69 ປີແຫ່ງການກຳເນີດ ແລະ ເຕີບໃຫຍ່ຂອງສື່ມວນຊົນລາວ

69 ປີແຫ່ງການກຳເນີດ ແລະ ເຕີບໃຫຍ່ຂອງສື່ມວນຊົນລາວ - advert banner 728 90 728x90 - 69 ປີແຫ່ງການກຳເນີດ ແລະ ເຕີບໃຫຍ່ຂອງສື່ມວນຊົນລາວ

ໂດຍ: ທິດ​ກ່ຳ

69 ປີແຫ່ງການກຳເນີດ ແລະ ເຕີບໃຫຍ່ຂອງສື່ມວນຊົນລາວ - new3 - 69 ປີແຫ່ງການກຳເນີດ ແລະ ເຕີບໃຫຍ່ຂອງສື່ມວນຊົນລາວ
69 ປີແຫ່ງການກຳເນີດ ແລະ ເຕີບໃຫຍ່ຂອງສື່ມວນຊົນລາວ - 999 - 69 ປີແຫ່ງການກຳເນີດ ແລະ ເຕີບໃຫຍ່ຂອງສື່ມວນຊົນລາວ

ດັ່ງ​ທີ່​ຮູ້​ກັນ​ແລ້ວ​ວ່າ: ວັນ​ທີ 13 ສິງຫາ​ເປັນ​ວັນ​ກຳ​ເນີ​ດສື່​ມວນ​ຊົນ​ລາວ ​ແລະ ການ​ພິມ​ຈຳໜ່າຍ​ ​ແລະ ມາ​ຮອດ​ປີ​ນີ້​ກໍ​ມີ​ອາຍຸ 69 ປີ​ເຕັມ.

​        ແນ່ນອນ​ຖ້າ​ປຽບທຽບ​ໃສ່​ອາຍຸ​ຂອງ​ຄົນ​ເຮົາ​ກໍ​ກາຍ​ເປັນ​ເຖົ້າ​ແກ່​ຜູ້​ອາວຸ​ໂສ​ມີ​ຄອບ​ມີ​ຄົວ, ມີ​ລູກ​ມີ​ຫລານ​ເຕັມ​ບ້ານ​ເຕັມ​ເຮືອນ​ທັງ​ມີ​ພື້ນຖານ​ທີ່​ໜັກ​ແໜ້ນ​ໝັ້ນຄົງ ຫລື ຖ້າ​ຈະ​ປຽບທຽບ​ໃສ່​ຜູ້​ເປັນ​ພະນັກງານ, ທະຫານ, ຕຳຫລວດ​ກໍ​ໄດ້​ຮັບ​ນະ​ໂຍບາຍ​ບຳ​ເນັດ​ບຳນານ​ ຫລື ບໍ່​ກໍ​ເປັນ​ພະນັກງານ​ການ​ນຳ​ ​ຂອງ​ປະ​ເທດ​ຊາດ​ບ້ານ​ເມືອງ​ໄປ​ແລ້ວ.

​        ແນວ​ໃດ​ກໍ​ດີ, ບົນ​ພື້ນຖານ​ແຫ່ງ​ການ​ກຳ​ເນີ​ດ ​ແລະ ​ເຕີບ​ໃຫຍ່​ຂອງສື່​ມວນ​ຊົນ​ລາວ ​ແລະ ການ​ພິມ​ຈຳໜ່າຍ​ໄດ້​ຍືນ​ຍົງ​ຄົງ​ຕົວ​ຕາມ​ອາຍຸ​ສົງ​ໄຂ ​ແລະ ຂະ​ບວນວິວັດ​ແຫ່ງ​ການ​ສ້າງສາ​ພັດທະນາ​ໄປ​ຕາມຍຸກ, ຕາມ​ສະ​ໄໝ.

ຕະຫລອດ​ໄລຍະ 69 ປີ ​ ​ຖື​ວ່າ​ສື່​ມວນ​ຊົນ ​ແລະ ການ​ພິມ​ຈຳໜ່າຍ​ໄດ້​ສ້າງ​ພາລະ​ກຳ​ປະຫວັດສາດ​ເປັນ​ສອງ​ໄລຍະ​ຄື​ໄລຍະ​ການ​ປະຕິວັດ​ຊາດ​ປະຊາທິປະ​ໄຕ ​ແລະ ​ໄລຍະ​ປົກ​ປັກ​ຮັກສາ ​ແລະ ພັດທະນາ​ປະ​ເທດ​ຊາດ, ​ໃນ​ສອງ​ໄລຍະທີ່​ໄດ້​ກ່າວ​ມາ​ນີ້, ພາລະກິດ​ຂອງ ສື່​ມວນ​ຊົນ​ກໍ​ໄດ້​ເຮັດ​ໜ້າ​ທີ່​ຂອງ​ຕົນ​ຕາມ​ພາລະ​ບົດບາດ​ທີ່​ແຕກ​ຕ່າງ​ກັນ​ຫລາຍສົມຄວນ​ເຊ່ັນ: ​ໃນ​ໄລຍະ​ການ​ປະຕິວັດ​ຊາດ​ປະຊາທິປະ​ໄຕ ສື່​ມວນ​ຊົນ ​ແລະ ການ​ພິມ​ຈຳໜ່າຍ​ກໍ​ໄດ້​ຮັບ​ໃຊ້​ການ​ປະຕິວັດ​ຢ່າງ​ສຸດ​ກົກ​ສຸດ​ປາຍ.

ການ​ເຄື່ອນ​ໄຫວ​ຂອງ​ສື່​ມວນ​ຊົນ​ແມ່ນ​ໄປ​ຕາມ​ຮູບ​ແບບ ​ແລະ ຫວ່ງທ່າ​ຂອງ​ການ​ປະຕິວັດ, ທ່າມກາງ​ເສີກ​ສົງຄາມ, ສ່ຽງ​ເປັນ​ສ່ຽງ​ຕາຍ​ຈາກ​ຮ່າ​ລະ​ເບີດ, ຜ່ານ​ສະໝໍລະພູມ​ອັນ​ເດັດດ່ຽວ​ຂ້ຽວຂາດ​ທຸກ​ສິ່ງ​ທຸກ​ຢ່າງ​ແມ່ນ​ເພື່ອ​ປະກອບສ່ວນ​ຍາດ​ເອົາ​​ໄຊຊະນະ​ມາ​ໃຫ້ການ​ປະຕິວັດ.

​        ໃນ​ເວລາ​ນັ້ນ, ​ເຖິງວ່າ​ມີ​ສະພາບ​ແວດ​ລ້ອມ​ຫລາຍອັນ​ຫລາຍ​ຢ່າງ​ມີ​ຄວາມ​ຫຍຸ້ງຍາກ​ແຕ່​ນັກ​ສື່​ມວນ​ຊົນ​ທຸກ​ຄົນ, ທຸກ​ສະຫາຍ​ກໍ​ໄດ້​ເສຍສະຫລະ​ເຮັດ​ໜ້າ​ທີ່​ຂອງ​ຕົນ​ດ້ວຍ​ຄວາມ​ຮັບ ຜິດ​ຊອບ​ຕໍ່​ພັກ. ຕໍ່​ການ​ປະຕິວັດ​ດ້ວຍ​ຄວາມ​ຈົ່ງຮັກ​ພັກດີຕະຫລອດ​ມາ.

69 ປີແຫ່ງການກຳເນີດ ແລະ ເຕີບໃຫຍ່ຂອງສື່ມວນຊົນລາວ - lattana 1 - 69 ປີແຫ່ງການກຳເນີດ ແລະ ເຕີບໃຫຍ່ຂອງສື່ມວນຊົນລາວ

ກ່າວ​ເຖິງ​ການ​ຜະລິດ​ແຫ​ລ່ງສື່ ​ແລະ ພາຫະນະ​ຮັບ​ໃຊ້​ໃນ​ເບື້ອງຕົ້ນກໍ​ມີ​ວິທະຍຸ​ຂອງ​ແນວ​ລາວ​ຮັກ​ຊາດ​ພຽງ​ໜຶ່ງ​ແຫ່ງ, ມີ​ໂຮງພິມ​ແນວ​ລາວ​ຮັກ​ຊາດ ​ແລະ ມີ​ໜັງສືພິມ​ແນວ​ລາວ​ຮັກ​ຊາດ​ພຽງ​ໜຶ່ງ​ສະບັບ​ແຕ່​ກໍ​ໄດ້​ເຮັດ​ໜ້າ​ທີ່​ຂອງ​ຕົນ​ຢ່າງ​ສົມ​ກຽດ​ຈົນ​ມາ​ຮອດ​ປີ 1975 ຈຶ່ງ​ສາມາດ​ປົດ​ປ່ອຍ​ປະ​ເທດຊາດ​ໄດ້​ຢ່າງ​ສົມບູນ​ແບບ.

ຕົກ​ມາ​ໃນ​ຍຸກ​ປົກ​ປັກ​ຮັກ ​ແລະ ພັດທະນາ​ປະ​ເທດ​ຊາດ​ນັບ​ແຕ່ 1975 ​ເປັນຕົ້ນມາ​ສື່​ມວນຊົນ​ລາວ ​ແລະ ການ​ພິມ​ຈຳໜ່າຍ​ກໍ​ຍິ່ງ​ໄດ້​ຮັບ​ການ​ປັບປຸງ ​ແລະ ພັດທະນາ​ໃຫ້​ກ້າວ​ໄປ​ເລື້ອຍໆ. ປັດຈຸບັນ​ນັບ​ແຕ່​ຂັ້ນສູນ​ກາງ​ລົງ​ຮອດ​ທ້ອງ​ຖິ່ນ​ມີ​ສະຖານີ​ໂທລະພາບ, ສະຖານີ​ວິທະຍຸ, ລະບົບ​ໂຫລະ​ໂຄ່ງ​ຫລາຍ ​ແຫ່ງ​ໃນ​ທົ່ວ​ປະ​ເທດ, ມີ​ສື່​ສິ່ງ​ພິມ​ຕ່າງໆ​ຫລາຍ​ກວ່າ 100 ສະບັບ, ອັນ​ພິເສດ​ສຸດ​ຍັງ​ມີ​ສື່​ໃໝ່​ໃນ​ລະບົບ​ຕ່າງໆ ສາມາດ​ຕອບ​ສະໜອງ​ຄວາມຮຽກຮ້ອງ​ຕ້ອງການ​ໃນ​ການ​ບໍລິ​ໂພ​ກຂ່າວ​ຄາວ​ໃນ​ຍຸກ​ໃໝ່​ທັນ​ສະ​ໄໝ​ໄດ້​ເປັນ​ຢ່າງ​ດີ​ກ່າວ​ເຖິງ​ພາຫະນະ​ຮັບ​ໃຊ້, ວັດຖຸ​ອຸປະກອນ ​ແລະ ລະບົບ​ເຕັກນິກ​ກໍ​ໄດ້​ຫັນປ່ຽນ​ຈາກ​ອານາ​ລ໋ອກມາສູ່​ຍຸກ​ດີ​ຈິ​ຕອນ ​ເຊິ່ງສາມາດ​ເຮັດ​ໃຫ້ການ​ສົ່ງ​ຂໍ້​ມູນ​ຂ່າວສານ​ໄດ້​ວ່ອງ​ໄວ​ທັນ​ໃຈ​ຫລາຍ​ກວ່າ​ອັນ​ເກົ່າ​ຕັ້ງຫລາຍ​ສິບ​ເທົ່າ.

ສະຫລຸບ​ໄດ້​ວ່າ, ຕະຫລອດ​ໄລຍະ 69 ປີ​ແຫ່ງ​ການ​ຮັບ​ໃຊ້​ພາລະກິດ​ຂອງ​ຊາດ​ສື່​ມວນ​ຊົນ​ລາວ ​ແລະ ການ​ພິມ​ຈຳໜ່າຍ​ກໍ​ໄດ້​ເຮັດ​ໜ້າ​ທີ່​ຂອງ​ຕົນ​ຢ່າງ​ສົມ​ກຽດ ​ແລະ ມີ​ຜົນງານ​ຢ່າງໃຫຍ່ຫລວງ​ມາ​ໃຫ້​ຕົນ​ເອງ ​ແລະ ປະ​ເທດ​ຊາດ. ປະກອບສ່ວນ​​ເຂົ້າໃນ​ການ​ສ້າງສາ​ພັດທະນາ​ປະ​ເທດ​ຊາດ, ສາມາດ​ຕອບ​ສະໜອງ​ໄດ້​ກັບ​ຄວາມ​ຮຽກຮ້ອງ​ຕ້ອງການ​ຂອງ​ວຽກ​ງານ​ໄດ້​ເປັນ​ຢ່າງ​ດີ./.

error: Content is protected !!