອງການຕາຍ ຍ້ອນໄຂ້ເລືອດອອກນີ້ແມ່ນ ອີງຕາມການລາຍງານຂອງກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ນັບແຕ່ທ້າຍເດືອນທັນວາ 2018 ຫາ ເດືອນສິງຫາ 2019. ຜ່ານການສຳຫລວດ ເກັບກຳຜົນການລະບາດຂອງພະຍາດດັ່ງກ່າວປີນີ້ ໜັກກວ່າໝູ່ແມ່ນຢູ່ນະຄອນ ຫລວງວຽງຈັນເຮົາມີເຖິງ 4.769 ກໍລະນີ, ເສຍຊີວິດໄປແລ້ວ 13 ຄົນ, ຮອງລົງມາ ແມ່ນສະຫວັນນະເຂດມີ 3.646 ກໍລະນີ ເສຍຊີວິດໄປແລ້ວ 18 ຄົນ, ຈຳປາສັກ 2.937 ກໍລະນີ ເສຍຊີວິດ 5 ຄົນ. ສ່ວນແຂວງທີ່ຍັງປອດ ບໍ່ທັນມີປາກົດການລະບາດ ກໍແມ່ນແຂວງຫົວພັນດິນແດນວິລະຊົນຄົນກ້າ, ແຕ່ພັດ ສູນເສຍຈາກດິນເຈື່ອນທົບ ຖົມຄົນໄປເປັນ 7 ຄົນຍັງບໍ່ ທັນເຫັນ.

ເມື່ອຕັ້ງໂຈດກັນວ່າ ພະ ຍາດໄຂ້ຍຸງລາຍຢູ່ບ້ານເຮົາ ມັນເກີດຂຶ້ນ ແລະ ແຜ່ລະບາດກັນໄດ້ແນວໃດ? ຕາມທັດ ສະນະຂອງທິດກ່ຳທີ່ບໍ່ໄດ້ ເປັນແພດເປັນໝໍພຽງແຕ່ ເປັນຄົນຂຽນຂໍວິເຄາະຕາມສະພາບຄວາມເປັນຈິງທີ່ໄດ້ຕິດຕາມມາກໍແມ່ນເກີດມາ ຈາກບ້ານເຮົາເປັນເຂດ ຮ້ອນ, ພະຍາດນີ້ມັນເກີດ ໃນຊ່ວງລະດູຝົນ, ຄົນລາວມັກ ຢູ່ຮ້າຍ, ກິນເຮີະ, ບໍ່ຄ່ອຍຖື ເປັນບັນ ຫາສຳຄັນໃນການດຳລົງຊີ ວິດປະຈຳວັນເຊັ່ນຢູ່ສະອາດ, ກິນສະອາດ.

ອັນສຳຄັນກວ່າໝູ່ແມ່ນການຮົກເຮື້ອ, ຢູ່ໃກ້ນ້ຳອັ່ງຂັງອັນເປັນສະຖານທີ່ເພາະ ພັນຂອງຍຸງລາຍ. ຈຸດທີ່ຍຸງລາຍມັກຢູ່ນຳຄົນກໍແມ່ນບ່ອນສີມືດໆ, ບ່ອນມີກິ່ນ  ເໝັນ, ຕາມຫ້ອງນອນ, ບ່ອນ ໄວ້ຂອງເສື້ອຜ້າ, ຕາມຂອກແຄແຈຮົ້ວ, ກະໂປະ, ຕາມຕິນລົດເກົ່າທີ່ປະຖິ້ມໄວ້ຝົນຕົກມາມີນ້ຳບັນຈຸ, ຕາມພາຊະນະອື່ນໆ ກໍເລີຍເປັນທີ່ມາຂອງການແຜ່ພັນເຊື້ອໄຂ້ຍຸງລາຍມາສູ່ຄົນເຮົາຢ່າງງ່າຍດາຍ.

ຕາຍຍ້ອນໄຂ້ຍຸງລາຍເປັນຮ້າຍກວ່າເຂື່ອນແຕກ - lattana 1 - ຕາຍຍ້ອນໄຂ້ຍຸງລາຍເປັນຮ້າຍກວ່າເຂື່ອນແຕກ

ຈາກບັນຫາຕ່າງໆ ທີ່ທິດກ່ຳໄດ້ເວົ້າມາຂ້າງເທິງນີ້, ແມ່ນເປັນທີ່ມາຂອງພະຍາດໄຂ້ຍຸງທີ່ອັນຕະລາຍກາຍເປັນມັດຈຸລາດຂ້າຄົນຕາມສະພາບຂອງຜູ້ຖືເບົາ.

ແນວໃດກໍຕາມ, ຖ້າເວົ້າເຖິງການປາບປາມຫລືວ່າ ການຕ້ານ ແລະ ສະກັດກັ້ນ ໃຫ້ພະຍາດນີ້ໝົດໄປຢ່າງຊິ້ນເຊີງນັ້ນພວກຂ້ອນຂ້າງຖືເບົາ, ສ່ວນຫລາຍມັນເກີດຂຶ້ນແລ້ວຈຶ່ງຄ່ອຍຕື່ນ.

ຂະແໜງການກ່ຽວຂ້ອງ ເບິ່ງຢ່າງໜຶ່ງກໍຄືວ່າຕາມມີຕາມເກີດ, ເວົ້າຄວາມຈິງຜູ້ ໃດຕິດພະຍາດນີ້ມາໂຮງໝໍ ກໍປິ່ນປົວໃຫ້, ຜູ້ໃດເປັນໜັກມາໂຮງໝໍບໍ່ທັນກໍຕາຍໄປ, ມາຮອດແພດ, ຮອດໝໍແລ້ວ ເຮັດຊັກຊ້າ, ເຢີບໆ, ຢາບໆ ປົວບໍ່ທັນກໍເສຍຊີວິດຕາມຍະຖາກຳ.

ເຖິງຢ່າງໃດກໍດີ, ຕາມ ທິດກ່ຳ ກໍຄິດວ່າດີແທ້ໃກ້ຈະເຖິງລະດູການມາ, ຂະແໜງ ການກ່ຽວຂ້ອງຕ້ອງມີການປຸກລະດົມຢ່າງແຂງແຮງຖືເອົາການປາບປາມ ແລະ ການຕ້ານໜັກກວ່າການປິ່ນປົວເຮົາຄິດວ່າການແຜ່ພັນຂອງພະຍາດນີ້ ຈະໝົດໄປ ໂດຍປະລິຍາຍ.

ບັນຫາຄົນຕາຍຍ້ອນ ພະຍາດໄຂ້ຍຸງກໍຈະໄດ້ຫລຸດ ຜ່ອນບໍ່ເຮິະຮ້າຍກວ່າເຂື່ອນ ແຕກແຍກຄົນໃນຄອບຄົວ ນັ້ນລະເປັນການດີ. ນອກຈາກ ນັ້ນ, ຕົວເຮົາເອງກໍຕ້ອງເປັນ ເຈົ້າການປາບປາມທີ່ມາ ຂອງພະຍາດນີ້ຕາມຫລັກ ການ 5 ປໍຄືແນວທາງຂອງ ກະຊວງສາທາວາງອອກ./.

error: Content is protected !!