ສື່​ມວນ​ຊົນ​ລາວ​ຕ້ອງຫັນ​ສູ່​ຄວາມ​ທັນ​ສະ​ໄໝ​ເທື່ອ​ລະ​ກ້າວ

ສື່​ມວນ​ຊົນ​ລາວ​ຕ້ອງຫັນ​ສູ່​ຄວາມ​ທັນ​ສະ​ໄໝ​ເທື່ອ​ລະ​ກ້າວ - advert banner 728 90 728x90 - ສື່​ມວນ​ຊົນ​ລາວ​ຕ້ອງຫັນ​ສູ່​ຄວາມ​ທັນ​ສະ​ໄໝ​ເທື່ອ​ລະ​ກ້າວ

ໃນໂອກາດໂອ້ລົມຕໍ່ພິທີສະເຫລີມສະຫລອງວັນສື່ມວນຊົນແຫ່ງຊາດ ແລະ ວັນການພີມຈໍາໜ່າຍ ຄົບຮອບ 69 ປີ (13 ສິງຫາ 1950-13 ສິງຫາ 2019) ຂອງທ່ານ ບໍ່ແສງຄໍາ ວົງດາລາ ລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ, ໂດຍໄດ້ຍົກໃຫ້ເຫັນວ່າ: ຍ້ອນໄດ້ຮັບການເອົາໃຈໃສ່ຊີ້ນໍາຢ່າງໃກ້ຊິດຈາກພັກ ແລະ ລັດຖະບານ, ໄດ້ເຮັດໃຫ້ວຽກງານສື່ມວນຊົນມີບາດກ້າວເຕີບໃຫຍ່ຂະຫຍາຍຕົວນັບທັງດ້ານປະ

ສື່​ມວນ​ຊົນ​ລາວ​ຕ້ອງຫັນ​ສູ່​ຄວາມ​ທັນ​ສະ​ໄໝ​ເທື່ອ​ລະ​ກ້າວ - new3 - ສື່​ມວນ​ຊົນ​ລາວ​ຕ້ອງຫັນ​ສູ່​ຄວາມ​ທັນ​ສະ​ໄໝ​ເທື່ອ​ລະ​ກ້າວ

ລິມານ ແລະ ຄຸນະພາບ, ພ້ອມທັງສາມາດເຊື່ອມໂຍງກັບພາກພື້ນ ແລະ ສາກົນເທື່ອລະກ້າວ, ເຮັດ​ໃຫ້​ສື່​ມວນ​ຊົນ​ລາວ​ມີ​ບົດບາດ​ສູງ​ເດັ່ນ​ຂຶ້ນ​ໃນ​ສັງຄົມ. ປັດຈຸບັນ​ມີໜັງສື​ພິມລາຍວັນ 13 ສະບັບ, ​ມີ​ວາລະສານຫລາຍກ່ວາ 100 ​ສະບັບ, ທຸກໆ​ແຂວງ​ ​ແລະ ​ເມືອງ​ໄດ້ມີ​ວິທະຍຸ​​ຂອງ​ຕົນ ​ແລະ ສະ​ເພາະ​ຢູ່ນະຄອນຫລວງ​ວຽງຈັນ​ກໍ​​ມີ​ວິທະຍຸ ​ແລະ ​ໂທລະພາບຫລາຍ​ຄື້ນ, ​ພ້ອມ​ນັ້ນ​ໂທລະພາບ​ແຫ່ງ​ຊາດ, ລາວ​ສະຕຼາ, ທີວີ​ລາວ ​ແລະ ​ເອັມວີ​ລາວ, ​ໂທລະພາບ ປກສ, ກອງທັບ ​ແລະ ໂທລະພາບ​ຂອງ​ບັນດາ​ປະ​ເທດ​ເພື່ອນ​ມິດ​ຄື: VTV, CCTV ​ແລະ ບັນດາ​ສື່​ຕ່າງໆໄດ້​​ເວ​ບ​ໄຊ ​ແລະ ​ເຟສບຸກ​ຂອງ​ຕົນ ສາມາດ​ເຮັດ​ສຳ​ເລັດ​ການໂຄສະນາ​ເຜີຍ​ແຜ່​ຂໍ້​ມູນ​ຂ່າວສານ, ສາລະ​ບັນ​ເທິງ​ຕ່າງໆ ລົງ​ສູ່​ສັງຄົມ​ໄດ້​ຢ່າງ​ກ້ວາງ​ຂວາງ, ​ໄດ້​ກາຍ​ເປັນ​ກະບອກ​ສຽງ​ສຳຄັນ​ຂອງ​ພັກ ​ແລະ ລັດຖະບານ​ເຮົາ, ສາມາດຕີ​ຖອຍ​ປະກົດ​ການ​ຫຍໍ້​ທໍ້​ຕ່າງໆໃນ​ສັງຄົມໄດ້ດີຂຶ້ນ ແລະ ທັນເຫດການ. ແຕ່ແນວໃດກໍຕາມ, ໄປຄຽງຄູ່ກັບການຂະຫຍາຍຕົວຂອງສັງຄົມ ກໍຄືໃນຍຸກເຕັກໂນໂລຊີຂໍ້ມູນຂ່າວສານມີການພັດທະນາຢ່າງວ່ອງໄວຄືໃນປັດຈຸບັນນີ້, ວຽກງານສື່ມວນຊົນ ​ແມ່ນ​ພົບ​ກັບ​ຄວາມ​ຫຍຸ້ງຍາກ​ທ້າ​ທາຍ​ຫລາຍ​ປະການ, ​ໂດຍ​ສະ​​ເພາະການ​ນຳ​ໃຊ້​ເຕັກ​ໂນ​ໂລ​ຊີ​​ທັນ​ສະ​ໄໝ​ເຂົ້າ​ໃນ​​ວຽກງານ​ຂອງ​ຕົນ ​ແລະ ສິ່ງ​ສຳຄັນ​​ແມ່ນ​ການ​ເຜີຍ​ແຜ່​ຂໍ້​ມູນ​ຂ່າວສານ​ໃນ​ປັດຈຸບັນມີ​ຫລາຍ​ຊ່ອງ​ທາງ, ​ສະ​ນັ້ນ ​ເພື່ອ​ພັດທະນາ​ວຽກງານ​ສື່​ມວນ​ຊົນ​ໃຫ້ທັນກັບຄວາມຮຽກຮ້ອງຕ້ອງການຂອງສັງຄົມ, ສື່ມວນຊົນເຮົາຕ້ອງ​​ໄດ້​ຫັນ​ປ່ຽນໄປຕາມກະແສຂອງເຕັກໂນໂລຊີອັນໃໝ່,​​ປ່ຽນຖ່າຍ​ອຸປະກອນ​ເຮັດ​ວຽກ​ແບບ​ໃໝ່, ປ່ຽນ​ແບບ​ແຜນ​ວິທີ​ເຮັດ​ວຽກ, ຕ້ອງ​ກຳ​ແໜ້ນແນວທາງ​ຂອງ​ພັກ-ລັດ ​ແລະ ​ແຜນພັດທະ​ນາປະ​ເທດ​ຊາດ, ຄວາມ​ຕ້ອງການ​ຕົວ​ຈິງ​ຂອງ​ປະຊາຊົນ, ພ້ອມທັງຮັບປະກັນ​ໄດ້ 4 ລັກສະນະ​ຂອງ​ສື່​ມວນ​ຊົນ​ຄື: ຄວາມ​ຈິງ, ​ສຶກສາ​ອົບຮົມ, ​ນຳ​ພາຫາງ​ສຽງ​ ແລະ ​ຕໍ່ສູ້, ຕຳ​ນິວິຈານ​ຕໍ່ປະກົດການຕ່າງໆ​ທີ່​ບໍ່ດີ ແລະ ​ເພື່ອໃຫ້​ຮັບປະກັນໄດ້ລັກສະນະດັ່ງກ່າວ, ສື່​ມວນຊົນເຮົາ ຕ້ອງ​ເລັ່ງສ້າງບຸກຄະລາ​ກອນ​ທີ່​ເກັ່ງ​ ​ແລະ ປັບປຸງເຄື່ອງມື​​ໃຫ້ທັນ​ສະ​ໄໝ​ເຂົ້າ​ໃນ​ວຽກງານ, ເພີ່ມທະວີ​ນຳພາ​​ການ​ເມືອງແນວຄິດໃຫ້ຜູ້ເຮັດວຽກງານສື່ມີ​ຄວາມໜັກແໜ້ນ, ພ້ອມນັ້ນກໍຕ້ອງ​ເຊີດ​ຊູ​ຄວາມ​ຮັບຜິດຊອບ​ທາງ​ດ້ານ​ການ​ເມືອງ​ໃຫ້​ສູງ ແລະ ​ຢຶດໝັ້ນຕາມ​ກົດໝາຍວ່າ​ດ້ວຍສື່​ມວນ​ຊົນ ແລະ ສ້າງຕົນເອງໃຫ້​ເປັນ​ເວທີ​ສະ​ແດງ​ຄວາມ​ຄິດ​ເຫັນ ​ແລະ ສ່ອງ​ແສງ​ສັງຄົມ​ຮັບ​ຮູ້ ​ແລະ ​ເຂົ້າ​ໃຈບັນຫາຕ່າງໆໄດ້ຖືກຕ້ອງ, ໂດຍສະເພາະໃນສະພາບຄ່ານິຍົມໃນການຊົມໃຊ້ສື່ແບບໃໝ່ມີການຂະຫຍາຍຕົວຢ່າງກວ້າງຂວາງ, ຍິ່ງຕ້ອງໄດ້ເພີ່ມທະວີໃນການຄຸ້ມຄອງ, ຕິດຕາມກວດກາ ແລະ ຫັນສູ່ລະບຽບກົດໝາຍໃຫ້ເຂັ້ມງວດ, ບໍ່ປະປ່ອຍໃຫ້ກຸ່ມຄົນບໍ່ດີສວຍໃຊ້ເປັນເຄື່ອງມືໂຈມຕີການນໍາພາຂອງພັກ-ລັດ ແລະ ແບ່ງແຍກຄວາມສາມັກຄີຂອງປະຊາຊົນບັນດາເຜົ່າ, ສືບຕໍ່ເອົາໃຈໃສ່ກໍ່ສ້າງພະນັກງານໜຸ່ມນ້ອຍປ່ຽນແທນທີ່ຮັບປະກັນທາງດ້ານທັດສະນະຫລັກໝັ້ນ, ຄຸນທາດການເມືອງ ແລະ ວິຊາສະເພາະທີ່ເຂັ້ມແຂງ ເພື່ອເຮັດໜ້າທີ່ສໍາຄັນທີ່ພັກ-ລັດ ໄດ້ມອບໝາຍໃຫ້ສໍາເລັດຜົນ ແລະ ໃນສະພາບທີ່ລາຍຮັບວິຊາການຈາກສື່ມວນຊົນນັບມື້ຫລຸດລົງນີ້ ຍິ່ງເລັ່ງທວງໃຫ້ພວກເຮົາຮີບຮ້ອນຄົ້ນຄວ້າ, ຊອກຫາວິທີການຊອກຫາແຫລ່ງລາຍຮັບໃນຮູບແບບໃໝ່ໃຫ້ຫລາຍຂຶ້ນ, ເພື່ອຫັນໄປສູ່ການກຸ້ມຕົນເອງເທື່ອລະກ້າວ. 

ສື່​ມວນ​ຊົນ​ລາວ​ຕ້ອງຫັນ​ສູ່​ຄວາມ​ທັນ​ສະ​ໄໝ​ເທື່ອ​ລະ​ກ້າວ - lattana 1 - ສື່​ມວນ​ຊົນ​ລາວ​ຕ້ອງຫັນ​ສູ່​ຄວາມ​ທັນ​ສະ​ໄໝ​ເທື່ອ​ລະ​ກ້າວ
error: Content is protected !!