ລັດສົ່ງເສີມສິດເສລີພາບດ້ານສື່ມວນຊົນຕາມລະບຽບກົດໝາຍ

ລັດສົ່ງເສີມສິດເສລີພາບດ້ານສື່ມວນຊົນຕາມລະບຽບກົດໝາຍ - advert banner 728 90 728x90 - ລັດສົ່ງເສີມສິດເສລີພາບດ້ານສື່ມວນຊົນຕາມລະບຽບກົດໝາຍ

ທ່ານລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ບໍ່ແສງຄໍາ ວົງດາລາ ໃຫ້ຮູ້ວ່າ: ພາຍໃຕ້ການຊີ້ນໍາຂອງພັກ ແລະ ການຄຸ້ມຄອງຂອງລັດ ຕະຫລອດໄລຍະຫລາຍທົດສະວັດຜ່ານມາໄດ້ສົ່ງເສີມໃຫ້ສັງຄົມມີສິດເສລີພາບດ້ານສື່ມວນຊົນຕາມລະບຽບກົດໝາຍກໍານົດ. ຂະນະດຽວກັນ, ລັດຖະບານບໍ່ອະນຸຍາດໃຫ້ບຸກຄົນ, ນິຕິບຸກຄົນ ສະແດງທັດສະນະທີ່ຜິດເຂວ, ສ້າງຂ່າວປອມ, ຂ່າວບິດເບື່ອນ ເພື່ອໂຈມຕີການນໍາພາຂອງພັກ-ລັດ ແລະ ສ້າງຄວາມແຕກແຍກຄວາມສາມັກຄີໃນສັງຄົມ.

ທ່ານລັດຖະມົນຕີກະຊວງ ຖວທ ​ໄດ້​​ໂອ້ລົມ​ຢູ່​ໃນ​ງານ​ສະ​ເຫລີ​ມສະຫລອງ​ວັນ​ສື່​ມວນ​ຊົນ ​ແລະ ການ​ພີ​ມຈໍາໜ່າຍ​ໃນ​ວັນ​ທີ 13 ສິງຫາ​ນີ້​ທີ່​ຫໍ​ວັດທະນະ​ທໍາ​ແຫ່ງ​ຊາດວ່າ: ໃນຄວາມໝາຍຂອງສິດເສລີພາບດ້ານສື່ມວນຊົນນີ້, ໝາຍເຖິງພົນລະເມືອງລາວທຸກຄົນ ມີສິດໃນການສະແດງຄໍາຄິດຄໍາເຫັນຜ່ານສື່ມວນຊົນຕໍ່ບັນຫາຕ່າງໆໃນສັງຄົມ ແລະ ສາມາດເຂົ້າເຖິງຂໍ້ມູນຂ່າວສານ, ພ້ອມທັງຊົມໃຊ້ຜະລິດຕະພັນສື່ມວນຊົນຕ່າງໆໄດ້ຕາມຄວາມຕ້ອງການ. ສ່ວນອົງການສື່ມວນຊົນ ຫລື ຜູ້ຜະລິດສື່ ກໍມີສິດໃນການນໍາສະເໜີຂໍ້ມູນຂ່າວສານ ແລະ ບັນຫາຕ່າງໆໃຫ້ສັງຄົມໄດ້ຮັບຊາບຢ່າງກວ້າງຂວາງທົ່ວເຖິງ. ແຕ່ແນວໃດຕາມ, ການ

ລັດສົ່ງເສີມສິດເສລີພາບດ້ານສື່ມວນຊົນຕາມລະບຽບກົດໝາຍ - 1 1 - ລັດສົ່ງເສີມສິດເສລີພາບດ້ານສື່ມວນຊົນຕາມລະບຽບກົດໝາຍ
ລັດສົ່ງເສີມສິດເສລີພາບດ້ານສື່ມວນຊົນຕາມລະບຽບກົດໝາຍ - lattana 1 - ລັດສົ່ງເສີມສິດເສລີພາບດ້ານສື່ມວນຊົນຕາມລະບຽບກົດໝາຍ

ນໍາໃຊ້ສິດເສລີພາບດ້ານສື່ມວນຊົນທີ່ຖືກຕ້ອງຄືການປະຕິບັດຢູ່ໃນຂອບຂອງລະບຽບກົດໝາຍກໍານົດ, ໂດຍສະເພາະກົດໝາຍວ່າດ້ວຍສື່ມວນຊົນແຫ່ງຊາດ, ເຊິ່ງໄລຍະຜ່ານມາ ຍັງມີບຸກຄົນ ແລະ ນິຕິບຸກຄົນ ຈໍານວນບໍ່ໜ້ອຍສ້າງຕັ້ງເວບໄຊ, ເຟສບຸກ ໂດຍບໍ່ໄດ້ຮັບອະນຸຍາດ ເພື່ອເຄື່ອນໄຫວວຽກງານສື່ຄືກັນກັບອົງການສື່ຫລັກ. ນອກນີ້ ຜູ້ເປັນເຈົ້າຂອງສື່ອອນລາຍເຫລົ່ານັ້ນຍັງບໍ່ມີຄວາມຮູ້ເລິກເຊິ່ງໃນວຽກງານສື່ ກໍຄືຈັນຍາບັນຂອງ ສື່ມວນຊົນລາວ ຈຶ່ງພາໃຫ້ມີຂ່າວປອມ, ຂ່າວຫລ​ອກລວງ ຫລື ສ້າງເລື່ອງລາວຕ່າງໆ ທີ່ບໍ່ມີມູນຄວາມຈິງຂຶ້ນມາຕົວະສັງຄົມ, ນອກນີ້ ກໍໃຊ້ສື່ອອນລາຍໃສ່ຮ້າຍປ້າຍສີ, ຕໍານິວິຈານຄົນອື່ນ ຫລື ອົງການຈັດຕັ້ງແບບບໍ່ສ້າງສັນ ແລະ ທັງບໍ່ມີຄວາມຮັບພິຊອບຕໍ່ຜົນເສຍຫາຍຕ່າງໆຈາກເນື້ອໃນທີ່ຕົນເອງໄດ້ສ້າງຂຶ້ນນໍາອີກ, ເຊິ່ງການກະທໍາດັ່ງກ່າວນີ້ບໍ່ແມ່ນການໃຊ້ສິດເສລີພາບດ້ານສື່ມວນຊົນທີ່ຖືກຕ້ອງ ແລະ ບໍ່ມີປະເທດໃດໃນໂລກທີ່ຈະຍອມຮັບໄດ້ຕໍ່ການກະທໍາທີ່ບໍ່ດີຄືແບບນີ້. ສະນັ້ນຜູ້ທີ່ຊົມໃຊ້-ບໍລິໂພກ ສື່ອອນລາຍທີ່ດີ ແລະ ມີຈັນຍາບັນນັ້ນ ຕ້ອງມີຄວາມຮັບຜິດຊອບຕໍ່ເນື້ອໃນ, ຕໍ່ຄໍາເວົ້າ ແລະ ຕໍ່ຄໍາຄິດຄໍາເຫັນຕ່າງໆທີ່ຕົນໄດ້ສ້າງຂຶ້ນຕໍ່ສັງຄົມ ແລະ ການຂຶ້ນທະບຽນເພື່ອນໍາໃຊ້ສື່ທີ່ຖືກລະບຽບກົດໝາຍຄືການສະແດງຄວາມຮັບພິຊອບຕໍ່ສັງຄົມທີ່ໜ້າຍົກຍ້ອງຊົມເຊີຍ, ທັງປະກອບສ່ວນເຂົ້າໃນວຽກງານຕ້ານຂ່າວປອມຢ່າງມີປະສິດທິຜົນ.

error: Content is protected !!