4 ວິທີແກ້ນິໄສມາຊ້າ ປ່ຽນທ່ານໃຫ້ເປັນຄົນກົງຕໍ່ເວລາ

4 ວິທີແກ້ນິໄສມາຊ້າ ປ່ຽນທ່ານໃຫ້ເປັນຄົນກົງຕໍ່ເວລາ - advert banner 728 90 728x90 - 4 ວິທີແກ້ນິໄສມາຊ້າ ປ່ຽນທ່ານໃຫ້ເປັນຄົນກົງຕໍ່ເວລາ

    ເຊື່ອວ່າທຸກຄົນບໍ່ມີໃຜມັກການຕ້ອງລໍຖ້າຫຍັງດົນໆ. ດັ່ງນັ້ນ ເລື່ອງການນັດໝາຍກໍຄືກັນ ຫລາຍຄົນອາດຈະຍັງຕິດນິໄສມັກເຮັດຫຍັງເຊື່ອງຊ້າ ຈົນຫລາຍເທື່ອກໍເຮັດໃຫ້ເສຍວຽກເສຍງານ ແລະ ເຮັດໃຫ້ຄົນອ້ອມຂ້າງເສຍອາລົມໄປນຳ ເຊິ່ງມັນຈະດີກ່ວາບໍ່ ຖ້າຫາກເຮົາມາປັບປຸງໂຕເອງໃຫ້ດີຂຶ້ນ ໂດຍການໃຊ້ວິທີແກ້ນິໄສມັກມາຊ້າ – ມາສວາຍ ທີ່ຈະສາມາດສົ່ງຜົນໃຫ້ເຮົາກາຍເປັນຄົນກົງຕໍ່ເວລາໄດ້ຫລາຍຍິ່ງຂຶ້ນ.

4 ວິທີແກ້ນິໄສມາຊ້າ ປ່ຽນທ່ານໃຫ້ເປັນຄົນກົງຕໍ່ເວລາ - new3 - 4 ວິທີແກ້ນິໄສມາຊ້າ ປ່ຽນທ່ານໃຫ້ເປັນຄົນກົງຕໍ່ເວລາ
4 ວິທີແກ້ນິໄສມາຊ້າ ປ່ຽນທ່ານໃຫ້ເປັນຄົນກົງຕໍ່ເວລາ - 020107 2019 - 4 ວິທີແກ້ນິໄສມາຊ້າ ປ່ຽນທ່ານໃຫ້ເປັນຄົນກົງຕໍ່ເວລາ

     – ຕື່ນແລ້ວຄວນລຸຸກອອກຈາກບ່ອນນອນທັນທີ : ຫລາຍຄົນອາດຈະຍັງເປັນກັນຢູ່ກັບອາການທີ່ຕື່ນນອນແລ້ວ ແຕ່ຍັງມັກກິ້ງໄປກິ້ງມາຢູ່ເທິງບ່ອນນອນ ເຊິ່ງພຶດຕິກຳແບບນີ້ເປັນສາເຫດຕົ້ນຕໍຂອງການຜິດນັດ ຫລື ໄປເຖິງບ່ອນນັດໝາຍຊ້າ ເພາະການເມົາແຕ່ນອນແຊ່ຢູ່ເທິງບ່ອນນອນ ບໍ່ຍອມລຸກຂຶ້ນຍືດເສັ້ນຍືດເອັນ ສົ່ງຜົນໃຫ້ຮ່າງກາຍບໍ່ສົດຊື່ນ, ອ່ອນເພຍ ທັງຍັງຢາກນອນຕໍ່ ຕະຫລອດເວລາ ບາງຄົນຈຶ່ງອາດຫລົງລືມເຜີຫລັບຕໍ່ ຈົນເຮັດໃຫ້ຕື່ນສວາຍ ແລະ ຕ້ອງມາຟ້າວຟັ່ງ ຈົນຮູ້ສຶກວ່າເຊົ້ານີ້ເປັນເຊົ້າມື້ໃໝ່ທີ່ບໍ່ສົດໃສເລີຍ.

     – ເຊົາຫລິ້ນ Social  ຫລັງຕື່ນນອນ : ເຄີຍລອງສັງເກດໂຕເອງບໍ່ວ່າຕອນທີ່ຈັບໂທລະສັບມືຖືມາຫລິ້ນແຕ່ລະເທື່ອນັ້ນ ມັນສາມາດກິນເວລາຊີວິດເຮົາໄປໄດ້ຢ່າງຫລວງຫລາຍ. ສະນັ້ນ ການກວດເຊັກໂທລະສັບມືຖືທັນທີຫລັງຕື່ນນອນ ອາດເຮັດໃຫ້ເກີດການເສຍນິໄສໄດ້ ເພາະບາງຄົນມັກຫລິ້ນແບບຈິງຈັງຈົນເກີນຂອບເຂດໄປໂດຍບໍ່ຮູ້ໂຕ ຈົນສົ່ງຜົນໃຫ້ລຸກໄປເຮັດກິດຈະວັດປະຈຳວັນຢ່າງອື່ນຊ້າລົງໄປນຳ.

     – ເຮັດວຽກສ່ວນໂຕດ້ວຍຄວາມວ່ອງໄວ ຢ່າຖືເບົາ : ບາງຄົນຕື່ນກ່ອນເວລານັດໝາຍຫລາຍຊົ່ວໂມງກໍແມ່ນ ແຕ່ຊຳ້ພັດເຮັດວຽກສ່ວນໂຕຕ່າງໆຢ່າງເຊື່ອງຊ້າ ຍ້ອນຄິດໄປເອງວ່າ ແນວໃດກໍທັນ ເຊິ່ງພຶດຕິກຳນີ້ອາດບໍ່ຄ່ອຍສົ່ງຜົນດີຫລາຍປານໃດ. ສະນັ້ນ ທາງທີ່ດີລອງຫັນມາປັບປ່ຽນໂຕເອງໃຫ້ກາຍເປັນຄົນທີ່ເຮັດຫຍັງແບບຮີບຮ້ອນແດ່ ບໍ່ດັ່ງນັ້ນທ່ານອາດຕິດນິໄສການເຮັດຫຍັງແບບຊັກຊ້າ ຈົນຄົນອື່ນບໍ່ຢາກລໍຖ້າກໍມີ.

4 ວິທີແກ້ນິໄສມາຊ້າ ປ່ຽນທ່ານໃຫ້ເປັນຄົນກົງຕໍ່ເວລາ - lattana 1 - 4 ວິທີແກ້ນິໄສມາຊ້າ ປ່ຽນທ່ານໃຫ້ເປັນຄົນກົງຕໍ່ເວລາ

     – ເຊົາຄິດວ່າ ຊ້າໜ້ອຍດຽວ ຄືຈະບໍ່ເປັນຫຍັງດອກ: ຫລາຍຄົນມັກຄິດວ່າ ຊ້າໜ້ອຍດຽວ ຫລື ຊ້າບໍ່ເທົ່າໃດນາທີ ຄືຈະບໍ່ເປັນຫຍັງ, ແຕ່ຮູ້ຫລືບໍ່ວ່າມັນສ້າງນິໄສ ແລະ ພຶດຕິກຳບໍ່ດີຂອງເຮົາໃຫ້ຄົນອ້ອມຂ້າງຮັບຮູ້ໄດ້ເກືອບຈະທັນທີ ແລະ ບໍ່ແນ່ວ່າຫາກຍັງຄົງເຮັດໂຕແບບນີ້ຢູ່ ແລະ ບໍ່ຍອມປັບປຸງໂຕ ມັນອາດສົ່ງຜົນໃຫ້ໂຕເອງຕ້ອງເສຍວຽກເສຍງານ ແລະ ເສຍຄົນອ້ອມຂ້າງໄປແບບທີ່ບໍ່ ທັນໄດ້ຕັ້ງໂຕເລີຍກໍເປັນໄດ້.

error: Content is protected !!