“69 ປີ​ສື່​ມວນ​ຊົນ​ລາວ​ໄດ້​ເຮັດ​ສຳ​ເລັດ​ພາລະ​ກຳ​ປະຫວັດສາດ​ຂອງຕົນ​ຢ່າງ​ໜ້າ​ເພິ່ງ​ພໍ​ໃຈ”

“69 ປີ​ສື່​ມວນ​ຊົນ​ລາວ​ໄດ້​ເຮັດ​ສຳ​ເລັດ​ພາລະ​ກຳ​ປະຫວັດສາດ​ຂອງຕົນ​ຢ່າງ​ໜ້າ​ເພິ່ງ​ພໍ​ໃຈ” - advert banner 728 90 728x90 - “69 ປີ​ສື່​ມວນ​ຊົນ​ລາວ​ໄດ້​ເຮັດ​ສຳ​ເລັດ​ພາລະ​ກຳ​ປະຫວັດສາດ​ຂອງຕົນ​ຢ່າງ​ໜ້າ​ເພິ່ງ​ພໍ​ໃຈ”

ນັບ​ວ່າ​ເປັນຄວາມ​ພາກພູມ​ໃຈ​ ​ແລະ​ ​ເອກ​ອ້າງ​ທະ​ນົງ​ໃຈ​ເປັນ​ຢ່າງ​ຍິ່ງ ທີ່​ອົງການ​ສື່​ມວນ​ຊົນ​ລາວ​ໄດ້​ພັດທະນາ​ຕົວ​ເອງ​ໃຫ້​ເຕີບ​ໃຫຍ່​ເຂັ້ມ​ແຂງ ຢູ່​ຄຽງ​ຂ້າງ​ຂະ​ບວນການ​ປະຕິວັດ​ລາວ ​ແລະ ​ເຮັດ​ສຳ​ເລັດ​ພາລະ​ກຳ​ປະຫວັດສາດຂອງ​ຕົນ​ຢ່າງ​ໜ້າ​ເພິ່ງ​ພໍ​ໃຈ​ ນັບ​ແຕ່​ໄດ້​ຮັບ​ການ​ສ້າງ​ຕັ້ງ​ໜັງສືພິມປະຕິວັດ​ທຳ​ອິດ​ເມື່ອ​ວັນ​ທີ 13 ສິງຫາ 1950 ຕາມ​ການ​ຊີ້​ນຳ​ຂອງ​ທ່ານປະ​ທານ ​ໄກສອນ ພົມວິຫານ ຜູ້ນຳ​ທີ່​ແສນ​ເຄົາລົບ​ຮັກ​ຂອງ​ປວງ​ຊົນ​ລາວທັງຊາດ ​ແລະ​ມາ​ຮອດ​ປັດຈຸບັນ ກໍ​ມີ​ອາຍຸ 69 ປີ​ແລ້ວ ແລະ ຍັງພຽງອີກໜຶ່ງ​ປີ​ພວກ​ເຮົາ​ກໍ​ຈະ​ໄດ້ພ້ອມ​ກັນ​ສະ​ເຫຼີ​ມສະຫຼອງ​ວັນ​ຄົບຮອບ 70 ປີ ຂອງ​ສື່​ມວນ​ຊົນ​ລາວ​ທີ່​ໄດ້​​ເປັນ​ກະບອກ​ສຽງ​ອັນ​ແຫຼມ​ຄົມ​ຂຊອງ​ພັກ ​ແລະ ລັດ​ເຮົາ​ມາ​ຮອດ​ທຸກ​ວັນ​ນີ້

“69 ປີ​ສື່​ມວນ​ຊົນ​ລາວ​ໄດ້​ເຮັດ​ສຳ​ເລັດ​ພາລະ​ກຳ​ປະຫວັດສາດ​ຂອງຕົນ​ຢ່າງ​ໜ້າ​ເພິ່ງ​ພໍ​ໃຈ” - new3 - “69 ປີ​ສື່​ມວນ​ຊົນ​ລາວ​ໄດ້​ເຮັດ​ສຳ​ເລັດ​ພາລະ​ກຳ​ປະຫວັດສາດ​ຂອງຕົນ​ຢ່າງ​ໜ້າ​ເພິ່ງ​ພໍ​ໃຈ”

    ຕະຫຼອດ​ໄລຍະ​ອັນ​ຍືດ​ເຍື້ອຍາວ​ນານ​ດັ່ງກ່າວ ຍາມ​ໃດ​ພັກ ​ແລະ ລັດຖະບານ​ ​ເຮົາ​ກໍ​ໄດ້​ເອົາ​ໃຈ​ໃສ່​ນຳພາ​ຄຸ້ມ​ຄອງ​ຢ່າງ​ໃກ້ຊິດ​ແລະ​ສົ່ງ​ເສີມ​ໃສ່​ການ​ພັດທະນາ​ສື່​ມວນ​ຊົນຢ່າງ​ເປັນ​ລະບົບ​ມາ​ບົນ​ຈິດ​ໃຈ ຖື​ສື່​ມວນ​ມວນ​ຊົນ​ແມ່ນ​ອາວຸດ​ທີ່​ແຫຼມ​ຄົມ​ເປັນ​ພື້ນຖານ​ຄວາມ​ຍືນ​ຍົງ ​ແລະ​ເປັນ​ກຳລັງ​ຄົນ​ໃຫ້ສັງ​ຄົມ ພັດທະນາ​ຕົວ​ເອງ​ຂະ​ຫຍາ​ຍຕົວຢ່າງບໍ່​ຢຸດ​ຢັ້ງ ພ້ອມ​ນັ້ນ​ກຳລັງ​ສື່​ມວນ​ຊົນ​ລາວ​ເຮົາ​ກໍ​ໄດ້​ເຕີບ​ໃຫຍ່​ຂະຫຍາຍຕົວ​ເປັນ​ກ້າວໆມາ​. ຄືມາ​ຮອດ​ປັດຈຸບັນ ສື່​ສິ່ງ​ພິມ ​ແລະ​ວາລະສານ​ຕ່າງໆ ​ໄດ້​ເພີ່ມ​ຂຶ້ນ​ເປັນ​ຍຮ້ອຍ​ກວ່າ​ສະບັບ ​ໃນ​ນັ້ນ​ມີ​ໜັງສືພິມ​ລາຍ​ວັນ​ຫຼາຍ​ກວ່າ 10 ສະບັບ, ​ແຕ່​ລະ​ສຳນັກ​ງານ​ສື່​ມວນ​ຊົນ​ໄດ້​ມີ​ ​ເວ​ບ​ໄຊ​ທ໌ ​ແລະ ​ເຟສບຸກ ຂອງ​ຕົນ​ເພື່ອ​ເຮັດ​ໜ້າ​ທີ່​ໂຄສະນາ​ໄດ້​ຢ່າງວ່ອງ​ໄວ ​ແລະ ທັນ​ເຫດການ, ພ້ອມ​ນັ້ນ​ ກໍມີ​ວິທະຍຸ​ກະຈາຍສຽງ​ລວມກວ່າ 60 ສະຖານີ, ສາ​ມາດ​ກະຈາຍສຽງ​ກວມ 95% ຂອງ​ພື້ນ​ທີ່​ທົ່ວ​ປະ​ເທດ, ​ໂທລະພາບ ມີ​ເກືອບ 40 ສະຖາ​ນີ ສາມາດ​ອອກ​ອາກາດ ພາບ-​ສຽງ ທາງ​ພາກ​ພື້ນ​ດິນ​ກວມ 80% ​ແລະ ຜ່ານ​ດາວ​ທຽວ​ກວມ 100% ຂອງ​ພື້ນ​ທີ່ທົ່ວ​ປະ​ເທດ, ຄຽງຄູ່​ກັບ​ກັນ​ນັ້ນ ລະບົບ​ໂທລະ​ໂຄ່ງ, ວຽກ​ຮູບ​ເງົາ ​ແລະ​ການ​ພິມ​ຈຳໜ່າຍ​ກໍ​ມີ​ການ​ຂະ​ຫຍາ​ຍຕົວຢ່າງ​ໜ້າ​ເພິ່ງ​ພໍ​ໃຈ ນັບ​ທາງ​ດ້ານ​ປະລິມານ ​ແລະ​ຄຸນ​ນະພາ​ບ ພື້ນຖານ​ໂຄງ​ລ່າງ ຂອງ​ສື່​ມວນ​ຊົນ​​ໄດ້​ຮັບ​ການ​ພັດທະນາ​ໄປສູ່​ຄວາມ​ທັນ​ສະ​ໄໝ​ເທື່ອ​ລະ​ກ້າວ. ດ້ວຍ​ການ​ນຳ​ໃຊ້​ເຄື່ອງມື ​ແລະ​ອຸປະກອນ​ຕ່າງໆ ທີ່​ກ້າວໜ້າ ​ເນື້ອ​ໃນ​ໄດ້​ມີ​ການ​ພັດທະນາ​ໃຫ້​ມີ​ຫຼາຍ​ຮູບ, ຫຼາຍ​ສີ ມີ​ຂ່າວ ບົດ​ປະ​ເພດ​ຕ່າງໆ ຢ່າງ​ອຸດົມສົມບູນ ສາມາ​​ດນຳ​ພາຫາງ​ສຽງ​ຂອງ​ສັງຄົມ​ໃຫ້​ທັນ​ກັບ​ສະພາບ​ການ ​ເນື້ອ​ໃນ​ລາຍການ​ວິທະຍຸ-​ໂທລະພາບ ​ໄດ້​ຮັບ​ການ​ປັບປຸງ ​ແລະ​ມີ​ຄວາມ​ດຶງດູດ​ຜູ້​ອ່ານ, ຜູ້​ເບິ່ງ, ຜູ້​ຟັງ​ຫຼາຍ​ຂຶ້ນ ນອກ​ນັ້ນ​ຍັງ​ໄດ້​ພັດທະນາ​ການ​ບໍລິການ ​ໂທລະພາບ​ໃຊ້​ສາຍ ​ແລະ​ດີ​ຈີ​ຕອລ ນັບ​ມື້​ອຸດົມສົມບູນ ສາມາດ​ຊົມ​ລາຍການ​ຕ່າງໆ ​ໄດ້​ບໍ່​ຕ່ຳ​ກວ່າ 60-70 ຊ່ອງ, ສະ​ເພາະ​ການ​ບໍລິການ​ດາວ​ທຽມ​ລາວ ​ແຕ່​ຕົ້ນ​ເດືອນ​ສິງຫາ 2016 ​ເປັນ​ຕົ້ນ​ມາ​ກໍ​ສາມາດ​ເບິ່ງ​ລາຍການ​ຕ່າງໆ ທັງ​ພາຍ​ໃນ​ແລະ​ຕ່າງປະ​ເທດ ​ໄດ້​ບໍ່​ຕ່ຳ​ກວ່າ 130 ຊ່ອງ ອັນ​ໄດ້​ປະ​ກອບ​ສ່ວນ​ສຳຄັນ​ເຂົ້າ​ໃນ​ການ​ສ້າງສາ​ພັດທະນາ​ປະ​ເທດ​ຊາດ​ເຮົາ ​ໄດ້​ມີ​ຄວາມ​ກ້າວໜ້າ ​ແລະ​ສີວິ​ໄລ​ຂຶ້ນ

    ​ແຕ່​ຄຽງ​ຄູ​ກັນ​ນັ້ນ​ກໍ​ມີ​ຫຼາຍ​ດ້ານ​ທີ່​ພວກ​ເຮົາ​ຈະ​ຕ້ອງ​ໄດ້​ເອົ​າ​ໃຈ​ໃສ່ ພັດທະນາ​ວຽກ​ງານ​ສື່​ມວນ​ຊົນ​ລາວ​ຕື່ມ​ອີກ ​ເປັນ​ຕົ້ນ ​ແມ່ນ​ດ້ານ​ເນື້ອ​ຫາສາລະ ​ແລະ​ຮູບ​ການ​ຂອງ​ສື່​ມວນ​ຊົນ ​ໃຫ້​ສາມາດ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ຂອງ​ໜ້າທີ່​ການ​ເມືອງ​ເຊັ່ນ: ປະ​ເພດ​ບົດ​ວິ​ເຄາະ, ວິ​ໄຈ ລົງ​ເລິກ​ບັນຫາ​ຕ່າງໆ ​ໃຫ້​ຫຼາກ​ຫຼາຍ​ເພື່ອ​ສາມາດ​ດຶງ​ດູດ​ຄວາມ​ສົນ​ໃຈ​ຂອງ​ສັງຄົມ​ໄດ້, ຮູບ​ການ​ນຳ​ສະ​ເໜີ​ຂໍ້​ມູນ​ຂ່າວສານ ​ໃຫ້​ມີ​ຄວາມ​ອຸດົມສົມບູນ, ຫຼາກຫຼາຍສີສັນ ​ແລະ​ເອົາ​ໃຈ​ໃສ່​ເສີມ​ຂະຫຍາຍ​ມູນ​ເຊື້ອ​ວຽກ​ດີ​ຄົນ​ເດັ່ນ​ໃຫ້​ຫຼາຍ​ຂຶ້ນ ພ້ອມ​ເປັນ​ເຈົ້າ​ການ​ ​ແລະ ມີ​ຄວາມ​ສະດຸ້ງ​ໄວ ​ໃນ​ການ​ຕອບ​ຕ້ານ​ຖ້ອຍ​ທຳນອງ ​ໂຄສະນາ​ບິດ​ເບືອນ​ໃສ່​ຮ້າຍ​ປ້າ​ຍສີ ຂອງ​ພວກ​ອິດທິປໍ​ລະ​ປັກ, ກຸ່ມ​ຄົນ​ບໍ່​ດີ​ໃຫ້​ທາງ​ການ ​ແລະ ​ແຫຼມ​ຄົ​ມ ​ແລະ​ການ​ຊອກ​ແຫຼ່ງລາຍ​ຮັບ ​ເພື່ອ​ນຳ​ມາ​ປັບປຸງ​ກໍ່ສ້າງ​ຕົນ​ເອງ​ໃຫ້​ມີ​ຄວາມ​ເຂັ້ມ​​ແຂງ ​ແລະ​ສາມາດ​ເຊື່ອມ​ໂຍງ​ເຂົ້າ​ກັບ​ພາກ​ພື້ນ​ຈ ​ແລະ​ສາກົນ​ເທື່ອ​ລະ​ກ້າວ

“69 ປີ​ສື່​ມວນ​ຊົນ​ລາວ​ໄດ້​ເຮັດ​ສຳ​ເລັດ​ພາລະ​ກຳ​ປະຫວັດສາດ​ຂອງຕົນ​ຢ່າງ​ໜ້າ​ເພິ່ງ​ພໍ​ໃຈ” - lattana 1 - “69 ປີ​ສື່​ມວນ​ຊົນ​ລາວ​ໄດ້​ເຮັດ​ສຳ​ເລັດ​ພາລະ​ກຳ​ປະຫວັດສາດ​ຂອງຕົນ​ຢ່າງ​ໜ້າ​ເພິ່ງ​ພໍ​ໃຈ”
error: Content is protected !!