ສຸກງ່າໃດ ກິນງ່ານັ້ນ

ສຸກງ່າໃດ ກິນງ່ານັ້ນ - advert banner 728 90 728x90 - ສຸກງ່າໃດ ກິນງ່ານັ້ນ

ໂດຍ: ລູກ​ເມືອງ​ພວນ

ສຸກງ່າໃດ ກິນງ່ານັ້ນ - new3 - ສຸກງ່າໃດ ກິນງ່ານັ້ນ
ສຸກງ່າໃດ ກິນງ່ານັ້ນ - 9967 - ສຸກງ່າໃດ ກິນງ່ານັ້ນ

ສະບາຍດີເພື່ອນຜູ້ອ່ານ ທີ່ຮັກແພງ, ນີ້ແມ່ນທັດສະນະຂອງພະນັກງານຈຳນວນໜຶ່ງທີ່ຫວັງຜົນປະໂຫຍດສ່ວນ ຕົວຫຼາຍກວ່າສ່ວນລວມ, ເຮັດອັນໃດກໍຫວັງກິນນຳອັນນັ້ນຂາດຫຼັກໝັ້ນ ແລະ ທັດສະນະ ຂອງການເປັນພະນັກງານ, ງ່າໃດສຸກກໍກິນງ່ານັ້ນ, ໝາຍຄວາມວ່າຝ່າຍໃດແຂງແຮງກວ່າ, ມີອິດທິພົນເໜືອກວ່າ, ມີອຳນາດເໜືອກວ່າກໍອ່ຽງ ໄປທາງນັ້ນ, ເຊຍຂານັ້ນ. ຫຼາຍຄົນໃຫ້ຄຳສັງເກດວ່າ: ຄົນປະເພດນີ້ເປັນຄົນສະຫຼາດ? ແຕ່ທີ່ແທ້ຈິງແລ້ວແມ່ນ ຄົນປັນຍາອ່ອນນັ້ນເອງເພາະພວກເຂົາບໍ່ເປັນເຈົ້າຕົນເອງໄດ້, ອາໄສບາລະມີຂອງຄົນອື່ນ. ພວກຄົນປະເພດນີ້ບໍ່ມີ ຫຍັງເປັນຂອງຕົນເອງເລີຍ. ໃນເມື່ອບໍ່ມີງ່າໃດສຸກ ກໍບໍ່ມີອັນຈະກິນ, ແລ້ວກໍຈະກຸ້ມຕົນເອງ, ເພິ່ງຕົນເອງບໍ່ໄດ້. ເມື່ອບໍ່ມີທີ່ເພິ່ງກໍຈະໝົດທິດທາງ ເດີນໃນທີ່ສຸດ. ນອກຈາກພະນັກງານປະເພດນີ້ແລ້ວ ຍັງມີພະນັກງານທີ່ວ່າ: ລູບແຄ່ງເລຍຂາ, ພະນັກງານປະຈົບ ປະແຈງ, ຊື້ຈ້າງຈອບອອຍ… ທັງໝົດພະນັກງານແບບນີ້ ລ້ວນແຕ່ແມ່ນພະນັກງານຕ້ອຍຕໍ່າ ແລະ ໜ້າລັງກຽດ ຂອງສັງຄົມ. ເຮັດການຫວັງແຕ່ໜ້າທີ່ຕຳແໜ່ງຈາກຜູ້ ມີອຳນາດຊ່ວຍເຫຼືອ, ບັນດານໃຫ້ອາໄສແຕ່ບາລະມີ ຂອງຜູ້ມີອຳນາດເທົ່ານັ້ນ.

ມາເຖິງປັດຈຸບັນພະນັກງານປະເພດນີ້ກໍຍັງມີຫຼາຍ ຢູ່ໃນສຳນັກງານອົງການຂອງພັກ ແລະ ລັດຖະບານເຮົາ. ດັ່ງນັ້ນ, ຖ້າບັນດາເຈົ້ານາຍ ຜູ້ມີອຳນາດທັງຫຼາຍ ຫາກຍັງປະໃຫ້ມີພະນັກງານແບບນີ້ຢູ່, ແນ່ນອນວ່າຈະມີອັນເສຍຫາຍບໍ່ໄວກໍຊ້າ.

ເຖິງເວລາແລ້ວພວກ ເຮົາຕ້ອງກຳຈັດປັດເປົ່າພວກຄົນແບບນີ້ໃຫ້ໝົດໄປ. ເພາະພະຍາດນີ້ລະກາຍເປັນມະເຮັງຊະນິດໜຶ່ງທີ່ທຳລາຍຮາກເຫງົ້າຄວາມຈະເລີນກ້າວໜ້າຂອງປະເທດຊາດບ້ານເມືອງໄດ້.

ສຸກງ່າໃດ ກິນງ່ານັ້ນ - lattana 1 - ສຸກງ່າໃດ ກິນງ່ານັ້ນ

error: Content is protected !!