7 ອາການບອກວ່າທ່ານກຳລັງນອນບໍ່ພໍ

7 ອາການບອກວ່າທ່ານກຳລັງນອນບໍ່ພໍ - advert banner 728 90 728x90 - 7 ອາການບອກວ່າທ່ານກຳລັງນອນບໍ່ພໍ

    ຕໍ່ໄປນີ້ແມ່ນ 7 ອາການທີ່ບົ່ງບອກວ່າທ່ານກຳລັງນອນບໍ່ພໍ ຄວນຮີບຟ້າວພັກຜ່ອນໃຫ້ພຽງພໍ.

     ຕອນເຊົ້າບໍ່ຢາກຈະຕື່ນຕອນກາງຄືນກໍບໍ່ຄ່ອຍຍອມນອນ, ແຕ່ດັນມາຮູ້ສຶກເຫງົານອນຕອນກາງເວັນຢູ່ໝົດມື້ ອາການແບບນີ້ອາດບົ່ງບອກວ່າທ່ານກຳລັງມີອາການນອນບໍ່ພໍ ຄວນໄດ້ຮັບການພັກຜ່ອນໃຫ້ເຕັມທີ່ໂດຍໄວ ຫາກປ່ອຍໄວ້ອາດເຮັດໃຫ້ອ່ອນເພຍ ສຸຂະພາບເສື່ອມໂຊມໄດ້.

     – ບໍ່ຢາກລຸກຈາກບ່ອນນອນ : ຖ້າການມືນຕາຕື່ນ ແລະ ລຸກຈາກບ່ອນນອນເປັນການກະທຳທີ່ຍາກລຳບາກຫລາຍ ແລະ ທ່ານຍັງເປັນຢູ່ແບບນີ້ຫລາຍເທື່ອ ຮູ້ສຶກທຸກທໍລະມານທຸກເທື່ອກັບການຕື່ນນອນ ນີ້ເລີ່ມເປັນສັນຍານທີ່ບົ່ງບອກວ່າຮ່າງກາຍຂອງທ່ານຕ້ອງການພັກຜ່ອນຫລາຍກ່ວານີ້.

     – ສະໝອງບໍ່ປອດໂປ່ງ ຄິດຫຍັງບໍ່ອອກ : ທ່ານຮູ້ສຶກວ່າຫົວໜັກໆ ຮູ້ສຶກໜ່ວງໆ ຄິດຫຍັງໄດ້ເຊື່ອງຊ້າຫລາຍ, ຄິດວຽກບໍ່ອອກ, ຈື່ຫຍັງກໍບໍ່ຄ່ອຍໄດ້, ຟັງຫຍັງກໍໃຊ້ເວລາດົນກ່ວາຈະເຮັດຄວາມເຂົ້າໃຈໄດ້ ແລະ ຄວາມຮູ້ສຶກຊ້າໄປໝົດທຸກຢ່າງ.

     – ຫລົງໆລືມໆ : ທ່ານເປີດຄອມພິວເຕີ ນັ່ງຈ້ອງຈໍຄອມພິວເຕີທີ່ວ່າງເປົ່າ ແລ້ວສົງໄສວ່າທ່ານກຳລັງຈະເຮັດຫຍັງ ? ທ່ານຈັບໂທລະສັບຂຶ້ນມາ ແລ້ວກໍຄິດບໍ່ອອກວ່າກຳລັງຈະເປີດເບິ່ງຫຍັງ ? ອາການຫລົງໆລືມໆ, ມຶນງົງສັບສົນແບບນີ້ນອກຈາກຈະເຮັດໃຫ້ທ່ານເຮັດວຽກໄດ້ຊ້າແລ້ວ ຍັງເສຍບຸກຄະລິກກະພາບ ແລະ ເສຍຄວາມໝັ້ນໃຈນຳອີກ.

7 ອາການບອກວ່າທ່ານກຳລັງນອນບໍ່ພໍ - lattana 1 - 7 ອາການບອກວ່າທ່ານກຳລັງນອນບໍ່ພໍ
7 ອາການບອກວ່າທ່ານກຳລັງນອນບໍ່ພໍ - 1 1 - 7 ອາການບອກວ່າທ່ານກຳລັງນອນບໍ່ພໍ

     – ໃຈລອຍ ບໍ່ມີສະມາທິ : ທ່ານບໍ່ສາມາດຈົດຈໍ່ ຫລື ເອົາໃຈໃສ່ເນັ້ນຄວາມສົນໃຈໄປຫາສິ່ງໃດສິ່ງໜຶ່ງໄດ້ເປັນເວລາດົນໆ ເຊັ່ນ : ໃນກອງປະຊຸມ ຕອນທຳອິດທ່ານກໍນັ່ງຕັ້ງໃຈຟັງຢູ່, ແຕ່ເມື່ອຮູ້ໂຕຂຶ້ນມາ ທ່ານກໍໃຈລອຍ, ສະມາທິຫລຸດໄປບ່ອນອື່ນ ຈົນຕິດຕາມປະເດັນທີ່ກອງປະຊຸມກຳລັງເວົ້າບໍ່ທັນແລ້ວ.

     – ເຫງົານອນງົກໆຫລາຍເທື່ອ : ລອງສັງເກດໂຕເອງວ່າ ທ່ານເຜີເຫງົານອນງົກໆ ຫລື ເຊືອບຫລັບຫລືບໍ່ ເວລາທີ່ນັ່ງລົດ, ນັ່ງເຮັດວຽກ, ນັ່ງປະຊຸມ, ນັ່ງຮຽນໜັງສື ຫລື ແມ່ນແຕ່ນັ່ງລົມກັນ ຂະນະທີ່ກຳລັງລົມ ທ່ານຮູ້ສຶກວ່າໂຕເອງເຜີໃຈລອຍຫລາຍເທື່ອ, ເຜີນັ່ງເຫງົານອນຢູ່ຫລາຍເທື່ອ ຫລື ນັ່ງຢູ່ຊື່ໆຍາມໃດກໍຕ້ອງເຊືອບຫລັບຢູ່ຫລືບໍ່ ? ຫາກມີອາການແບບນີ້ ສະແດງວ່າທ່ານຄວນໄດ້ຮັບການພັກຜ່ອນໃຫ້ເຕັມທີ່ ເພາະນອກຈາກຈະເຮັດໃຫ້ເສຍສຸຂະພາບແລ້ວ ຍັງເຮັດໃຫ້ເຮັດວຽກໄດ້ບໍ່ເຕັມປະສິດທິພາບ ແລະ ຖ້າຕ້ອງຂັບລົດກໍອາດເປັນອັນຕະລາຍ.

     – ເຊື່ອງຊຶງ ບໍ່ສົດຊື່ນ :  ທ່ານຮູ້ສຶກອ່ອນເພຍ, ເມື່ອຍງ່າຍ, ບໍ່ມີກະຈິດກະໃຈຈະເຮັດຫຍັງ, ຢາກຢູ່ລ້າໆ ບໍ່ສົດຊື່ນຫ້າວຫັນຫຍັງ.      – ໜ້າໝົ່ນໝອງ ບໍ່ສົດໃສ : ທ່ານເລີ່ມສັງເກດເຫັນໄດ້ວ່າຊ່ວງນີ້ທ່ານເບິ່ງໝົ່ນໝອງ ບໍ່ສົດໃສ ຜິວບໍ່ງາມ,  ແຕ່ງໜ້າບໍ່ຕິດທົນ, ບໍ່ກ້ຽງງາມຄືແຕ່ກ່ອນ ຖ້າທ່ານກຳລັງມີອາການແບບນີ້ຢູ່ ສະແດງວ່າຮ່າງກາຍຂອງທ່ານກຳລັງສົ່ງສັນຍານວ່າຕ້ອງການການພັກຜ່ອນທີ່ພຽງພໍ ແລະ ມີຄຸນນະພາບ. ຢ່າລືມຫາເວລາພັກຜ່ອນ ເບິ່ງແຍງສຸຂະພາບໂດຍໄວ.

error: Content is protected !!